افغانستان انټرنشنل ته ځینو سیمه ییزو سرچینو ویلي، چې د سرپل ولایت په صیاد ولسوالۍ کې د سیمه ییزو پولیسو پخوانی قومندان یما خالدي د ناپیژاندو وسله والو له خوا ووژل شو. سرچینې زیاتوي، وسله والو دغه کس د خپل کور مخې ته په ډزو وېشتی.
د سرچېنو په وینا، له بریده وروسته دغه وسله وال توانېدلي چې له سیمې وتښتي.
یما خالدي د جمهوریت تر پرځېدو وروسته ایران ته تللی و، خو له افغان شخصیتونو سره د طالبانو د تماس کمیسیون په همغږۍ بېرته هېواد ته راستون شو.د دې پېښې اصلي موخه لا روښانه نه ده؛ خو تر دې وړاندې د طالبانو لخوا د پخوانیو افغان سرتېرو د غچ اخیستونکو وژنو په اړه بېلابېل راپورونه خپاره شوي دي.طالبانو د پخوانیو سرتېرو وژنه شخصي دښمني او غچ اخیستل بللي دی.
