په افغانستان کې د ملګرو ملتونو پراختیايي پروګرام وايي، د یوه پروګرام له لارې یې په ۱۹ ولایتونو کې ۸۰۰ ښوونیزو او روغتیايي مرکزونو ته پاکه او باوري برېښنا برابره کړې ده.
ډېپلوماټ په یوه تحلیلي راپور کې لیکلي چې پاکستان په وروستیو میاشتو کې په افغانستان کې هوايي او بېپیلوټه بریدونه زیات کړي او ښايي د تحریک طالبان پاکستان او نورو وسلهوالو ډلو پر ضد د عملیاتو ترڅنګ، په کابل کې د خپل پخواني نفوذ د بېرته ترلاسه کولو هڅه هم کوي.
په سعودي عربستان کې د امریکا سفارت وايي، د ریاض پر ملک خالد نړیوال هوايي ډګر د بریدونو راپورونه یې ترلاسه کړي او له امریکايي وګړو یې غوښتي چې له دغه هوايي ډګر او شاوخوا سیمو څخه ډډه وکړي.
د افغانستان د غالیو اوبدلو ټولنه وايي، په ټول هېواد کې تر یو میلیون ډېر کسان د غالیو په اوبدلو بوخت دي او هر کال شاوخوا یو میلیون مربع متره افغان غالۍ نړیوالو بازارونو ته صادرېږي.
د نړیوالو او سیمهییزو رسنیو وروستي راپورونه ښيي چې که څه هم افغانستان لا د یوې نوې کورنۍ جګړې پړاو ته نه دی داخل شوی، خو د وسلهوالو ډلو د فعالیتونو زیاتوالی، د پاکستان او طالبانو ترمنځ ترینګلتیا، په طالبانو کې اختلافات او اقتصادي ستونزې د بېثباتۍ په اړه اندېښنې زیاتې کړې دي.
د ملګرو ملتونو سر منشي انتونیو ګوترېش د سعودي عربستان په پلازمېنه ریاض کې د ملک خالد پر نړیوال هوايي ډګر د حوثیانو برید غندلی او ویلي یې دي چې پر ملکي وګړو او ملکي تاسیساتو بریدونه د نړیوالو قوانینو خلاف دي.
د افغان نجونو د زدهکړو د بنسټ «سولې» مشره شبانه بسیج راسیخ وايي، له اکسفورډ پوهنتون سره د همکارۍ له لارې یې د افغان ښځو د لوړو زدهکړو د دوام لپاره ۲،۵ میلیون ډالره ځانګړي کړي، څو هر کال لږ تر لږه یوې افغانې ښځې ته د زدهکړو فرصت برابر شي.
د امریکا مرکزي قومندانۍ سنټکام وايي، امریکايي ځواکونو د اکتوبر پر ۱۰مه د عمان په خلیج کې د پاناما بیرغ لرونکې یوه سوداګریزه باروړونکې کښتۍ وروسته له هغه له حرکته غورځولې چې د امریکا د سمندري بندیز د خبرداریو له منلو یې ډډه کړې وه.
د امریکا ولسمشر ډونالډ ټرمپ د شنبې په ورځ وویل، چې د اوکراین لپاره د یوه نوي ولسمشر د ټاکل کېدو وخت رارسېدلی او له کیېف څخه یې وغوښتل چې د روسیې پر نفتي تاسیساتو بریدونه ژر تر ژره ودروي.
په پېښور کې یو شمېر نرښځیانو ادعا کړې، چې د کوتوالۍ پولیسو مرکز د کورونو پر مالکانو د فشار په راوړلو سره هڅې کوي، چې دوی له کرایي کورونو وباسي. دوی د پېښور عالي محکمې ته عریضه کړې او غوښتنه یې کړې، چې د هویت پر بنسټ باید هېڅوک له خپل کور څخه ونهاېستل شي.
د افغانستان د سوداګرۍ او پانګونې خونې اعلان وکړ، چې په کابل کې د افغانستان او ایران د خصوصي سکټورونو ترمنځ د ۴۵۱،۸ میلیونه امریکایي ډالرو په ارزښت چې شاوخوا ۲۹،۵ میلیارده افغانۍ کېږي ۱۱ سوداګریز هوکړهلیکونه لاسلیک شوي دي.
د مقاومت جبهې په نوم د طالبانو د یوې وسلهوالې مخالفې ډلې د سیاسي دفتر مشر عبدالله خنجاني د افغانستان لپاره د اروپايي ټولنې نوي ځانګړي استازي ته د مبارکۍ په پیغام کې له طالبانو سره د دغې ټولنې تعامل ته په اشارې ویلي، چې دا ډله د ناورین حللاره نه، بلکې اصلي سرچینه ده.
رویټرز خبري اژانس راپور ورکړی، چې د سعودي عربستان د پلازمېنې ریاض پر نړیوال هوايي ډګر د شنبې په ورځ په یوه برید کې ۱۲ کسان ووژل شول او ۳۰۹ نور ټپیان شوي دي. له دې سره سم، د سعودي د ختیځ ولایت په دمام کې د ملک فهد نړیوال هوايي ډګر هم په نښه شوی، خو په اړه یې نور جزییات نهشته.
د اسټرالیا د پوځ یو پخوانی سرتېری متیو بېل چې د ارزګان په ترینکوت پوځي اډه کې یې دنده ترسره کړې وايي، اسټرالیايي ځواکونو هغه مهال د افغانستان د امنیت په ټینګښت او د خلکو د ژوند په ښه کېدو کې ونډه لرله، خو اوس طالبانو د خلکو ازادۍ محدودې کړې دي.
په افغانستان کې د طالبانو له بیا واکمنېدو راهیسې لږ تر لږه ۲۳۳ افغانان د ۱۴۰۵ تر تلې میاشتې (د ۲۰۲۶ سپټمبر) پورې په ایران کې اعدام شوي دي. د شمېرو له مخې، د افغانانو د اعدام دغه لړۍ په دې وروستیو کلونو کې پراخه شوې ده.
د تېر جمهوري نظام د ملي امنیت عمومي رییس محمد معصوم ستانکزي په یوه ویبینار کې د طالبانو د مشروعیت بحران او له خپلو ژمنو د دوی سرغړونو د سیمې په استخباراتي سیالیو کې د افغانستان د وضعیت پېچلي کېدو اساسي لاملونه وبلل.
د ملګرو ملتونو په جنیوا دفتر کې د پاکستان دایمي استازي طاهر اندرابي د دې سازمان د عمومي اسمبلۍ په یوې اړوندې غونډه کې ویلي، چې اسلاماباد له هند سره د وسلو سیالي نهغواړي. هغه ټینګار کړی، چې پاکستان له خپل ځان څخه د دفاع وړتیا لري او د اټومي مخنیوي سیاست ته به دوام ورکړي.
د طالبانو د المپیک، بدني روزنې او سپورټ ریاست وایي، د کېکبوکسېنګ دیارلسم پړاو سیالۍ د هېواد له پنځو ولایتونو څخه د ۱۲۵ ورزشکارانو په ګډون په غزني ښار کې ترسره شوې. د سیالیو په پای کې د غزني لوبډلې د غوره لوبو په ترسره کولو سره لومړی مقام وګاټه.
د امریکا ولسمشر ډونالډ ټرمپ د ریاض پر هوايي ډګر د برید په اړه د یوې پوښتنې په ځواب کې وویل، چې همدا اوس له دغه بریده خبر شوی او په اړه به یې پرېکړه وکړي. د سعودي عربستان پر ریاض هوايي ډګر برید کې لسګونه کسان ټپيان شوي او همداراز ټولې الوتنې هم لغوه شوې دي.
د فنلنډ لومړي وزیر پټري اورپو ویلي، چې اروپايي ټولنه باید د خپلو پولو د ساتنې او د مسکو د ګواښونو پر وړاندې د درېدو لپاره روسي وګړو ته د ګرځندوی ویزې ورکړې بهیر بند کړي. هغه زیاته کړه، چې دا پلان به د اروپا شورا ته وړاندې کړي.
د پاکستان د پنجاب راولپېنډۍ کې پر حساسو تاسیساتو د ګواښونو او تاوتریخوالي د مخنیوي په موخه د یوې میاشتې لپاره د جزايي اجرااتو قانون ۱۴۴ماده نافذه شوه. د دغې مادې په نافذېدو سره دغې ولسوالۍ کې هر ډول راټولېدنه منع ده. عمران خان د راولپېنډۍ اډیاله زندان کې د بند شپې او ورځې تېروي.