د نړۍ د بډایه او ځواکمنو هېوادونو مشران تر راتلونکو څلورو ورځو ډیلي کې د جي۲۰ په دوه ورځنۍ غونډه کې سره راټولیږي. دې غونډه کې به د مخ پر ودې هېوادونو لپاره د ډېرو پورونو چمتو کولو څخه نیولې بیا تر ډیجیټلي اسعارو پورې پر اړونده مقرراتو بحث وشي.
دا لومړی ځل دی، چې هند د نړۍ د مشرانو د دومره ځواکمنې ډلې کوربهتوب کوي.
د ډیلي ښار بېلابېلې لارې او ټرافیکي چوکونه په ګلانو سمبال شوي او عامه ودانیو نوی رنګ غوره کړی.د غونډې امنیت د ۱۳۰ زره پولیس افسرانو، نیمه پوځي پرسونل او د ډرون ضد سیسټمونو لهخوا نیول کېږي.په ۱۹۹۹ کال کې د اسیایي هېوادونو له مالي ناورین وروسته د نړۍ شلو لویو هېوادونو په دې درک سره چې نور نه شي کولای د یوه هېواد په پولو کې دغسې ناورین کابو کړي او نړۍوالې اقتصادي همکارۍ ته اړتیا لري، نو یوه اقتصادي ډله یې جوړه کړه.دغې اقتصادي ډلې اوس مهال د نړۍ د (جي ډي پي) ناخالص کورني تولید اتیا سلنه او د نړۍوالې سوداګرۍ پنځه اویا سلنه برخه جوړوي.برېټانیا، امریکا، اروپايي ټولنه، روسیه، سعودي عربستان، سویلي افریقا، هند، ترکیه، ارجنټاین، اسټرالیا، برازیل، کاناډا، چین، فرانسه، جرمني، انډونیزیا، اېټالیا، جاپان، سویلي کوریا او مکسیکو د دغه سازمان غړي هېوادونه دي.که څه هم د دغې اقتصادي ډلې د جوړېدو په لومړیو کلونو کې یوازې د مالیې وزارتونو مشرانو له یو بل سره کتل؛ خو د ۲۰۰۸ کال له مالي ناورین وروسته د غړو هېوادونو مشرانو پرېکړه وکړه، چې په کال کې یو ځلې غونډه وکړي.ټاکل شوې په دې ډله کې د هند یو کلن ریاست به د مخ پر ودې هېوادونو ته د ډېرو پورونو، د نړۍوالو پورونو د جوړښت د اصلاح کولو، په ډیجیټلي اسعارو پورې اړوند مقررات او د خوړو او انرژۍ پر امنیت باندې د جیو پولیټیکل په ناڅرګنده اغېزو خبرې اترې وشي؛ خو د جي شل ډله بیا په ډېریو برخو کې سره همنظره نه دي.دغه ډله تراوسه نه ده توانېدلې، چې د اوکراین د مسلې په اړه کومه ګډه خبرپاڼه خپره کړي، ځکه د دې ډلې د غړو ترمنځ د نظر ژور اختلاف تر سترګو کېږي.چین همداراز پر اوکراین د روسیې د برید له غندنې ډډه کوي؛ خو لوېدیځ هېوادونه په دې لټه کې دي، چې د دغه برید غندنه وکړي.هند به د ډېسمبر په لومړۍ نېټه د جي شل ډلې مشري برازیل ته وسپاري.
