د طالبانو د کورنیو چارو وزیر سراج الدین حقاني وايي، امنیت یوازې د وسلو او امنیتي ځواکونو په فعالیت نه ټینګېږي. هغه زیاته کړې: «ټولنیز عدالت، د خلکو رضایت، د قانون حاکمیت، سالمه اداره، خلکو او دولت ترمنځ باور» د دوامداره امنیت بنسټونه دي.
د زمري ۲۸مه چې هرکال د افغانستان د خپلواکۍ ورځې په توګه نمانځل کېږي؛ سږکال ګڼو افغانانو په خواله رسنیو او په ځانګړې توګه پر میټا او اېکس پاڼو د ملي بېرغ او شاه امانالله خان د انځورونو، په دې تړاو د لیکنو، ستاینو او ویډیويي پیغامونو په خپرولو ونمانځله.
د طالبانو د رياست الوزرا اقتصادي مرستیال ملا عبدالغني برادر ویلي، افغانستان اوس د خپلواکۍ، امنیت او ملي ارزښتونو د ساتنې په برخه کې له نوي پړاو سره مخ دی او نړۍ باید له طالبانو سره د اصولو په چوکاټ کې سیاسي او اقتصادي تعامل ته لاره هواره کړي.
د طالبانو د رییس الوزرا اداري مرستیال عبدالسلام حنفي د افغانستان د خپلواکۍ کلیزې په مراسمو کې له خپلو پوځي او ملکي مسوولینو غوښتي، چې د خلکو په منځ کې ژبني، قومي، سیمهییز او مذهبي اختلافات ختم کړي. هغه زیاته کړې، د نړۍ استخبارات په دې برخه کې د اختلافاتو رامنځته کولو هڅه کوي.
د طالبانو د بهرنیو چارو وزیر امیرخان متقي د افغانستان د خپلواکۍ ورځې په مراسمو کې ویلي، د هېواد خپلواکي یوازې د بهرنیو ځواکونو له وتلو سره نه بشپړېږي؛ بلکې افغانستان باید په بهرني سیاست، اقتصاد، ټکنالوژۍ، علم او امنیتي برخو کې هم پر خپلو پښو ودرېږي.
د طالبانو لوی درستیز فصیحالدین فطرت د افغانستان د خپلواکۍ کلیزې په مراسمو کې د هېواد دننه او بهر خپلو مخالفینو ته خبرداری ورکړی، چې له «پردیو دسیسو او د امنیت له ګډوډولو» لاس واخلي، کنه له سخت غبرګون سره به مخ شي.
د افغانستان د خپلواکۍ ورځ چې پخوا به هرکال په بلوچستان کې د افغانانو او ځايي پښتنو او په خیبر پښتونخوا کې د افغان کډوالو له لوري په پراخو ملي او دودیزو مراسمو نمانځل کېده، د طالبانو له واکمنېدو او په پاکستان کې پر افغان کډوالو تر محدودیتونو وروسته یې پخوانی رنګ بایللی دی.
د ملګرو ملتونو د سرمنشي ویاند سټیفان دوجاریک په یوې خبري ناسته کې ویلي، افغانستان ته د ستنو شویو ۹۰۰زره ماشومانو له ډلې شاوخوا دوه پر درېیمه برخه یې لاهم له زدهکړو بېبرخې دي. د هغه په وینا، له دې ډلې نږدې ۶۰۰زره یې ښوونځي ته لاسرسی نهلري.
د افغانستان د خپلواکۍ ۱۰۷مې کلیزې په مناسبت ګڼو سیاسي مشرانو، په افغانستان کې د ملګرو ملتونو مرستندویه دفتر «یوناما» او فعالانو د مبارکۍ پیغامونه خپاره کړي او د شاه امان الله د پرمختګ، اصلاحاتو او خپلواکۍ د هڅو یادونه او د نوموړي د شخصیت او تاریخي رول ستاینه کړې ده.
طالبانو د افغانستان د خپلواکۍ بېرته ترلاسه کولو ۱۰۷مې کلیزې په مناسبت په یوه اعلامیه کې د شاه امان خان له نوم اخیستلو پرته د دغه ورځې مبارکي ویلې. طالبانو زیاته کړې، چې د «افغان مجاهدینو د جهاد او قربانیو» په پایله کې یې په یوه پېړۍ کې درېیو سترو نړۍوالو قدرتونو ته ماتې ورکړې.
پخواني ولسمشر حامد کرزي د افغانستان د خپلواکۍ بېرته ترلاسه کولو ۱۰۷مې کلیزې په مناسبت په خپل پیغام کې ویلي، چې د یوه هېواد ځواک تلپاتې سولې او ثبات، ملي یووالي او د علم او پوهې په ګاڼه د سمبالو ځوانانو په لرلو پورې تړلی دی.
د ملګرو ملتونو د سرمنشي ځانګړي استازي مرستیال او په افغانستان کې د ملګرو ملتونو د استوګنې او بشري مرستو همغږي کوونکي برونو لمارکي د اګست ۱۹مې د بشري مرستو نړۍوالې ورځې په مناسبت ویلي، افغان ښځینه بشري کارکوونکې د مرستو رسولو په برخه کې حیاتي رول لري.
په اوکراین کې له دندې ګوښه شوي دفاع وزیر میخایلو فېدوروف د جګړې پرمهال د ټاکنو د ترسره کېدو غوښتنه کړې ده. فېدوروف په یوه ویډیو کې چې په یوټیوب کې یې خپره کړې ویلي: «دیموکراسي باید د روسیې لهخوا یرغمل نهشي. موږ د همدې لپاره جګړه کوو، چې غواړو یو ازاد اروپايي هېواد پاتې شو».
د بلوچستان په بېلابېلو سیمو کې په جلا، جلا پېښو کې ۲۰ کسان وژل شوي دي. د پولیسو په وینا، د بلوچستان په خاران ولسوالۍ کې د دوو کسانو مړي موندل شوي چې د پېژندنې لپاره روغتون ته لېږدول شوي دي.
د پښتونخوا نېشنل عوامي ګوند مشر خوشحال خان کاکړ د پاکستان په ملي اسمبلۍ کې د وینا پرمهال له حکومته غوښتي، چې په افغانستان کې له هر ډول مداخلې ډډه وکړي او د دواړو هېوادونو اړیکې د خبرو او متقابل درناوي له لارې وساتي.
د امانالله خان د اصلاحاتو د ناکامۍ په اړه یو له عامو روایتونو څخه دا دی، چې هغه خپل اصلاحات په ډېره زیاته بیړه پیل کړل او د افغانستان د ټولنې شرایط او ظرفیتونه یې په پام کې ونه نیول.
د ۱۲۹۸لمریز کال (د زمري په ۲۸مه) نېټه شاه امانالله خان له انګرېزانو د افغانستان خپلواکي ترلاسه کړه او په دې ډول هغه ته د ملت لهخوا د «غازي» لقب ورکړل شو. له هماغې ورځې راهیسې هرکال (د زمري ۲۸مه) نېټه د افغانانو لهخواپه پرتمین جشن نمانځل کېږي.
د اسراییل پوځ د سېشنبې په ورځ (د زمري ۲۷مه) خبر ورکړی، د غزې ښار بندر ته نږدې یې د حماس هغه قوماندانان په یوه هوايي برید کې په نښه کړي چې په غزه کې پر مېشتو اسراییلي ځواکونو یې د برید پلان لاره.
د بشري حقونو فعاله بلقیس احمدي وايي، د طالبانو د هر فرمان ترشا د یوې افغان ښځې یا نجلۍ د ژوند یوه دردونکې کیسه پرته ده او د ښځو او نجونو له عامه ژوند څخه د اېستلو وضعیت په تدریجي ډول د نړۍ لپاره پر عادي موضوع بدلېدونکی دی.
د پاکستان د کورنیو چارو وزارت ويلي، دامهال نږدې ۱.۹ مېلیونه افغان کډوال په دغه هېواد کې مېشت دي. د یاد وزارت د شمېرو له مخې؛ په وروستي پړاو کې ۲۵۰زره او ۳۶۲ افغانان په خپله خوښه او جبري توګه له پاکستان نه افغانستان ته ستانه شوي دي.
د حزب اسلامي ګوند مشر ګلبدین حکمتیار وایي، د طالبانو او اسلاماباد ترمنځ روانه لانجه په حقیقت کې د ډیلي او اسلاماباد جګړه ده چې له کشمیر نه افغانستان ته انتقال شوې. هغه ویلي: «يوازې ناپوه او غرضي كسان به دا وايي او انګېري چې روانه لانجه د پاكستان او يوې افغانې ډلې لانجه ده».