ایراني چارواکي: په تېرو دوو اونیو کې مو له ایرانه ۲۴ زره افغان کډوال ویستي دي
رسنیو د ایراني چارواکو په حواله خبر ورکړی، چې په تېرو پنځلسو ورځو کې یې له ۲۴ زرو څخه زیات افغانان له ایرانه ویستي او طالبانو ته یې سپارلي دي.
رسنیو د ایراني چارواکو په حواله خبر ورکړی، چې په تېرو پنځلسو ورځو کې یې له ۲۴ زرو څخه زیات افغانان له ایرانه ویستي او طالبانو ته یې سپارلي دي.
د ایران د خراسان رضوي د سرحدي ګارد قوماندان مجید شجاع وايي؛ په تېرو پنځلسو وروځو کې یې ۲۴۳۶۹ افغان بې اسنادو کډوال د دوغارونله لارې طالبانو ته سپارلي دي.
د ایران د سرحدي ګارډ دغه چارواکي زیاته کړه، چې یاد کسان د ایران خاورې ته غیرقانوني راداخل شوي وو، چې بېرته افغانستان ته ولېږدول شول.
ښاغلي شجاع د دوشنبې په ورځ (د اسد ۳۰مه) په ایران کې د مهاجرینو پر "قانوني" شتون ټینګار وکړ او زیاته یې کړه چې هر بهرنی وګړی باید د "رسمي او قانوني" دروازو له لارې دغه هېواد ته داخل شي.
هغه وویل،که څوک قوانین مراعت نه کړي نو د ایراني سرحدي ساتونکو له پرېکنده اقدام سره به مخ شي.
دغه ایراني چارواکي تر دې مخکې د افغان مهاجرینو په اخراج کې د ۱۵ سلنه زیاتوالي اعلان کړی و او ویلي یې وو، چې سږ کال له ایران څخه څه باندې ۲۲۴ زره افغان کډوال ایستل شوي دي.
په ایران کې دا مهال نېږدې پنځه میلیونه افغان کډوال اوسي، چې دا شمېره په دغه هېواد کې د کډوالو ۶۳ سلنه جوړوي.
