د نورستان په ځنګلونو کې اورلګېدنې لسګونه جریبه ځنګل سوځولی
د نورستان ولایت د برګ مټال ولسوالۍ په "نیک موک" غرنۍ سیمه کې اور لګېدلی، چې له امله یې نږدې ٦٠ جریبه ځنګل سوځېدلی. ويل کېږي دغه اور پنځه ورځې مخکې لګېدلی و او لا هم نه دی مړ شوی.
د نورستان ولایت د برګ مټال ولسوالۍ په "نیک موک" غرنۍ سیمه کې اور لګېدلی، چې له امله یې نږدې ٦٠ جریبه ځنګل سوځېدلی. ويل کېږي دغه اور پنځه ورځې مخکې لګېدلی و او لا هم نه دی مړ شوی.
د دغه ولایت د چاپېریال ساتنې مشر مولوي سرتاج الدین ساپی وایي، دغه اور د تېرې یکشنبې په ورځ "د وږي ٥مه" د برګ مټال ولسوالۍ په "نیک موک" غرنۍ سیمه کې لګېدلی دی.ښاغلی ساپی زیاتوي، چې د دغې اورلګېدنې د مهارولو لپاره د نورستان د کرنې او چاپېریال ساتنې ریاستونو او ولسي خلکو له لوري ګډې هڅې شوې دي.خو ځينو سرچینو افغانستان ته انټرنشنل ته ويلي، چې که په لومړنیو شېبو کې دغه اور کابو شوی وای نو دومره ځنګل به نه و سوځيدلی.د عليشاه په مستعار نوم يوې سرچينې زیاته کړه: «اول اور ډېر کم و، خو يوازې د کلي خلکو د اور مړه کېدلو لپاره هڅې وکړې خو حکومت مرسته وه نه کړه او اور ډېر شو.»د نورستان چاپیریال ساتنې مشر وړاندې وايي، دغه اور اوس هم په بشپړ ډول نه دی مړ شوی؛ خو تر ډېره کابو شوی او د پراخېدو مخه یې نیول شوې ده.هغه وایي:«د دغه اور د مهار لپاره شاو خوا ٧٠٠ ځایي خلک په کار لګیا دي، چې تر اوسه پورې ٦٠ جریبه ځنګل په کې سوځېدلی، په دغه ځنګله کې د نښترو او څېړیو ونې سوځېدلې دي.»تر دې وړاندې هم د نورستان او ور څېرمه کونړ ولايت په ځنګلونو کې اورلګېدنې رامنځته شوې او د امکاناتو د نشتوالي او د هغه مهال د حکومتي چارواکو د بې غورۍ له امله په سلګونو جریبه ځنګلونه سوځېدلي.
