د بښنې نړیوال سازمان وايي، د ترهګرۍ ضد قانون تعدیل چې د ۲۰۲۶ کال د اګسټ پر ۳۱مه د پنجاب ایالتي اسامبلۍ له خوا تصویب شو، په پاکستان کې پر عادلانه محاکمه او د حقونو پر خوندیتوب یو ښکاره برید ګڼل کېږي.
د خیبرپښتونخوا په سوات ولسوالۍ کې په لومړي ځل د بڼوالو او ځايي چارواکو له لوري د املوکو ځانګړی نندارتون جوړ کړی. چاروکو ویلي، چې له یاد نندارتون څخه یې موخه د املکو د حاصلاتو زیاتوالی او بهرنیو هېوادونو ته د صادراتو د لار هوارول دي.
د طالبانو د بلخ د والي یوسف وفا په مشرۍ په فاریاب کې د پنځو شمالي ولایتونو چارواکو د امنیتي او جنایي پېښو د ارزونې په موخه ناسته کړې ده. طالبانو په دغه ناسته کې پر عمومي لارو د معیاري پوستو جوړولو په اړه پریکړه کړې ده.
مسعود پزشکیان په ترکمنستان کې د خپلواکو ګډګټو لرونکو هېوادونو د مشرانو په ناسته کې وویل: «د زور په سیوري کې خبرې اترې، خبرې اترې نه دي؛ بلکې تحمیل او جبر دی.». نوموړي ټینګار کړی چې د سولې بریالۍ خبرې باید پر متقابل درناوي ولاړې وي.
شاعر او لیکوال طالب منګل نن جعمه د تلې ۱۷مه د خوست او کابل په لویه لارې کې د یوې ترافیکي پيښې له امله ومړ. د طالبانو د خوست د والي ویاند مستغفر ګربز ویلي، چې طالب منګل اوس مهال د دغه ولایت د اقتصاد ریاست د پراختیايي فعالیتونو برحاله امر و.
امریکايي ډیپلوماټ مجلې د طالبانو په اړه په یوه مطلب کې لیکلي چې د دې ډلې مشرانو، د خپل رژیم د لومړۍ دورې له تېروتنو درس اخیستی او د افغانستان د کنټرول، د واک د پیاوړتیا او مدیریت په برخه کې متفاوت او ډېر پېچلي عمل کوي خو د طالبانو مشران له ایډیالوژیک پلوه نه دي بدل شوي.
د پاکستان د بهرنیو چارو وزارت ویاند سجاد احمد وایي، د افغان طالبانو مخالفت د دې لامل شو چې د مسکو فارمټ ګډه اعلامیه خپره نه شي. نوموړي په خپله اونیزه خبري ناسته کې وویل چې د طالبانو پلاوي پخوانۍ منل شوې متنونه رد کړل.
د پاکستان لومړي وزیر شهباز شریف د ۲۰۲۶ کال د نوبل د سولې جایزې د پایلو له اعلان څو دقیقې وړاندې وویل چې هېواد یې دې جایزې ته د امریکا ولسمشر ډونالډ ټرامپ نوماند کړی و او هیله لري چې د سولې لپاره د هغه هڅې په پام کې ونیول شي.
افغان کډواله فرشته امیري چې دوه کاله وړاندې برېتانیا ته کډواله شوې د لیبرال دیموکرات ګوند له خوا دبریتانیا د اډینبورګ ښار شورا د ۲۰۲۷ کال ټاکنو ته نومانده شوې ده. امیري افغانستان انترنشنل ته ویلي چې د طالبانو له بیا واکمنېدو وروسته له زدهکړو بېبرخې شوې وه.
د پاکستان د ولسمشر ویاند مرتضی سولنګي د طالبانو حکومت «ترهګر رژیم» بللی دی او زیاته کړې یې ده چې طالبان د هند او نورو هېوادونو په مرسته ترهګرو ته خوندي پټنځایونه ورکړي دي.
د تېر جمهوري نظام د عدلیې پخوانی وزیر فضل احمد معنوي وايي، چې د طالبانو پخوانی قومي او دیني ملاتړ نور له منځه تللی دی او نور نه شي کولای د قوم او دین تر شا پټ پاتې شي. معنوي د حکمتیار وروستي دریځ ته په اشارې سره ویلي، چې د واک پر ولسي کولو او سیاسي جوړښت د بدلون غوښتنه مهمه ده.
د سویلي افریقا نامتو حقوقپوهه او قاضي ناوانتم پېلای د ۲۰۲۶ کال د نوبل د سولې جایزې ګټونکې شوه. د ناروې د نوبل کمېټې د جمعې په ورځ اعلان وکړ چې دا جایزه هغې ته د سولې او نړیوالو حقوقو د پرمختګ لپاره د هغې د هڅو له امله ورکړل شوې ده.
د سعودي عربستان د ملکي هوايي چلند ادارې ويلي، چې د پنجشنبې په ورځ د ریاض پر ملک خالد نړیوال هوايي ډګر په دوو بریدونو کې د يو پيلوټ په ګډون درې سعودي وګړي وژل شوي او څو تنه نور ټپیان دي.
د طالبانو تر واک لاندې د کډوالو ستونزو ته د رسېدنې عالي کمېسون خبر ورکړی چې تېره ورځ ۹۹ کډوالې کورنۍ چې د غړو شمېر یې ۴۵۷ کسانو ته رسېږي، له پاکستان او ایران نه افغانستان ته جبري ستانه کړل شوي دي.
درېیو روغتیايي سرچینو افغانستان انټرنشنل ته ویلي، چې طالبانو په کندهار کې په روغتیايي مرکزونو، درملتونونو، موسسو او نورو بنسټونو کې د رواني روغتیا د مشورې ورکولو فعالیتونه محدود کړي او په دولتي روغتونونو کې یې د یادې برخې ځینې بستونه هم لغوه کړي دي.
د پاکستان ملي هوايي شرکت پيایاې اعلان کړی، چې د منځني ختیځ کړکېچن وضعیت له امله یې ریاض ته الوتنې ځنډولې دي. دغه پرېکړه پر سعودي عربستان د یمني وسلهوالو تر بریدونو وروسته شوې ده.
د امریکا د بهرنیو چارو وزارت د ۲۰۲۶کال په کلني راپور کې ویلي، چې د طالبانو تر واک لاندې افغانستان کې انساني قاچاق، د جګړو په لیکو کې د ماشومانو ناقانونه جذب او د «بچهبازۍ» مسله لاهم دوام لري.
په هرات کې د طالبانو د ۲۰۷ الفاروق قول اردو رسنیز دفتر د یوې خبرپاڼې په خپرولو سره ویلي، چې د یادې ډلې د نهمې سرحدي لوا، اووم کنډک کشفي او استخباراتي ځواکونو د دغه ولایت د غوریان ولسوالۍ په موسی اباد سیمه کې ۱۹ کسان ایران ته د قاچاقي تګ په تور نیولي دي.
د ازبکستان ولسمشر شوکت میرضیایف د منځنۍ اسیا او اذربایجان د مشرانو په اتمه مشورتي غونډه کې د اوبو د کمښت او اقلیمي بدلونونو له زیاتېدونکو ننګونو سره د مقابلې لپاره د اوبو سرچینو د مدیریت په اړه له طالبانو سره د دوامداره او منظمو خبرو اترو پر اړتیا ټینګار کړی دی.
د خیبر پښتونخوا په نوښار کې ناپېژاندو وسلهوالو درې پولیس سرتېري تښتولي دي. د ځایي چارواکو په وینا، دغه پېښه د نوښار په نظامپور سیمه کې شوې او وسلهوالو د سرتېرو وسلې هم له ځان سره وړې دي.
د ترکمنستان د ګازو دولتي شرکت اعلان کړی، چې په روان ۲۰۲۶کال کې به تر هرات ولایته د ټاپي پروژې د ګازو نللیکې غځولو لومړۍ برخه بشپړه شي. د دغه شرکت مرستیال میرات ارچاییف ویلي، چې تر هرات د یادې نللیکې د غځولو ۱۵۳ کیلومتره چارې بشپړې شوې دي.