د قطر لومړی وزیر: د افغانستان د راتلونکي لپاره کومه روښانه لار نقشه نشته

د طالبانو صنعت او سوداګرۍ وزارت په خپله ټوېټر پاڼه کې لیکلي، د ازبکستان دا پلاوی د خپلمنځي سوداګریزو اړیکو د پیاوړي کولو لپاره کابل ته راغلی دی.

طالبان وايي، ازبکستان له افغانستان سره د برېښنا، ټیکنالوجۍ او خوراکتوکو په برخه کې همکارۍ ته تیار دی.

د طالبانو له بیا واکمنېدو سره ازبکستان له افغانستان سره سوداګریز اړیکي ساتلي او کله کله د دواړو لورو پلاوي کابل او تشکند ته تګ راتګ کوي.

تر دې مخکې د طالبانو د خوړو او درملو ادارې په نړیوالو معیارونو د برابرو درملو د واردولو په برخه کې د اسانتیاوو برابرولو لپاره له ازبک چارواکو سره خبرې درلودې.

په تېر مارچ یا د وري لومړیو کې هم د ازبکستان د ملي امنیت شورا د سلاکار عبدالعزیز کاملوف په مشرۍ حکومتي پلاوی کابل ته تللی و.

دغه پلاوي د ملا برادر په ګډون له مختلفو طالب چارواکو سره پر اقتصادي او ټرانزیتي مسلو سربېره پر پټلۍ، برېښنا او قوش تېپې کانال خبرې درلودې.

حال‌وش هغه د مولوي احمد براهوي په نوم یاد کړی او وايي چې ۲۸ کلن او د سیستان د خاش د نیلګون کلي اوسیدونکی او د سراوان علمیه حوزه کې مدرس دی.

د حال وش سرچېنو ویلي چې نوموړي د ۱۴۰۲ کال د زمري په نهمه نېټه کله چې د خپلې کورنۍ د یو غړي د احوال اخیستو لپاره د الغدیر کمپ ته تللی و نېول شوی او یو نامعلوم لوري ته وړل شویدی.

دغې رسنۍ لیکلي چې د نوموړي له نېول کېدو وروسته د هغه کورنۍ د هغه له حاله خبره نه وه او نه یې ترېڅه معلومات لرل.

حال‌وش راپور ورکړی چې له دې وړاندې مولوي عبدالعزیز عمرزهي، مولوي رضا رخشاني او مولوي عبدارووف رخشاني هغه درې تنه نېول شوي استادان وو چې د غبرګولي په دریمه او شپږمه نېټه افغانستان ته شړل شوي وو.

دغې سیمه ییزې رسنۍ د بلوڅ فعالانو له خولې لیکلي د دغو درې تنو نیولو موخه د مکي مسجد پر ملایانو، په تېرهپر مولوي عبدالحمید فشار راوړل ديچې پر حکومت یېد انتقادي خطبو له ویلو منع کړي.

بېګا ناوخته د ایران د بهرنیو چارو وزیر امیر عبداللهیان پر خپل ټویټر لیکلې وو:« د تسنیم خبري اژانس عکاس محمد حسین ولایتي د بېرته راستنېدو لپاره ژورې ډیپلوماټیکې او کونسلګرۍ هڅې روانې دي. هیله لرم چې نوموړی به په راتلونکو څو ساعتونو کې په کابل کې د ایران د اسلامي جمهوری سفارت ته وسپارل شي.»

تسنیم خبري اژانس وايي، محمد حسین ولایتي تر اوسه هم په کابل کې دی او تمه لري چي ډیر ژر له کابله ایران ته ولاړ شي.

د خبریالانو نړیوال فدراسیون وړمه ورځ د ښاغلي ولایتي نیول وغندل او د هغه د سملاسي خوشي کېدو غوښتنه یې وکړه.

دغه فدراسیون خپله اعلامیه کې زیاته کړې چې د طالبانو په واکمنېدو پسې افغان رسنۍ د له منځه تلو له خطر او افغان خبریالان له تاوتریخوالي ګواښ او نیولو سره مخ دي.

طالبانو په نږدې تېرو دوو اونیو کې په مختلفو ولایتونو کې تر اتو افغان خبریالان ونیول.

د افغان خبریالانو مرکز وايي، له طالبانو سره ۱۳ خبریالان بندیان دي.

د کډوالۍ ځانګړې ویزې یا ایس ای وي هغو افغانانو ته ور کول کیږي چې په افغانستان کې یې د امریکایي پوځیانو او د امریکا له دولتي ادارو سره کار کړی وي.

په تېرو دوه کلونو کې له افغانستانه د امریکا له وتلو او پر افغانستان د طالبانو له واکمنېدو سره واشنګټن د خپلو ګڼ شمېر افغان همکارانو د کډوالۍ لپاره زمینه برابره کړې ده، خو لا هم سلګونه افغانان په افغانستان کې د امریکا د ویزو د تر لاسه کولو انتظار باسي.

له افغانستانه د امریکايي ځواکونو له وتلو وروسته په کابل کې د دغه هېواد سفارت قطر ته ولیږدول شو او له هغه ځایه د افغانستان اړوند چارې پر مخ بیایي.

د هغو معلوماتو له مخې چې افغانستان انټرنشنل ته رسیدلي، دغه ویډیوګانې طالب چارواکو هم کتلې او له همدې امله یې دغه قوماندان له دندې ګوښه کړیدی.

په دغو ویډیوګانو کې لیدل کیږي قاري قدیر، هغه مهال چې د بدخشان ولایت د کران او منجانو په ولسوالۍ کې د لاجوردو د کان د امنیت دنده لرله، د یوې نجلۍ سره یې پر له پسې ویډیويي اړیکې لرلې او له هغې سره د جنسي مسایلو په تړاو غږېدلی دی.

د دغو وېدیوګانو له ‌‌‌‌‌‌ډلې یې په یوه کې ښکاري، چې دغه طالب قوماندان په یوه تیلیفوني تماس کې نجلۍ ته خپل جنسي اندامونه ښکاره کوي.

د طالبانو دغه سیمه ییز قوماندان په ویډیو کې له نجلۍ هم غوښتنه کوي چې خپل جنسي غړي ښکاره کړي، خو هغه دې کار ته زړه نه ښه کوي.

افغانستان انټرنشنل هغه شپږ بېلابېلې ویډیوګانې تر لاسه کړې چې اته دقیقې دغه طالب چارواکي له هغې نجلۍ سره د جنسي اړیکو په تړاو غږېدلی دی.

د دغو انځوریزو اړیکو کره وخت او نېټه نه ده معلومه.

افغانستان اینټرنشنل د دغو ویډیوګانو د نا مناسبې منځپانګې له امله نه شي کولای هغه خپرې کړي.

د طالب چارواکو په شخصي وټسپ ګروپو کې د دغې ‌‌‌‌‌‌ډلې یو شمېر قوماندانانو هم پر دې ویډیوګانو اعتراضونه کړي.

د بدخشان لپاره د طالبانو پخواني والي‌‌‌‌‌‌ او د ۲۱۷ نمبر قول اردو قوماندان امان الدین منصور په یوه غونډه کې، له دولتي موټرو او وسلې د شخصي مقاصدو لپاره پر کار اخیستو هم عتراض کړی و.

هغه ویډیو چې په خواله رسنیو کې خپره شوې ښيي چې د طالبانو د ۲۱۷ نمبرقول اردو قوماندان د بدخشان د خلکو په یوې ولسي غونډه کې وایي چې قاري قدیر «د اسلامي امارت له موټر او وسلې څخه ناسمه ګټه اخلي او له ښځو سره زنا کوي».

د بدخشان پخواني والي په خپله وینا کې ویلي و: «زما لپاره د شرم ځای دی چې که زه د قاري قدیر پر کړنو تاسې ته د دغه لو‌‌‌‌‌‌ډ سپيکر څخه څه ووایم.»

هغه زیاته کړه: «ولله چې هغه د اسلامي امارت له موټر او وسلې څخه په ګټه اخیستنې سره د پردۍ مېرمنې سره زنا کړې او وې‌‌‌‌‌‌ډېو ګانې یې زما او د استخباراتو له مشر سره شته.»

د افغانستان انټرنشنل سرچېنو له بدخشانه ویلي، له هغې وروسته چې د قاري قدیر د جنسي رسوایۍ ویډیوګانې د طالب چارواکو تر منځ لاس په لاس شوې، دغې ‌‌‌‌‌‌ډلې نوموړی د لاجوردو د کان له امنیتي برخېګوښه کړ.

یو شمېر دغو سرچېنو وویل، قاري قدیر دا مهال په بدخشان کې اوسیږي او ازاد ګرځي.

دا لو مړی ځل نه دی چې د طالب چارواکو جنسي رسوایي د خلکو د ژبو په سر ده او د خلکو په شخصي بنډارونو کې ښکته پورته کیږي.

تر دې وړاندې د زمري په ۲۷ مه افغانستان انټر نشنل د ملا احمد اخند د جنسي اړیکو وېدیو خپره کړې وه چې د کابل په برښنا شرکت کې یې د یوه ساتونکې سره د هغه جنسي اړیکې ښودلې.

طالب چارړاکو د دغې وېدیو په اړه له څه ویلو ‌‌‌‌‌‌ډ‌‌‌‌‌‌ډه وکړه، خو د دغې ‌‌‌‌‌‌ډلې مشر هغه د کابل برښنا شرکت له مشرتوبه لرې او کندهار ته یې وروبللو.

طالبان په ټوله کې له خلکو سره د جنسي اړیکو په تړاو له سخت تشدد څخه کار اخلي. په داسې حال کې چې د طالبانو د قانون له مخې له واده پرته جنسي اړیکو له امله تورن کسان په دورو وهل کیږي، سنګساریږي او ان تر دې چې د اعدام حکم پرې کیږي.

له دې سره دغه ‌‌‌‌‌‌ډله د خپلو چارواکو سره یوازې له څوکیو او دندو څخه د هغوی په لرې کولو بسنه کوي.