د لبنان د لومړي وزیر مرستیال طارق متري ویلي، چې هېواد یې له ایران څخه غوښتي څو په بیروت کې نوی سفیر وټاکي. نوموړي زیاته کړې، چې د دواړو هېوادونو ترمنځ د رامنځته شوې ډیپلوماټیکې مسئلې د هواري هڅې روانې دي.
هندي رسنیو راپور ورکړی چې په ممبيي ښار کې پر موټرسایکل سپرو درېیو وسلهوالو د بالیووډ د سینما پر نامتو ستوري ټایګر شروف ډزې کړې دي، خو نوموړی له دې بریده روغ رمټ وتلی دی.
د طالبانو د کورنیو چارو وزارت مرستیال، محمد نبي عمري پر دې ټکي له ټینګار سره، چې طالبان له فساده پاک دي، ویلي چې د فساد د « احتمالي موجودیت» د ختمولو لپاره، ملا هبت الله اخوندزاده د سراج الدین حقاني په مشرۍ یوه کمېټه ټاکلې ده.
د عوامي نشنل ګوند مشر ایمل ولي خان په خېبر پښتونخوا کې د والي واکمني غیر جمهوري بللې او ویلي یې دي چې عوامي نشنل ګوند د مرکزي حکومت د دې پرېکړې مخالفت کوي خو که والي د خېبر پښتونخوا ایالت د خلکو له حقونو دفاع وکړي نو دوی به ورسره بشپړه همکاري وکړي.
د تخار د کلفګان ولسوالۍ لپاره د طالبانو ولسوال نصرالله نظري او دوه زامن یې ټپيان شوي دي. یو شمېر سرچینو ادعا کړې، چې پېښه د ولسوال په کور کې د چاودنې له امله رامنځته شوې، خو طالبان بیا ادعا لري، چې دا پېښه د ولسوال په کور کې د ګاز ډبې د چاودنې له امله رامنځته شوې وه.
د جنبش ګوند مشر عبدالرشید دوستم وایي، نړیوالو ترهګرو افغانستان د سترو قدرتونو د سیالۍ او خپلسرو فعالیتونو پر ډګر بدل کړی. هغه زیاته کړې، د مقاومت مبارزین لا هم ژوندي دي او د خلکو د ازادۍ او له اوسني کړکېچ څخه د هېواد د ژغورلو لپاره به تر وروستۍ سلګۍ خپلې ته مبارزې دوام ورکړي.
د افغانستان د پخوانۍ ولسي جرګې غړې فوزیې کوفي د جګړې د قربانیانو له کورنیو سره د دوامداره ملاتړ غوښتنه کړې ده. نوموړې ویلي چې جګړو له ډېری افغان میندو اولادونه اخیستي او د ویر په ټغر یې کېنولې دي.
د سوداګرۍ او پانګونې خونې د ژمي په درشل کې د اوړو، غنمو او غوړیو د وارداتو پر چټکتیا ټینګار کړی دی. د دې خونې په یوې ځانګړې ناسته کې، له هند او پاکستان څخه د وریجو د واردولو د ستونزو پر حل هم ټینګار شوی دی.
د جرمني حکومت د هغو افغانانو د قضیو له بیا ارزونې وروسته هم چې پخوا یې دغه هېواد ته د لېږد ژمنې ترلاسه کړې وې، هېچا ته د ویزې ورکولو پرېکړه نه ده کړې.
د امریکا ولسمشر ډونالډ ټرمپ د یکشنبې په ورځ د اسراییل په ټاکنو کې له خپل متحد بنیامین نتنیاهو څخه ملاتړ اعلان کړ. ټرمپ نتنیاهو پیاوړی جنګیالی لومړی وزیر او د سولې ملګری بللی دی.
د سعودي عربستان په مشرۍ اېتلاف اعلان وکړ، چې په نجران کې د دوی یوه پوځي چورلکه د تخنیکي ستونزې له امله لوېدلې ده. د ایتلاف ویاند تركي المالکي وویل، چې په پېښه کې د چورلکې دوه تنه عمله وژل شوي دي.
د هسپانیا په پلازمېنه مادرید کې له ۱۵۰ څخه د زیاتو افغان او هسپانیايي وګړو په ګډون د افغانستان کلتوري مرکز پرانیستل شوی. د مرکز د پرانیستو موخه د افغان کډوالو یووالی، د کلتور او هویت ساتنه او د افغان ښځو او نجونو د حقونو او د کډوالو د ستونزو انعکاس بلل شوی دی.
د طالبانو تر واک لاندې ملي ټلوېزیون نن د تلې پر ۲۶مه ددې ډلې د بهرنیو چارو وزیر امیرخان متقي او د افغانستان لپاره د ملګرو ملتونو د سرمنشي د ځانګړې استازې او د یوناما مشرې رباب فاطمې د لیدنې انځور سانسور کړی. د طالبانو بهرنیو چارو وزارت دغه انځور له سانسور پرته خپور کړی.
په کندهار کې د طالبانو امنیه قوماندانۍ خبر ورکړی چې د دغه ولایت د سپین بولدک، تخته پل، ډنډ، پنجوايي او میوند ولسوالیو په ریګونو کې یې د ځوانانو پر تفریحي مېلو بندیز لګولی دی.
د اوکراین ولسمشر ولادیمیر زېلېنسکي وايي، امریکا له لنډ ځنډ وروسته یو ځل بیا له اوکراین سره د استخباراتي معلوماتو شریکول پیل کړي، څو د روسیې د بالستیک توغندیو بریدونه کشف او پر وړاندې یې دفاع وکړي.
د پخوانۍ ولسي جرګې غړی حبیب الرحمن سیاف وايي چې د طالبانو چتر نه افغانانو اتنخاب کړی او نه هم طبیعي چتر دی. نوموړي ویلي چې طالبان دې د مذاکراتو لاره ونیسي او که نه د بقا عناصر یې ډېر کمزوري دي.
د طالبانو رسنیو د یکشنبې په ورځ د تلې پر ۲۶مه خبر ورکړی چې د ملي مقاومت جبهې یو قوماندان میرویس خان د بغلان ولایت په اندراب کې وژل شوی دی. یوې باوري سرچینې تایید کړه، چې میرویس د مقاومت جبهې د عمومي نظامي قوماندان صالحمحمد ریګستاني خوریی و.
د تېر جمهوري نظام د بهرنیو چارو وزیر محمد حنیف اتمر د جنرال عبدالرازق اڅکزي په اتمه تلینغونډه کې هغه د سولې قرباني وباله او وايي چې په اوسنیو حالاتو کې هم باید روان کړکېچ د سولې او مذاکراتو له لارې حل شي.
د طالبانو د بهرنیو چارو وزیر امیرخان متقي د افغانستان لپاره د ملګرو ملتونو د سرمنشي له ځانګړې استازې او د یوناما له مشرې رباب فاطمې سره لیدلي دي. متقي د افغانستان په اړه د یوناما په ارزونو کې د وضعیت پر متوازن انعکاس او له طالبانو سره پر لازمې همغږۍ ټینګار کړی دی.
د اسلامي وحدت ګوند مشر محمد محقق د کندهار د پخواني امنیه قوماندان جنرال عبدالرازق اڅکزي په اتمه تلینغونډه کې پر طالبانو غږ وکړ چې په افغانستان کې له روانو ظلمونو، په ځانګړي توګه د شیعهوو د جایدادونو له راګرځولو او ځورولو لاس واخلي.
په تاجکستان کې د افغانستان سفیر ظاهر اغبر ویلي، چې د بغداد مهمې ناستې ته د طالبانو نه بلل کېدل په اسلامي نړۍ کې د دې ډلې د مشروعیت نشتوالی په ډاګه کوي. هغه ټینګار کړی، چې د ملت له ارادې پرته نړیوال اعتبار نه ترلاسه کېږي.