د طالبانو امر بالمعروف او نهی عن المنکر وزارت پر"جادو او تعویذ " بندیز ولګاوه

د پاکستان پوځ د عامه اړیکو دفتر نن دوشنبه ( اسد ۱۶ مه ) په یوه خپره شوې خبرپاڼه کې ویلي؛ د پوځ مشر د پاکستان په وروستیو ناامنیو کې د افغان اتباعو د لاس لرلو او په افغانستان کې د پاکستان ضد وسلوالو مخالفینو د خوندي پټنځایونو په اړه اندېښنه ښودلې او زیاته کړې یې ده چې د خپلو مخالفینو د ځپلو لپاره به له هر ډول اقدامه کار واخلي.

نوموړي دا نه ده روښانه کړې چې ایا د افغانستان پر خاوره مستقیم عملیات کوي که نه؟ خو طالبانو ته په اشارې یې ویلي چې د پاکستان ضد وسلوالې ډلې د افغانستان خاوره کاروي چې دا د دوحې له تړون څخه د طالبانو سرغړونه ده.

د پاکستان پوځ د عامه اړیکو دفتر زیاتوي چې د پوځ مشر جنرال منیر پر وسلوالو مخالفینو غږ وکړ؛ مخکې له دې چې دوی له منځه یوړل شي د پاکستان حکومت ته دې تسلیم شي ځکه دوی بله لار نه لري.

په دې وروستیو کې د پاکستان ګڼو چارواکو ادعاوې کړي چې د پاکستان په وروستیو ناامنیو کې افغان اتباع ونډه لري او د ټي ټي پي لوی مراکز په افغانستان کې دي.

بلخوا طالبانو د پاکستاني چارواکو ادعاوې د تل په شان رد کړي او زیاته کړې یې ده چې هیچا ته به اجازه ورنه کړي چې د افغانستان خاوره د بل هېواد پر ضد وکاروي.

په افغانستان کې د طالبانو مشر ملا هېبت الله د پاکستان په ګډون له افغان خاورې د باندې هر ډول بریدونه «حرام» بللي او هغه يې له اسلامي احکامو سرغړاوی یاد کړی دی.

تر دې وړاندې ملا یعقوب خپلو جنګیالو ته ويلي وو، چې له افغانستانه بهره جهاد نه شته.

د دې ادارې مسوولینو د دوشنبې په ورځ ( اسد ۱۶ مه ) ملت ته د حکومت حساب ورکونې په نوم پروګرام کې وویل؛ چې یادې ادارې د ساینس په بېلابېلو برخو کې ۳۳ کتابونه او څه باندې ۲۰۰ علمي مقالې چاپ کړې دي.

د افغانستان د علومو اکاډمۍ علمي منشي رفیع الله نیازي نن په یوه خبري ناسته کې چې د حکومت د اطلاعاتو او رسنیو په مرکز کې جوړه شوې وه، وویل؛ چې تېر کال علومو اکاډمۍ ۸۳ علمي او څېړنېزې غونډې او شپږ علمي او څېړنيز سیمینارونه په ملي کچه جوړ کړي دي.

د نیازي په ​​وينا؛ يادې ادارې له ٣٦ علمي او فرهنګي بنسټونو او کتابتونونو سره له ٢٤٠٠ څخه د زياتو کتابونو او له ٦٠٠ څخه د زياتو علمي مجلو په برخه کې مرسته کړې ده.

د افغانستان د فوټبال فدارسیون وايي چې د لویو وچو جام په سیالیو کې د افغانستان لومړۍ سیالي د تایلېنډ په بنکاک کې وشوه او دواړو لوبډلو د څلور- څلور ګولونو په وهلو سره لوبه مساوي کړه.

یاد فدارسیون زیاتوي چې افغانستان به د ب ګروپ دویمه سیالي له موزمبیق سره وکړي.

د یادونې وړ ده چې څو ورځې مخکې د افغانستان د فوټسال ملي لوبډلې د مرکزي اسیا په اتلولیو کې دویم مقام ګټلی و او د دغه فدراسیون د چارواکو په وینا چې تمه لري په دغه جام کې هم غوره مقام خپل کړي.

د امریکا د خزانې وزارت چارواکي وايي؛ چې د افغانستان بانک باید د کنګل شویو شتمنیو له خلاصون وړاندې وښيي چې په مکمل ډول له سیاسي نفوذ او لاسوهنې پاک دی.

له دې وړاندې د امریکا د استازو جرګې د (NDA) طرحه تصویب کړې وه چې له مخې به یې د کانګرس له اجازې پرته پر طالبانو د بندیزونو کمول منع وي. په دې موضوع اوس د امریکا په سنا مجلس کې هم بحثونه روان دي.

د یادونې وړ ده چې د جمهوري دولت له سقوط وروسته د افغانستان نېږدې لس ملیارده ډالره شتمني د امریکا له خوا کنګل شوې چې افغانان ورته لاسرسی نه لري.

تر دې وړاندې د افغانستان پخواني ولسمشر اشرف غني ویلي وو، چې طالبانو د افغانستان کانونه لیلام کړي دي.

د دوشنبې په ورځ (د زمري په ۱۶مه) د طالبانو د ریاست الوزرا د اقتصادي دفتر په یوې خپرې شوې خبرپاڼه کې راغلي چې، په هرات او غور ولایتونو کې د اوسپنې او سرپو کانونو د کېندلو او پروسس پروژې ګټونکي اعلان شوي دي.

خبرپاڼه زیاتوي، چې په غوریان ولسوالۍ کې د اوسپنې کان د لومړي بلاک تړون د «وطن درخشان» په نوم یوه ایراني شرکت ته سپارل شوی دی.

په خبرپاڼه کې دا هم راغلي، چې په غوریان ولسوالۍ کې د اوسپنې د کان دویم بلاک تړون سهیل شارق میانه، دره نور افغاني شرکتونو او اوپکول ترکي شرکت ته ورکړل شوی دی.

دغه راز د دې کان درېيم بلاک تړون د "شمش ملي" په نوم يوې کمپنۍ ته سپارل شوى، چې ونډه وال يې برېټانوي "اډ ریسورس۳۵" او "جي بي اېم" شرکتونه دي.

د دغه کان څلورم بلاک تړون د باختر فولاد شرکت سره لاسلیک شوی، چې ونډه وال يې سپاهان او پارسیان ايراني شرکتونه دي.

د ملا برادر له دفتره په خپرې شوې خبرپاڼه کې دا هم ویل شوي، چې په غور ولایت کې د سرپو کان یو بلاک افغاني شرکت ته ورکړل شوی.

دغه دفتر ادعا کړې، چې د دغو کانونو عاید به د عامه ګټو په پروژو ولګول شي او ډېره برخه به یې د کورنۍ برېښنا تولید ته ځانګړې شي.

تر دې وړاندې د افغانستان د کانونو په اړه د طالبانو هڅې په کور دننه پراخې نیوکې راپارولې دي.

د افغانستان پخواني ولسمشر محمد اشرف غني د لوی اختر په مناسبت په خپل پیغام کې، طالبان د افغانستان د کانونو پر "لوټلو" تورن کړي و.