په کابل کې د امام ابوحنیفه سوداګریز نندارتون کې ۳۲۳ کورنیو او بهرنیو شرکتونو خپل محصولات په شاوخوا ۷۰۰ غرفو کې نندارې ته وړاندې کړي دي. ګډونوال وايي، افغانستان د سیمهییز ترانزیټ، سوداګرۍ او پانګونې د پراختیا او نړیوالو بازارونو سره د اړیکو پیاوړتیا لپاره د پام وړ ظرفیت لري.
د کندهار یو شمېر صنعتکارانو افغانستان انټرنشنل ته ویلي، چې د برېښنا د سخت کمښت له امله له زیاتو لګښتونو سره مخ دي او که دغه ستونزه یې حل نه شي، ښايي خپلې فابریکې نورو ولایتونو ته ولېږدوي. د کندهار صنعتي پارک اوس په ۲۴ ساعتونو کې یوازې ۷ ساعته نامنظمه برېښنا لري.
د اوکراین ولسمشر ولادیمیر زیلېنسکي د یکشنبې په ورځ وویل، چې اوکراین چمتو دی د روسیې د تېلو پر تصفیهخونو خپل بریدونه ودروي، په دې شرط چې مسکو د اوکراین د انرژۍ پر زېربناوو خپل بریدونه پای ته ورسوي.
په خیبر پښتونخوا کې د بېړني حالت او د والي د مستقیمې ادارې له نافذېدو وروسته، د دغه ایالت پخوانی اعلی وزیر سهیل اپریدي «حفاظتي توقیف» ته سپارل شوی او په پېښور کې امنیتي تدابیر سخت شوي دي.
د پاکستان د بشري حقونو کمېسیون خبرداری ورکړی چې په خیبر پښتونخوا کې د بېړني حالت اعلانول ښايي سیاسي کړکېچ ژور کړي او له فدرالي حکومت او تحریک انصاف څخه یې د خبرو اترو د بیا پیل غوښتنه کړې ده.
د پاکستان ولسمشر اصف علي زرداري د فدرالي کابینې له پرېکړې وروسته په خیبر پښتونخوا ایالت کې د بېړني حالت او د والي د مستقیمې ادارې د نافذولو سند لاسلیک کړی دی.
د تېر جمهوري نظام د چارو ادارې مشر فضل محمود فضلي وايي، امریکا په ۲۰۱۸ کال کې افغانانو ته د ښځو د حقونو په ګډون د خپلو ارزښتونو د دفاع سپارښتنه کړې وه، خو د ده په وینا، هغوی بیا هم له طالبانو سره تعامل وکړ.
په افغانستان کې ګڼې نجونې او ښځې د طالبانو له لوري له زدهکړو د محرومېدو له امله د خیاطۍ په ټولګیو کې په پټه زدهکړې کوي، څو د رسمي تعلیمي بهیر د تشې یوه برخه ډکه کړي.
د افغانستان پخواني ولسمشر حامد کرزي د نجونو د نړیوالې ورځې په مناسبت د نجونو پر پیاوړتیا ټینګار کړی او هیله یې څرګنده کړې چې په افغانستان کې به ژر تر ژره د هغوی پر مخ د ښوونځیو او پوهنتونونو دروازې پرانیستل شي.
د پاکستان د پوځ د عامه اړیکو څانګې ویلي، د خیبر پښتونخوا په کورمه ولسوالۍ کې له وسلهوالو ډلو سره په نښته کې یو پوځي افسر وژل شوی او د پوځ په وینا، ۱۲ وسلهوال هم وژل شوي دي.
په افغانستان کې د ناټو پخوانۍ سلاکارې ډونا ار کنګ د ملګرو ملتونو د سرمنشي د سپټمبر د ۹مې راپور ته په اشارې ویلي، د طالبانو حکومتولي د دې ډلې د مشر هبتالله اخوندزاده د لیدلوري پلي کولو او هغه ته د شخصي وفادارۍ پر بنسټ ولاړه ده.
د ایران د ولسي جرګې غړي او د تولید د ملاتړ کمېسیون مشر محسن زنګنه ویلي، هېواد یې غواړي د تربت حیدریې ښار څخه د دوغارون له لارې د افغانستان تر هرات پورې د خامو تېلو نللیکه وغځوي او دغه هېواد ته تېل ولېږدوي. نوموړي دا خبرې په هرات ولایت کې یوې غونډې ته کړې دي.
په افغانستان کې د اندونیزیا سفیر ډاکټر نندا اوالیست د بامیانو له عامه کتابتون سره د ۱۵۰ ټوکه کتابونو مرسته کړې او ویلي یې دي چې د مطالعې د فرهنګ د ودې لپاره هڅه کوي ځوانان د ټولنیزو شبکو پر ځای کتاب لوستلو او د پوهې ترلاسه کولو ته وهڅول شي.
په داسې حال کې چې څه باندې پنځه کاله کیږي افغانې نجونې له شپږم ټولګي پورته له زده کړو محرومې دي، د ملګرو ملتونو ښوونیزې، علمي او کلتوري ادارې (یونسکو) د نجونو نړۍوالې ورځې په مناسبت ویلي چې هره نجلۍ باید دا ازادي ولري چې زدهکړې وکړي، وده وکړي او خپل راتلونکی په خپله وټاکي.
په افغانستان کې د سره صلیب نړیواله کمېټه وايي، په زابل ولایت کې یې د افغانستان له سرې میاشتې سره په ګډه هغو ۷۰۰ کورنیو ته نغدي مرستې ورکړې دي چې د جګړو له امله یې کورونه زیانمن یا ویجاړ شوي او د ژوند د تېرولو لارې چارې یې ګډوډې شوې دي.
د افغان محصلینو د اتحادیې مشر صدیق شریعتي وايي، د پاکستان د لومړي وزیر دفتر نوې پالیسي بېاسناده افغان محصلین اړ باسي چې د اکتوبر تر ۱۰مې له دغه هېواده ووځي، او د طب په برخه کې د افغان محصلینو، په ځانګړي ډول ښځینه محصلینو، د زدهکړو او عملي دورو پر دوام هم محدودیتونه لګوي.
د افغانستان د کرېکټ ملي لوبډله د بنګلهدېش پر وړاندې د ټېسټ سیالۍ په درېیمه ورځ به داسې مهال لوبې ته دوام ورکوي چې لوبډلمشر رحمت شاه په ۸۴ ناسوځېدلو منډو ولاړ دی او افغان لوبډله د بنګلهدېش د لومړي اننګز له ۳۴۶ منډو څخه لا ۱۳۵ منډې شاته ده.
د ملګرو ملتونو د خوړو او کرنې سازمان (فایو) د افغانستان څانګه وايي، د روانې اکټوبر میاشتې په وروستیو کې د اورښتونو اټکل شوی چې په وینا یې دې سره به د خاورې لندبل زیات او د ژمنیو غنمو د کرلو لپاره مناسب شرایط برابر شي.
د پاکستان بلوچستان ایالت په بېلابېلو سیمو کې د ترافیکي پېښو، ډزو، وژنو او تښتونو په جلا جلا پېښو کې ۱۳ کسان وژل شوي او اووه نور تښتول شوي دي. په ورته وخت کې، د پنجګور محکمې قاضي اسدالله رییساني، چې څلور ورځې مخکې تښتول شوی و، بېرته خپل کور ته ستون شوی دی.
په افغانستان کې د ملګرو ملتونو پراختیايي پروګرام وايي، د یوه پروګرام له لارې یې په ۱۹ ولایتونو کې ۸۰۰ ښوونیزو او روغتیايي مرکزونو ته پاکه او باوري برېښنا برابره کړې ده.
ډېپلوماټ په یوه تحلیلي راپور کې لیکلي چې پاکستان په وروستیو میاشتو کې په افغانستان کې هوايي او بېپیلوټه بریدونه زیات کړي او ښايي د تحریک طالبان پاکستان او نورو وسلهوالو ډلو پر ضد د عملیاتو ترڅنګ، په کابل کې د خپل پخواني نفوذ د بېرته ترلاسه کولو هڅه هم کوي.