اروپايي ټولنې پر روسیې نوي بندیزونه تصویب کړي او ۶۰ هېوادونو ژمنه کړې چې په نړیوالو سمندري لارو کې د محصولاتو او فیسونو له اخیستو سره به مخالفت کوي. د اروپایي ټولنې د بهرنیو چارو وزیرانو په لبنان کې د نوي ملاتړ ماموریت د جوړولو پرېکړه هم کړې ده.
سعودي عربستان وايي، د دوشنبې په ورځ یو ځل بیا د توغندیو او بېپیلوټه الوتکو د بریدونو له ګواښ سره مخ شوی او د ریاض هوايي ډګر به تر بلې خبرتیا پورې تړلی پاتې شي. دا په داسې حال کې ده چې د شنبې په ورځ د دغه هوايي ډګر پر یوه ترمینل توغندیز برید وشو، چې یمني یاغیانو یې مسولیت منلی و.
د طالبانو یو شمېر تبلیغاتي فعالانو، د پنځو وژل شویو طالب جنګیالیو د پلار، مولوي ګل یمین د مړینې خبر ورکړی. د ۷ زامنو، دغه پلار ته له وژل شویو زامنو پنځه کونډې او ۲۴ یتیمان پاتې وو، چې د طالب چارواکو له مرستې او پاملرنې ګوښی او د بېوزلۍ ژوند یې ورسره تېراوه.
د نسلوژنې د ګواښونو د څار بنسټ «جنوسایډ واچ» وايي، افغانستان کې قومي او مذهبي لږکي او د پخواني حکومت کارکوونکي له ځورونې، تعقیب او وژنو سره مخ دي. دغه بنسټ د نسلوژنې د ګواښ پېژندلو په لس پړاوییز چوکاټ کې د دوی وضعیت د اتم پړاو، یعنې «ځورونې او تعقیب» په کټګورۍ کې ارزولی دی.
ځايي سرچینې وايي، د پنجشېر ولایت د چهار بزې په خواجه عبداللهخېل سیمه کې د طالبانو پر یوه رنجر موټر له چاودنې وروسته، دغې ډلې د سیمې ۲۱ اوسېدونکي نیولي دي. د سرچینو په وینا، په نیول شویو کسانو کې ماشومان او سپینږیري هم شامل دي.
د پاکستان د اطلاعاتو وزارت وايي، د ملګرو ملتونو په یوه راپور کې په افغانستان کې د ټيټيپي د شاوخوا شپږ زره جنګیالیو شتون او له دې ډلې سره د طالبانو د ملاتړ یادونه شوې ده. دغه وزارت له افغان طالبانو غوښتي چې دخبرو پر ځای ددغه ډلې پر ضد عملي اقدامات وکړي.
د نړیوالو اړیکو افغان کارپوه ملک ستېز ، د پاکستان ډیموکراسي «جعلي» او دغه هېواد یې له سیاسي ناورین سره مخ بللی. د هغه په وینا، پاکستاني چارواکي له دې سره بیا هم، ځانته حق ورکوي چې افغانستان ته د حل لارو په نوم نسخې وړاندې کړي.
د طالبانو مشر ملا هبت الله اخوندزاده ته تر ټولو نږدې ۷ طالب والیانو، چې د زونونو په کچه واک ورکړل شوی، کابل کې د هبت الله د فرمانونو د عملي کېدو په تړاو، خپلمنځي غونډه کړې. د امنیتي تدابیرو ارزونه، د دې غونډې بله تر ټولو مهمه مسله وه.
د پخواني ولسمشر لومړي مرستیال امرالله صالح تر مشرۍ لاندې زرغون بهیر ادعا کړې چې د تلې په ۲۰مه، د دوشنبې په ورځ یې د پنجشېر ولایت د عبداللهخېل په کلي کې د طالبانو پر یوه پوځي موټر برید کړی او په دې پېښه کې د طالبانو درې غړي وژل شوي دي.
د طالبانو د اطلاعاتو او کلتور وزارت په کونړ کې د خبریالانو د فکري او عقیدوي روزنې پروګرام جوړ کړی؛ خو پوښتنه دا ده چې د خبریالانو د عقیدې د روزنې اړتیا څنګه تشخیص شوې او دا پروګرام د ژورنالېزم د پیاوړتیا لپاره دی، که د خبریالانو د فکر د یوې ټاکلې تګلارې له مخې برابرولو لپاره؟
د ایران په مشهد ښار کې یوه ۱۵ کلنه افغانه نجلۍ، چې په کم عمر کې واده شوې وه، د خپل ۲۲ کلن مېړه له خوا تر سختې شکنجې وروسته مړه شوې ده. د پېښې تورن، چې د خپلې مېرمنې تر مړینې وروسته له سیمې تښتېدلی و، نیول شوی او زندان ته لېږدول شوی دی.
د ملي جمهوري غورځنګ مشر محسن داوړ وایي، د افغانستان اوسنی وضعیت او د طالبانو نامشروع واکمني، د پاکستان لپاره یو ایډیال حالت دی. د داوړ په خبره، پاکستان له دې تشې څخه په ګټې اخیستنې سره بېګناه ملکي وګړي، روغتونونه، پوهنتونونه او عام ولس په نښه کوي.
د بشري حقونو څار سازمان د افغانستان څېړونکې فرشتې عباسي د افغان کډوالو د ایستلو لپاره له طالبانو سره د اروپايي ټولنې پر همکاریو نیوکه کړې او دا چاره یې د دغې ټولنې له بشري حقونو ملاتړ سره په ټکر کې بللې ده.
د طالبانو مخالفې وسلهوالې ډلې، متحدې جبهې په کندهار ښار کې په ۵۵ بېلابېلو ځایونو کې د خبرتیاوو په لګولو سره له خلکو غوښتي چې خپل اولادونه د طالبانو له لیکو لرې وساتي، د طالبانو لپاره قرباني ورنه کړي او له هغوی واټن وساتي.
د طالبانو د دفاع وزارت لومړي مرستیال ملا حمیدالله اخندزاده د اسلامي همکاریو سازمان د سرمنشي له ځانګړي استازي طارق علي بخیت سره د افغانستان او د دغه سازمان ترمنځ د اړیکو پر پیاوړتیا، بشري او اقتصادي موضوعاتو، ټولنیزو چارو او امنیتي ثبات خبرې اترې کړې دي.
د بښنې نړیوال سازمان په خیبر پښتونخوا کې د بېړني حالت، د والي واکمنۍ او د پوځ د ځای پر ځای کېدو په اړه اندېښنه ښودلې او خبرداری یې ورکړی، چې دا اقدامات باید د بشري حقونو د ځپلو او د مخالفت د غږ چوپولو لپاره پلمه نه شي.
د افغانستان او ایران سوداګریزو پلاویو په شیراز ښار کې د اقتصادي همکاریو د فرصتونو د ارزونې، د سوداګریزو راکړو ورکړو د اسانه کولو او د دواړو هېوادونو د ګډو ظرفیتونو د پېژندلو په موخه ګډه ناسته کړې ده.
د ګارډین ورځپاڼې د رپوټ له مخې، په افغانستان کې د ناقانونه وژنو د تورونو د څېړنې مسوول قاضي وايي، ډېری برېتانوي ځانګړي ځواکونه چې د معلوماتو وړاندې کولو لپاره وربلل شوي وو، پوښتنو ته یې له ځواب ویلو ډډه کړې ده.
د افغانستان د فوټبال فدراسیون مشر محمد یوسف کارګر ویلي، چې افغان ملي لوبډله غواړي د روسیې له ملي لوبډلې سره دوستانه لوبه وکړي. نوموړي ویلي، چې غواړي له روسي لوري سره خبرې وکړي، څو د دې لوبې د تنظیمولو په اړه هوکړې ته ورسېږي.
د طالبانو د صنعت او سوداګرۍ وزارت مرستیال احمدالله زاهد د امام ابوحنیفه پنځم نړیوال نندارتون په څنډه کې بهرنیو سوداګرو ته د افغانستان د صنعت د ودې او پراختیا په برخه کې د پانګونې بلنه ورکړې ده.
د طالبانو د کورنیو چارو وزیر سراجالدین حقاني په کابل کې د افغانستان لپاره د اروپايي ټولنې له ځانګړي استازي توماس فریلېسن سره په لیدنه کې دواړو لورو د تعامل او امنیت پر موضوعاتو خبرې کړې دي. دواړه د افغانستان او پاکستان ترمنځ د ستونزو حل په اړه هم غږیدلي دي.