د فنلنډ لومړي وزیر پټري اورپو ویلي، چې اروپايي ټولنه باید د خپلو پولو د ساتنې او د مسکو د ګواښونو پر وړاندې د درېدو لپاره روسي وګړو ته د ګرځندوی ویزې ورکړې بهیر بند کړي. هغه زیاته کړه، چې دا پلان به د اروپا شورا ته وړاندې کړي.
د پاکستان د پنجاب راولپېنډۍ کې پر حساسو تاسیساتو د ګواښونو او تاوتریخوالي د مخنیوي په موخه د یوې میاشتې لپاره د جزايي اجرااتو قانون ۱۴۴ماده نافذه شوه. د دغې مادې په نافذېدو سره دغې ولسوالۍ کې هر ډول راټولېدنه منع ده. عمران خان د راولپېنډۍ اډیاله زندان کې د بند شپې او ورځې تېروي.
د مقاومت جبهې ادعا کړې، چې د بغلان په جلګه ولسوالۍ کې یې د طالبانو پر غړو برید کړی او مرګژوبله یې ور اړولې ده. د یادې جبهې د معلوماتو له مخې، دا برید د جمعې په شپه (د تلې ۱۷مه) ترسره شوی او پهکې د یوه طالب د وژل کېدو او بل د ټپي کېدو ادعا شوې ده.
په پښتونخوا کې د تحریک طالبانو پاکستان (ټيټيپي) د فعالیتونو له زیاتېدو سره سم د عوامي نېشنل ګوند مشر اېمل ولي خان په خیبر پښتونخوا کې د روانو ناامنیو او ستونزو د پای ته رسېدو او د تلپاتې سولې د رامنځته کېدو غوښتنه کړې ده. هغه ویلی، چې باید له تېرو ناکامو تجربو پند واخیستل شي.
د خیبرپښتونخوا د لکي مروت پولیسو ویلي، چې په دغې ولسوالۍ کې د شتمنۍ پر سر د جنجال له امله په شوې وسلهواله نښته کې دوه وروڼه وژل شوي او دوه ښځې ټپیانې شوې دي.
د افغانستان د عدلیې پخواني وزیر فضل احمد معنوي د انسان د قاچاق په تړاو د امریکا د بهرنیو چارو وزارت د ۲۰۲۶ کال راپور ته په اشارې سره، د طالبانو تر واک لاندې افغانستان کې د «بچهبازۍ» او پوځي لیکو کې د ماشومانو د جذب پر دوام سخته اندېښنه ښودلې ده.
د خیبر پښتونخوا اعلی وزیر خبرداری ورکړی، که په دغه ایالت کې بېړنی حالت اعلان شي او ولسي واک او حقوق تر پښو لاندې شي، نو ټول خلک به د پېښور پر لوري حرکت وکړي. د پاکستان مرکزي حکومت ویلي، چې په خیبر پښتونخوا کې د بیړني حالت یا ګورنر راج لګولو لپاره اداري چمتووالی بشپړ شوی دی.
د طالبانو د یوې وسلهوالې مخالفې ډلې «ازادۍ جبهې» د سیاسي کمېټې مشر داوود ناجي ویلي، چې ټول خلک باید د ښځو د حقونو او مذاکراتو په اړه د شهابالدین دلاور په روښانه ځوابونو پوهیدلي وي. دلاور ویلي، په دوحې تړون کې د ښځو یادونه نهده شوې او دوی له خپلو مخالفانو سره هم مذاکرات نهکوي.
د افغانستان د پخواني پارلمان غړې فوزيې کوفي ویلي، هغه کسان چې د امریکا په استازیتوب یې له طالبانو سره خبرې کولې او د واشنګټن مشرتابه ته یې ناسم معلومات ورکول، باید د ۲۰۲۰ کال د فبرورۍ د دوحې په هوکړه کې د ښځو او بشري حقونو د نه شاملولو له امله ځواب ووایي.
د پکتیا ډنډ پټان ته څېرمه پر ډیورند کرښه نن ماښام د طالبانو او پاکستاني ځواکونو تر منځ یو ځل بیا نښته شوې ده. طالبان ادعا کوي، چې لومړی ډزې پاکستاني لوري کړي او دوی ځوابي ډزې کړې دي. دوی زیاتوي، دمګړۍ وضعیت نورمال دی.
په جنیوا کې د افغانستان استازي نصیر احمد اندېشه د شهاب الدین دلاور د وروستیو څرګندونو غبرګون کې ویلي، د هغه تر واک لاندې سرې میاشتې ادارې خپله بېطرفي په دغه ډول څرګندونو سره وننګوله. اندېشه وایي، دلاور بیا ثابته کړه، چې دوی هېڅ ملي او نړیوال اصول نهمني او پر تفاهم باور نهلري.
د طالبانو د اوبو او انرژۍ وزیر محمد یونس اخوندزاده د انرژۍ په نړیوال ۱۷ فورم کې د ګډون په موخه نن سعودي عربستان ته روان شو. په دغه فورم کې به د شاوخوا ۱۰۰ هېوادونو استازي ګډون وکړي او د انرژۍ په تړاو پر اړینو موضوعاتو خبرې وشي.
په هرات کې د طالبانو امنیه قوماندانۍ خبر ورکړی چې د هرات ښار په بېلابېلو سیمو کې یې سلګونه امنیتي کامرې لګولې دي. طالبانو ویلي، چې امنیتي کامرې یې د هرات د اوسېدونکو او ښاریانو د امنیت لا ښه کېدو لپاره لګولې دي.
د سعودي عربستان د پلازمېنې ریاض په نړیوال هوايي ډګر کې د یوې زورورې چاودنې غږ اورېدل شوی دی. عیني شاهدان وایي چې تر پېښې وروسته مساپر له ترمینلونو ایستل شوي او لسګونه امبولانسونه سیمې ته رسېدلي دي.
ناپېژانده وسلهوالو د خیبر پښتونخوا په ټانک ولسوالۍ کې د پاکستان د ټاکنو کمېسیون لوړپوړی چارواکی شمشاد اختر په ډزو وژلی دی. ځايي پولیسو ویلي، چې نوموړی د خپل ورور د جنازې په مراسمو کې د ګډون لپاره ټانک ولسوالۍ ته تللی و.
د افغانستان لپاره د ملګرو ملتونو د بشري حقونو راپور ورکوونکی ریچارډ بېنېټ وايي، په افغانستان کې د بشري حقونو د وضعیت په اړه د جرمونو نړیوالې محکمې له څېړنو ملاتړ کوي او ټینګار کوي چې د امریکا لګول شوي بندیزونه به په افغانستان کې د یادې محکمې پر کارونو هېڅ اغېز ونه لري.
د جلالاباد ښار د انګورباغ سيمې اوسېدونکي وايي، چې وسلهوالو طالبانو د شنبې په سهار د دوی پر کورونو بريد کړی او شاوخوا ۴۰ کورنيو ته يې خبرداری ورکړی، چې خپل کورونه خالي کړي. دوی زیاتوي، طالبانو وسلوالو له ټانګونو او درنو وسلو سره سیمې ته ورغلي وو.
امریکايي رسنیو د پنسلوانیا د پولیسو له قوله راپور کړی چې د دغه ایالت د شمالي برخې په ایري ښار کې د ډزو او څو ساعته نښتې له امله د دوو ماشومانو په ګډون لږ تر لږه نهه کسان وژل شوي دي.
د طالبانو عدلیې وزارت خبر ورکړی، د شمال زون د غصب شویو ځمکو قضیو ته د رسیدګۍ ځانګړې محکمې په بلخ ولایت کې ۲۵۰ جریبه ځمکه د دولت ملکیت بللی او بشپړه یې دولتي اعلان کړې ده.
د پاکستان د مواصلاتو چارو فدرالي وزیر عبد العلیم خان ویلي چې په دغه هېواد کې ۲۵ میلیونه ماشومانو له زده کړو بې برخې دي او همدارنګه لس میلیونه ماشومان له سختې خوارځواکۍ سره مخ دي.
ملګرو ملتونو اعلان وکړ چې د ۱۴۰۱ کال د مرغومي له ۱۱مې تر ۱۴۰۴ کال د مرغومي تر ۱۰مې نېټې پورې، په افغانستان کې ۱۴۱۵ ماشومانو ته مرګژوبله اوښتې ده. له دې ډلې، ۴۴۶ ماشومانو خپل ژوند له لاسه ورکړی او ۹۶۹ ماشومان ټپیان شوي دي.