د پاکستان تر ټولو خونړۍ میاشت؛ په اګسټ میاشت کې ترهګریز بریدونه ۸۳ سلنه ډېر شوي

د اېسنا د خبر له مخې، د مازندران د پولیسو قوماندان حسن مفخمي د جمعې په ورځ ویلي چې دا قضیه په تیرو ورځو کې، وروسته له هغې تر پام لاندې ونیول شوه چې یوې کورنۍ د خپل ۸۲ کلن پلار د شکمن مړینې په اړه شکایت وکړ.

پولیس وايي، په قتل تورنې ګلثوم په لومړنیو پلټنو کې د خپل خاوند په وژلو اعتراف وکړ.

د حسن مفخمي په خبره، دې مېرمنې د ساري، نکا، محمود آباد او قایم شهر له ښارونو څخه له ۷۵ تر ۸۰ کلونو پورې شتمن او د پاخه عمر لروونکو کسانو په غوره کولو سره له هغوی سره د لنډمهال واده کاوه.

پولیس وايي، په وروستي موقتي نکاح کې د دغې ښځې مهر شاوخوا ۵۰۰ میلیونه تومانه وو.

دغې ښځې د خپل هر مېړه له وژلو وروسته چې ویل یې مړ شو، د مهر او میراث غوښتنه کوله.

دغې تورنې میرمنې دیارلس ځلې لنډمهاله نکاح ګانې کړې او ټول میړونه یې څه موده وروسته مړه شوي دي.

پولیس په دې باور دي چې ښايي هغه به د نورو خلکو په وژلو هم تورنه شي.

نوموړي د یکشنبې په ورځ له یوې هندي رسنۍ سره په مرکه کې ټینګار وکړ چې د ورځنیو مسلو په اړه د ملګرو ملتونو تګلاره پخوانۍ او زړه ده

هغه پریس ټرسټ هندۍ رسنۍ ته وویل "د شلمې پیړۍ په درشل کې نه کیږي چې د یویشتمې پیړۍ اړتیاوو ته رسیدنه وشي."

د هند او برازیل په ګډون څو نور هیوادونه هم د امنیت شورا پر جوړښت ټینګار کوي او په دې مهمه نړیواله شورا کې د څوکۍ غوښتنه کوي.

هند د خپل مخ پر ودې اقتصاد او ډیر نفوس په لرلو سره په آسیا کې مهم هیواد بلل کیږي

مودي راتلوونکې اوونۍ، د وږي میاشتې په اتلسمه د جي۲۰ ډلې هیوادونو کوربه دی، چې پکې مهم میلمانه لکه د متحده ایالاتو، جرمني او فرانسې مشران او همداراز د سعودي عربستان ولیعهد به هم ګډون وکړي.

مودي وویل: "نړیوال بنسټونه باید نويننګوونکي واقعیتونه وپیژني او په خپلو لومړیتوبونو له سره غور وکړي."

هغه زیاته کړه: " پر جي شل ډلې د هند ریاست د دریمې نړۍ د هیوادونو ترمنځ، دغه هیواد اعتبار ترلاسه کړ."

ځايي رسنۍ وايي، د دې مېرمنې مېړه او د هغې دوو لیورونو، هغه په يوې ونې پورې تړلې او سنګسار کړې، پر دې ښځې يې له يوه پردي سړي سره د جنسیي اړيکو لرلو تور ولګاوه.

د "وائس آف پاکستان" خبري وېبپاڼې د راپور له مخې، د دغې مېرمنې د کورنۍ یوه غړي ویلي چې پر دې ښځې يېبیځایه تورونه پورې کړي دي.

په دیره غازي خان کې د دې سیمې پولیسو د یکشنبې په ورځ ځايي خبریالانو ته وویل چې دغه ښځه د جمعې په ورځ په ډبرو ویشتل شوې وه.

د پولیسو په وینا، هغه مهال چې مرګونې وه، د هغې د وژنې عاملان د پیښې له ځایه تښتیدلي دي.

د دنیا ورځپاڼې په ګډون سیمه ییزو رسنیو راپور ورکړی چې دغه ښځه د الکاني قبیلې سره تړاو لري، خو د هغې د میړه د قومي تړاو په اړه یې څه نه دي ویلي.

څو ورځې وړاندې د پنجاب په یوه بله ولسوالۍ "میانوالي" کې هم د یوې ښځینه ډاکټرې د وژنې راپور ورکړل شوی و، چې رسنیو یې د "غیرت وژنه" بللې وه.

دپوليسو سرچينو له مخې دغې پنځه ویشت کلنېډاکټرې غوښتل دخپل يوه همکار سره واده وکړي خو پلار يې مخالفت کړى ؤ.

د پاکستان په قبایلي سیمو کې د ناموسي وژنو پېښې نوې خبره نه ده. د بشري حقونو فعالانو اټکل کړی، چې په دغه هېواد کې هر کال شاوخوا زر ښځې د "عزت" د ساتنې تر نامه لاندې وژل کېږي.

بنګله دېش پچه وګټله او د توپ وهنې پرېکړه یې وکړه. دغې لوبډلې په ۵۰ اورونو کې د خپلو پنځو لوبغاړو په له لاسه ورکولو سره افغانستان ته د ۳۳۵ منډو هدف وټاکه. افغانستان ټاکل شوي هدف ته ونه رسېد او له ماتې سره مخ شو.

دا لوبه نن د پاکستان د لاهور ښار په ۲۷ زره کسیز قذافي لوبغالي کې ترسره شوه، چې افغان لوبډلې په ۴۴،۳ اورونو کې خپلو ټولو لوبغاړو په له لاسه ورکولو سره ۲۴۵ منډې جوړې کړې وې او بنګله دېش ترې په ۸۹ منډو وګټله.

په لومړۍ پاڼۍ کې د بنګله دېش له لوري مهدي حسن او نجم الحسین شانتو په ترتیب سره ۱۱۲ او ۱۰۴ منډې وکړې. دغو دوو لوبغاړو د بنګله دېش لپاره د ټولو ۳۳۴ منډو له جملې ۲۱۶ منډې وکړې او د خپل هېواد په بریا کې یې ستر رول ولوباوه.

د لوبې په دویمه نیمايي کې د افغانستان له لوري ابراهیم ځدراڼ په ۷۵ منډو او حشمت الله شهیدي ۵۱ منډو جوړولو سره تر نورو لوبغاړو ښه وځلېدل.

د توپ وهنې په برخه کې د بنګله دیش له لوري تسکین احمد څلور او شریف الاسلام درې ویکټې واخیستې.

د دې لوبې پایله د دواړو لوبډلو لپاره ډېره مهمه او حیاتي وه، په ځانګړې توګه د بنګله دېش لپاره چې څو ورځې وړاندې یې په دې جام کې خپله لومړۍ لوبه سریلانکا ته بایللې وه. دا د دوی لپاره یوازینی چانس پاتې و، چې وروستیو څلورو ټیمونو او اتلولۍ ته ورسي.

تر دا مهاله په دویم ګروپ کې د سریلانکا او افغانستان لوبډلو یوه - یوه لوبه کړې او بنګله دېش دوه لوبې کړي دي. د افغانستان راتلونکې لوبه به دوه ورځې وروسته په همدې لوبغالي کې له سریلانکا سره وي.

د ښاغلي پاشینیان په خبره، مسکو نه دا چې د دوی غوښتنې پوره نه کړې بلکې په پراخه سیمه کې خپل نفوذ کموي.

نوموړي د ایټالیا له لا ریپبلیکا ورځپاڼې سره په مرکه کې دا خبرې کړې چې نن د وږي پر ۱۲ خپره شوه.

ښاغلی پاشینیان وایي، که څه هم روسیه له ارمنستان سره دفاعي تړون او پکې پوځي اډه لري، خو دا هېواد د روسیې پوره ملاتړی نه بولی، ځکه باوري دی چې مسکو د قفقاز پراخه سوېلي سیمه پرېږدي.

نوموړي زیاته کړه، دې ته په پام اوس ایروان له اروپایي ټولنې، متحده ایالتونو او د سیمې له نورو سره هېوادونو سره د نږدې اړیکو په هڅه کې دی.

نیکول پاشینیان وايي، له وسلو او مهمواتو نیولې د ارمنستان امنیتي جوړښت ۹۹.۹۹ په روسیه پورې تړلی و:«خو نن وینو چې د اوکراین د جګړې له امله روسیه پخپله وسلو او مهماتو ته اړتیا لري، په دغسې شرایطو کې دا د درک وړ ده چې که د روسیې فدراسیون و هم غواړي، بیا هم د ارمنستان امنیتي اړتیاوې پوره کولی نه شي.»

د نوموړي په خبره: «دا مثال روښانوي چې په امنیتي برخه کې پر یوه ملګري ډاډمنتیا یوه لویه ستراتیژیکه تېروتنه ده.»

مسکو چې د ایروان او باکو ترمنځ د سولې هڅې کړې، لا یې د ښاغلي پاشینیان ادعاوو ته غبرګون نه دی ښودلی.

نګورنو قره باغ په نړیواله کچه د اذربایجان برخه بلل کېږي، خو تر یو لک شل زره اوسېدونکي یې ارمنان دي.

د ۱۹۹۰ کلونو په جګړه کې ارمنستان پرې ولکه وکړه، خو په ۲۰۲۰ کال کې یې بیا پر سره درنه جګړه ونښته چې باکو پکې ځینې سیمې بېرته ونیولې، اما د روسیې په منځګړتوب اوربند وشو.