سیمهییزو سرچینو افغانستان انټرنشنل ته ویلي، چې یو پخوانی جهادي قوماندان عبدالغفار صابر د دوشنبې په ورځ د (وږي ۲۰مه)د تخار ولایت په رستاق ولسوالۍ کې ترور شو. د ښاغلي صابر خپلوانو هم د هغه وژنه منلې ده.
لاتراوسه د هغه د وژنې په تړاو کره مالومات په لاس کې نه شته.
یوې سرچینۍ ویلي، چې هغه د پیرام قل ضیایي له ملګرو او قوماندانو څخه و او ښایي، چې د شخصي دښمنۍ له امله وژل شوی وي.
له بلې خوا، په تېرو دوو کلونو کې پخواني پوځیان او قوماندانان په همدې ډول وژل شوي، چې خلک یې د طالبانو د غچ اخیستنې بېلګې ګڼي.
سرچینې وایي، چې هغه د طالبانو په لومړۍ واکمنۍ کې(له ۱۹۹۶ تر ۲۰۰۱) د رستاق د قرلق حوزې امر شو.
