د طالبانو د ټولګټو چارو وزارت ویاند محمداشرف حقشناس وایي، د هرات – بلخ اوسپنې پټلۍ پروژه د افغانستان له مهمو زېربنايي پروژو څخه ده چې ایران او ترکیه د مرکزي اسیا له هېوادونو سره نښلوي او په پای کې له چین سره د نښلولو په برخه کې هم مهم رول لوبولی شي.
د بلوچستان د بار وړونکو موټرو او د سوداګرو ټولنو لهخوا د نامعلومې مودې لپاره د بار وړونکو موټرو درېدو او د هټیو تړلو اعتصاب اعلان کړی دی. د دغه اعتصاب له امله نن په بلوچستان کې سوداګریز فعالیتونه په بشپړه توګه په ټپه درېدلي او پر سړکونو د موټرو تګراتګ هم بند شوی دی.
د کندوز یو اوسېدونکي افغانستان انټرنشنل ته ویلي، د طالبانو د ښاروالۍ کارکوونکي د دغه ولایت په بېلابېلو سیمو کې کور په کور ګرځي او د هغه بېوزله خلکو د کورونو دروازې تړي چې د یادې ښاروالۍ مالیې یې نهدي ورکړي.
د هرات په صنعتي ښارګوټي کې بوخت یو کارګر افغانستان انټرنشنل ته په لېږلي یو پیغام کې ویلي، چې هره ورځ د سهار له ۵ بیا د مازیګر تر ۶ بجو پورې په کار کې وي. نوموړي زیاته کړې: «زوی مې ناروغ دی، ماته رخصت نه راکوي او مېرمن مې د طالبانو له وېرې له کوره نهشي وتلی».
د پاکستان د وګړو د ثبت ملي ادارې (نادرا) اعلان کړی، هغه کسان چې پخوا یې اېسيسي یا پي او ار کارت ترلاسه کړی؛ خو ځانونه د پاکستان قانوني وګړي ګڼي، کولای شي د خپل پاکستاني تابعیت د ثابتولو لپاره رسمي غوښتنلیک وړاندې کړي.
باخبره سرچینو افغانستان انټرنشنل ته ویلي، چې په هرات کې د طالبانو والي د چهارشنبې په ورځ په دوو جلا غونډو کې د ښار د بېلابېلو ناحیو له وکیلانو، سیمهییزو مخورو او یو شمېر پخوانیو جهادي قوماندانانو سره لیدلي دي.
د اوټاوا مشورتي بهیر په یوه اعلامیه کې په هرات ښار کې د طالبانو له لوري د ښځو د نیولو او د لاریونوالو پر وړاندې د چلند غندنه کړې او دا یې د «سولهییزو اعتراضونو تاوتریخجن ځپل» بللي دي.
د هلمند ولایت لپاره د طالبانو والي امانالدین منصور په بدخشان کې په یوې دستار بندۍ کې خبرداری ورکړی، چې که کوم مخالف پیدا شي، نو غاښ ماتونکی ځواب به ورکړي. دغه څرګندونې په داسې حال کې دي، چې دمګړۍ څو وسلهوالې جبهې د طالبانو پر ضد فعالې دي.
د افغانستان د شیعه علماوو شورا د هرات ولایت د جبرییل ښارګوټي وروستیو پېښو په غبرګون کې د طالبانو د امر بالمعروف له محتسبانو غوښتي چې د خپلو دندو د ترسره کولو پر مهال د اسلامي شریعت، د ټولنې دودونه او د اسلامي مذاهبو فقهي احکام په پام کې ونیسي او له افراطي چلندونو ډډه وکړي.
د افغانستان او امریکا د ګډې سوداګرۍ خونې رييس جفري ګرېکو د طالبانو په واک کې د افغانستان د صنايعو او کانونو خونې له مشر احمد نبي زاده سره په کتنه کې ویلي، د افغانستان د خصوصي سکتور د ملاتړ او د سوداګریزو اسانتیاوو د پراختیا په موخه له بېلابېلو نړیوالو بنسټونو سره په اړیکه کې دی.
د اروپايي پارلمان دوو غړو ویلي، طالبان ښځو ته د خپلواک انسان په سترګه نه، بلکې د داسې موجود په توګه ګوري چې د اساسي حقونو او ازادیو بېبرخې وي.دوی د افغان ښځو پر وړاندې د طالبانو پر سیاستونو سختې نیوکې کړې او د «جنسیتي اپارتاید» د نړیوال جرم په توګه د رسمیت پېژندلو غوښتنه یې کړې.
د افغانستان د مدني ټولنې او بشري حقونو بنسټونو هرات کې د ښځینه او نارینه معترضینو دوامداره نیول غندلي او زیاته کړې یې ده، چې طالبان د مدني اعتراضونو په ځپلو سره د افغانانو ترمنځ د وېرې او وحشت فضا رامنځته کول غواړي. طالبانو د حجاب په پلمه په هرات کې د ښځو د نیولو بهیر پیل کړی دی.
په کابل کې د غلاوو له ډېرښت سره هممهاله طالبان د کابل د ۱۳مې امنیتي حوزې په شاوخوا کې د دوو ښځو په ګډون د غلو د یوې ۸ کسیزې حرفوي ډلې له نیول کېدو خبر ورکوي. د دوی په وینا، یادو کسانو له کابل سربېره په غزني او هرات کې هم غلاوې کړي او د یوه صراف په وژنه کې یې هم لاس درلود.
د بشري حقونو د څار سازمان د افغانستان برخې څېړونکې، فرشته عباسي، ویلي چې د کډوالۍ اړوند خبرو اترو لپاره د طالبانو د پلاوي د ګډون په موخه د اروپايي کمېسیون بلنه په نامناسب وخت کې شوې او «ناسم پیغام» لېږدوي.
د ناروې د کډوالو شورا عمومي منشي جان اګلنډ په ایران کې د مېشتو افغان کډوالو پر وضعیت اندېښنه ښودلې او ویلي یې دي چې په منځني ختیځ کې د جګړې له امله د دغو ۴،۴ میلیونه افغانانو خراب اقتصادي وضعیت له پامه غورځول شوی دی.
د ازادۍ او عدالت غورځنګ په هرات ولایت کې د طالبانو له خوا د ښځو د نیولو نوې لړۍ او د ولسي اعتراضونو ځپل په کلکه غندلي دي. دغه وسلهوالې ډلې او سیاسي خوځښت د غبرګولي په ۲۰مه په یوه اعلامیه کې ویلي چې طالبان له دین څخه د یوې وسیلې په توګه کار اخلي.
په کونړ کې په درېیو بېلابېلو ټرافیکي پېښو کې ۱ کس مړ او ۲۴ نور ټپيان شوي دي. د کونړ ولایت لپاره د طالبانو د امنیه قومندانۍ مسوولین وايي، دغه پېښې په اسمار، غازياباد او چپې درې ولسوالیو کې له سړکونو څخه د موټرو د اوښتو له امله رامنځته شوې دي.
په جلاوطنۍ کې د ازادۍ غوښتونکو غورځنګ غړو د هرات د جبرییل ښارګوټي د لاریونوالو د ځپلو په غبرګون کې ویلي چې د ښځو نیول او له خلکو سره تاوتریخجن چلند د طالبانو له لوري د ازادۍ غوښتونکو غږونو د خاموشه کولو د سیاست دوام او د جنسیتي تبعیض یوه بله بڼه ده.
د افغانستان پخواني ولسمشر محمد اشرف غني په هېواد کې وروستۍ پېښې او د پاکستان وروستي هوايي بریدونه، چې ملکي وګړو ته په کې مرګژوبله اوښتې ده، په کلکه غندلي او په هرات کې یې له ښځو سره پر شوي تاوتریخوالي ژوره خواشیني څرګنده کړې ده.
د ترکیې د ساره مدِن چلیک او اېډېف خیریه موسسې استازو د طالبانو د کانونو او پټرولیم وزارت له مرستیال سره په کتنه کې د هېواد پر کاني سرچینو او همداراز د کاني موادو د پروسس لپاره د یوې معیاري کارخونې پر جوړولو پانګونو ته لېوالتیا ښودلې ده.
د افغانستان د بهرنیو چارو پخواني وزیر محمد حنیف اتمر په هرات کې له ښځو سره د طالبانو وروستی ناوړه چلند په کلکه غندلی دی. اتمر د دغه تاوتریخوالي د سملاسي ودرولو په تړاو په افغانستان کې د ملګرو ملتونو د مرستندویه پلاوي یا یوناما د ننني دریځ بشپړ ملاتړ کړی دی.