په داسې حال کې چې د امریکا ولسمشر ډونالډ ټرمپ ویلي، اوس هغه وخت رارسېدلی چې اوکراین جګړې ته د پای ټکی کېږدي؛ د امریکا ځانګړی استازی سټیو وېټکاف به د چهارشنبې په ورځ (د تلې په ۲۹مه) د روسیې له ولسمشر ولادیمیر پوتین سره وګوري.
د افغانستان د کرېکټ ملي لوبډله نن د درې اړخیزې یو ورځنیو سیالیو لوبلړۍ پر دوام خپله دویمه لوبه د بنګلهدېش د کرېکټ ملي لوبډلې پر وړاندې د متحده عربي اماراتو په شارجه لوبغالي کې ترسره کوي.
د ایران په زاهدان–بم لویه لاره کې د یوې ترافیکي پېښې له امله نهه افغان کډوال او یو ایرانی موټر چلوونکی مړه شوي دي. دغه پېښه د سېشنبې په سهار (د تلې ۲۸مه) د سیستان او بلوچستان ولایت په کهورک سیمه کې شوې ده.
د ملګرو ملتونو د روغتیا نړۍوال سازمان وايي، د اروپايي ټولنې په مالي ملاتړ د کندوز د ساري ناروغیو روغتون د ۲۰۲۶کال له اپرېل راهیسې د افغانستان په شمال ختیځ کې زرګونه ناروغانو ته وړیا تخصصي روغتیايي خدمتونه وړاندې کړي دي.
د روغتیا نړۍوال سازمان په تازه راپور کې راغلي، په روانه اوونۍ کې په افغانستان کې د ګوزڼ شپږ نوې مثبتې پېښې ثبت شوې چې له دې سره د روان ۲۰۲۶کال د اکتوبر تر ۱۸مې پورې په افغانستان کې د ګوزڼ ټولې ۴۲ مثبتې پېښې ثبت شوې دي.
د شانګهای همکارۍ سازمان په ازبکستان کې له «امنیتي ننګونو او ګواښونو سره د مبارزې پراخ مرکز» جوړوي. دغه طرحه د وروستي تصویب او عملي کېدو لپاره د ازبکستان د سنا مجلس ته استول شوې ده.
د بلوچستان په ګوادر، کېچ، واشک او خضدار ولسوالیو کې په تېرو دوو ورځو کې د ۱۰ کسانو په مرمیو ویشتل شوي مړي موندل شوي دي، چې په وژل شویو کې د ګوادر پوهنتون یو زدهکوونکی هم شامل دی.
د امریکا د استازو جرګې غړي سام لیکاردو د افغان کډوالو لپاره د لنډمهاله خوندي وضعیت (TPS) د بېرته فعالولو هڅه پیل کړې ده. نوموړی غواړي هغه طرحه چې له میاشتو راهیسې په کانګرس کې بنده پاتې ده، د یوه ځانګړي پارلماني میکانیزم له لارې د رایې ورکولو پړاو ته ورسوي.
په پروان کې د طالبانو امنیه قوماندانۍ وایي، له ۱۸ کلنو کم عمره پنځه ځوانان یې د یوه ۴۵کلن کس د وژنې په تور نیولي دي. طالبانو ويلي، پېښه د پخوانۍ دښمنۍ له کبله وه. پر خواله رسنیو یوشمېر کاروونکو د اندېښنې په څرګندولو ویلي، چې «دوښمني تر کم عمره ځوانانو هم ورسېده».
د روسیې او ازبکستان پوځونو د افغانستان پولې ته نږدې، د ترمذ په پوځي روزنیز ډګر کې د «۲۰۲۶ـ همکارۍ» په نوم ګډ پوځي تمرینونه پیل کړي دي. دغه اووه ورځني تمرینونه د اکتوبر له ۲۰مې تر ۲۷مې پورې د ترمذ په پوځي ډګر کې ترسره کېږي.
د ملګرو ملتونو د بشري مرستو د همغږۍ دفتر (اوچا) وايي، په افغانستان کې نږدې ۱۶ مېلیونه کسان له سختې لوږې سره مخ دي چې له دې ډلې ۳.۴ مېلیونه کسان په بېړني وضعیت کې ژوند کوي.
په یوه نوي کتاب کې ادعا شوې، چې د ۲۰۲۱کال په اګست کې د کابل تر سقوط او د ۱۳ امریکايي سرتېرو تر وژل کېدو وروسته د امریکا د پخواني ولسمشر جوبایډن مېرمنې جیل بایډن دفتر د هغې د عامه فعالیتونو او پوځي اډو ته د سفرونو په اړه جدي اندېښنې لرلې.
د ایران ملي هوايي شرکت «ایران اېر» اعلان کړی، چې د تهران–کابل–مشهد پر مسیر به خپلې الوتنې د اکتوبر له ۲۳مې نېټې بېرته پیل کړي. د دغه شرکت مشر طاهر عبدالحی ویلي، چې د دغه الوتنو په بیا پیل سره به د ایران او افغانستان ترمنځ د مساپرو د لېږد رالېږد خدمتونه بېرته پیل شي.
فاکس نیوز د دوو امریکايي چارواکو په حواله راپور ورکړی، چې امریکا منځني ختیځ ته د «تیودور روزوېلټ» الوتکهوړونکې بېړۍ او د سمندري ځواکونو د ۱۳مې قطعې په لېږلو سره شاوخوا ۱۰زره نور سرتېري په سیمه کې ځای پر ځای کوي.
د افغانستان د ملي راډیو تلویزون او افغان فلم پخوانی کارکوونکی او ژورنالېست، تېمور شاه حسن د ورپېښې ناروغۍ له امله په امریکا کې مړ شوی. د هغه کورنۍ او په امریکا کې یوه افغان خصوصي تلویزون، چې تېمورشاه حسن ورسره همکاري لرله، د هغه مړینه تایید کړې ده.
د پاکستان د لومړي وزیر د سیاسي چارو سلاکار رانا ثناءالله له اپوزېسیون ګوندونو غوښتي چې نورې غوښتنې دې یوه خوا ته پرېږدي او د خیبر پښتونخوا د وضعیت او ترهګرۍ پر ضد د مبارزې په اړه دې له حکومت سره خبرې وکړي.
د فرانسې پولیسو یو ۳۴ کلن سړی د لیموژ ښار، د ښاروالۍ تاریخي ودانۍ ته د اور اچولو په تور نیولی.چارواکي وایي دا کس له افراطي کیڼ اړخو ډلو سره تړاو لري او نوم یې د امنیتي ګواښونو په نوملړ کې ثبت و. د فرانسې لومړي وزیر ویلي، چې د جمعې په ورځ به دغه لاریون ځپلي ښار ته لاړشي.
د امریکا د بهرنیو چارو وزارت اعلان وکړ چې د ولسمشر ډونالډ ټرمپ ادارې په خپله دویمه دوره کې د دغه هېواد تر ۳۰۰ زرو ډېرې ویزې لغوه کړې دي. دا پرېکړه د کډوالۍ په برخه کې د فدرالي حکومت د پراخو او سختو اقداماتو یوه برخه ده.
تر هغې وروسته، چې ایراني چارواکو له امریکا سره د سولې خبرو ته چمتووالی ونه ښود، راپورونه ښيي چې د پاکستان د پوځ مشر عاصم منیر، تش لاس بیرته خپل هېواد ته ستون شو. هغه په دې موخه تهران ته تللی و، چې د ایران او امریکا د بیاځلي مذاکراتو زمینه برابره کړي.
د پېښور عالي محکمې د خېبر پښتونخوا د لرې کړل شوي اعلی وزیر سهیل اپرېدي، د ایالتي اسمبلۍ د مشر بابر سلیم سواتي او د پاکستان تحریک انصاف ګوند د نورو مشرانو د موندلو په اړه د ثبت شویو غوښتنلیکونو اورېدنه کړې ده. محکمې له اړوندو لورو غوښتي چې خپل ځوابونه په لسو ورځو کې وړاندې کړي.
د اروپايي ټولنې د بهرني سیاست مسوولې کایا کالاس ویلي، چې حوثي یاغیان په یمن او سعودي عربستان کې پر ملکي وګړو د ترهګریزو کړنو له لارې په سیمه کې د وېرې خپرولو هڅه کوي.