افغانستان انټرنشنل ته داسې ویډیو رسېدلې چې له خپل ساتونکي سره د کابل برېښنا شرکت لپاره د طالبانو د رییس ملا احمد اخوند د ګډ لماستي صحنه ښيي. دا بې غږه ویډیو په ساده خونه کې تیاره بستره ښيي او ښکاري په داسې کمره اخیستل شوې چې د کوټې په کوم ځای کې پټه اېښودل شوې ده.
ملا احمد اخوند کوټې ته ننوتلو سره جامې باسي او وروسته بړستن کې پټېږي؛ ورپسې یو ځوان چې د ملا احمد باډیګارډ بلل کېږي خونې ته ننوځي او له کمیس اېستلو وروسته له هغه سره په بړستن کې پټېږي.
یوې سرچینې افغانستان انټرنشنل ته وویل، په دې ویډیو کې هغه ۲۱ کلن ځوان، چې له ملا احمد اخوند سره یو ځای څملي، د نوموړي ساتونکی دی.
افغانستان انټرنشنل ځکه د دې ځوان هویت نه ډاګیزوي، چې معلومه نه ده پخپله خوښه یا له مجبوریت له ملا احمد سره څملي.
ملا احمد اخوند دې وروستیو کې د طالبانو د رییس الوزار ملا حسن اخوند په فرمان د کابل برېښنا شرکت رییس شو.
سرچینو افغانستان انټرنشنل ته وویل، ملا احمد بانفوذ او زورور طالب دی او د دې ډلې له نورو ځوانو غړو سره هم ورته رابطه لري.
دا ویډیو په داسې مهال نشرېږي چې طالبان وايي، د اسلامي شریعت له مخې د دوو نارینه وو جنسي اړیکه لواطت دی او که څوک دا چاره وکړي، باید سزا ور کړل شي.
خو د طالبانو دوه کلنې واکمنۍ ښوده چې دا ډله له ولس سره کوم سخت او ځیږ چلن کوي، له خپلو چارواکو سره یې نه کوي.
