د حزب اسلامي ګوند مشر ګلبدین حکمتیار وایي، د طالبانو او اسلاماباد ترمنځ روانه لانجه په حقیقت کې د ډیلي او اسلاماباد جګړه ده چې له کشمیر نه افغانستان ته انتقال شوې. هغه ویلي: «يوازې ناپوه او غرضي كسان به دا وايي او انګېري چې روانه لانجه د پاكستان او يوې افغانې ډلې لانجه ده».
له هغه وروسته چې څرګنده شوه اوکراین د روسیې پر خاوره په وروستیو بریدونو کې د برېتانیا جوړ شوي ډرونونه کارولي دي، روسیې لندن ته د اوکراین د ملاتړ د دوام «پایلو» په اړه خبرداری ورکړی دی.
مېټا هغه تور رد کړی چې د امریکا ۲۹ ایالتونو پرې لګولی او ویلي یې دي چې دغه شرکت د ګټې د زیاتولو لپاره ماشومان او تنکي ځوانان د فېسبوک او انسټاګرام لا ډېر کارولو ته هڅولي او د دغو ټولنیزو شبکو خطرونه یې له خلکو پټ ساتلي دي.
په ننګرهار کې د طالبانو رسنیز دفتر خبر ورکړی چې د دغه ډلې د اطلاعاتو او کلتور وزارت د خپرونو مرستیال مهاجر فراهي په دغه ولایت کې له خبریالانو غوښتي چې د «ناسمو او مغرضو تبلیغاتو» پر وړاندې خپل مسوولیت ادا کړي.
د طالبانو د ترانسپورټ او هوايي چلند وزارت د هوا پوهنې ادارې په افغانستان په پنځو ولایتونو کې د سختو بارانونو، تالندې او برېښنا، تېزو بادونو او سېلابونو د احتمال خبر ورکړی دی.
د عوامي نشنل ګوند د پښتونخوا ایالتي مشر میاں افتخار حسین وایي، په پاکستان کې دې ولس ته وويل شي، «کله چې په افغانستان کې طالبان واک ته راوستل کېدل، له هغوی سره څه ډول تړون شوی و او ولې نن هېڅوک نه غواړي د دغه تړون مسولیت پر غاړه واخلي؟».
د افغانستان د کانونو او پټرولیم پخوانۍ وزیرې نرګس نهان په کابل کې وروستۍ چاودنې ته په غبرګون کې ویلي، چې دا پېښه یو ځل بیا ښيي چې په افغانستان کې سوله او امنیت نشته. وړمه ورځ د کابل په دشت برچي سیمه کې د یو ښوونځي دننه چاودنې ۵۲ کسان ټپیان کړي دي.
د طالبانو مخالفې وسلهوالې ډلې «سپاهیان میهن» په نوم جبهې ادعا کړې چې د تخار ولایت په چاهآب ولسوالۍ کې یې د سرو زرو د استخراج پر یوه بهرني شرکت برید کړی، چې له امله یې یو کس وژل شوی او یو شمېر نور ټپیان شوي دي.
عیني شاهدان وايي، د طالبانو د امر بالمعروف مامورینو د هرات ښار په دوو جلا پېښو کې لږ تر لږه پنځه ښځې نیولې دي. د افغانستان انټرنشنل د معلوماتو له مخې، دغه پېښې د سېشنبې په ورځ، د زمري په ۲۷مه، رامنځته شوې دي. شاهدانو ویلي چې نیول شویو ښځو خپل مخونه نه وو پټ کړي.
د هند د بهرنیو چارو وزارت د طالبانو د واکمنۍ د کلیزې په مناسبت په نوي ډیلي کې د طالبانو تر ادارې لاندې د افغانستان په سفارت کې د جوړې شوې غونډې لپاره د خپل رسمي استازي د لېږلو دفاع کړې او ویلي یې دي چې له طالبانو سره د دوی اړیکې په تېر یوه کال کې چټکې شوې دي.
د جمعیت علمای اسلام ګوند مشر مولانا فضل الرحمان ویلي، د ډیورنډ کرښې په اوږدو کې او د پخوانیو قبایلي سیمو سوداګرو کاروبارونه په ټپه درېدلي، باید دوی د اوسنیو ستونزو قرباني نه شي، ځکه د ډېری کورنیو اقتصادي ژوند له افغانستان سره په سوداګرۍ پورې تړلی دی.
ځايي سرچینو افغانستان انټرنشنل - پښتو ته وویل چې د بامیان ښار د طالبانو د څلورمې امنیتي حوزې په سیمه کې د چاودنې غږ اورېدلی دی. د جمهوریت په نوم جبهې د دې برید مسوولیت منلی او ویلي یې دي چې د بامیان ښار په مرکز کې یې راکټي برید کړی او موخه یې سلام حنفي او ندا محمد ندیم وو.
د پښتونخوا ملي عوامي ګوند مشر محمود خان اڅکزي د سهشنبې په ورځ د پاکستان په پارلمان کې د خپلې وینا پر مهال وویل، په ټول هېواد کې هر ځای وژنې روانې دي، د کانونو او طبیعي زېرمو پر سر جګړې کېږي او له وزیرستان څخه تر باجوړ او خیبر پورې امنیتي وضعیت خراب دی. .
د طالبانو تر واک لاندې د المپیک، بدني روزنې او سپورټ عمومي ریاست وايي، د لوګر ولایت په برکي برک ولسوالۍ کې د «بریا جام» په نوم د پهلوانۍ سیالۍ ترسره شوې دي.
د پاکستان د دفاع وزیر خواجه محمد اصف ویلي، چا چې افغانان پاکستان ته راوستي او په دغه هېواد کې یې اباد کړي، هغوی د قوم مجرمان دي.
د طالبانو مخالفې ډلې، متحدې جبهې د زمري ۲۷مه د سېشنبې شپه په کندهار ولایت کې د طالبانو پر ۲۰۵ قول اردو د برید خبر ورکړی دی. دغه جبهه وایي، ځواکونو یې دغه برید د یادې قول ادرو په ننوتونکې دروازې کې کړی چې پنځه طالبان یې وژلي او ۳ نور یې ټپیان کړي دي.
یو شمېر ځايي اوسېدونکوافغانستان انټرنشنل ته وویل چې د سې شنبې په شپه یوې نسبتاً زورورې زلزلې د هرات ښار ولړزاوه. تر اوسه د دغې زلزلې د کچې او شدت، او همداراز د احتمالي ځاني او مالي زیانونو په اړه کره معلومات نه دي خپاره شوي.
برېټانیا د کابل په دشت برچي سیمه کې د شام هدایت ښوونځي ته څېرمه شوې چاودنه په کلکه غندلې ده. د افغانستان لپاره د برېټانیا سفارت د دغه برید له امله پر اوښتې مرګژوبلې ژوره اندېښنه ښوولې او ټینګار یې کړی چې ښوونځي باید له بریدونو خوندي وساتل شي.
د پاکستان سترې محکمې امر کړی چې د پاکستان تحریک انصاف ګوند بنسټګر عمران خان دې د درملنې لپاره د اسلاماباد شفا نړیوال روغتون ته ولېږدول شي، خو حکومت وايي چې د دغې پرېکړې پر ضد به محکمې ته عریضه وکړي او له سترې محکمې به وغواړي چې خپله پرېکړه بیا وارزوي.
د پاکستان د خیبر پښتونخوا په بونیر کې چې د ښځو د سواد کچه پکې یوازې ۲۷،۴۰ سلنه ده، یو ۱۹ کلن محصل وایي د زدهکړو د پراختیا لپاره یې ولسي حرکت پیل کړی او په تېر یوه کال کې یې ۱۵۲ له ښوونځیو پاتې ماشومان بېرته ښوونځیو ته شامل کړي دي.
د فرانسې د بهرنیو چارو وزیر ژان نویل بارو وايي، د ایران خلک د منځني ختیځ د روانو سختو ترینګلتیاوو اصلي قربانیان دي او د اعتراضونو د خونړي ځپلو او بمبارۍ ترمنځ بند پاتې دي.