طالبانو د لوړو زده کړو د خصوصي موسسو او پوهنتونونو ټولنه ړنګه کړه
د طالبانو د لوړو زده کړو وزارت له خوا د لوړو زده کړو د خصوصي موسسو او پوهنتونونو ټولنې ته په یوه لېږل شوي، مکتوب کې ویل شوي، چې وروسته له دې دغه اتحادیه په رسمي ډول فعالیت نه شي کولی.
د طالبانو د لوړو زده کړو وزارت له خوا د لوړو زده کړو د خصوصي موسسو او پوهنتونونو ټولنې ته په یوه لېږل شوي، مکتوب کې ویل شوي، چې وروسته له دې دغه اتحادیه په رسمي ډول فعالیت نه شي کولی.
د لوړو زده کړو د خصوصي موسسو او پوهنتونونو د ټولنې ویاند کریم ناصري منلې، چې د طالبانو د لوړو زده کړو وزارت یاده اتحادیه له منځه وړې ده.
د طالبانو د لوړو زده کړو له وزارت څخه یوې سرچینې افغانستان انټرنشنل ته وویل، چې له یادې ټولنې څخه د وزارت ناخوښي، له وزیر او ټیم سره په ځینو مسایلو کې اختلافات د دې لامل شول، چې دغه اتحادیه له منځه لاړه شي.
سرچینه زیاتوي:” دا اتحادیه د وزیر په حکم ړنګه شوې او هغه په دې عقیده دی، چې ګواکې دا اتحادیه یو موازي حرکت دی”.
د یادې سرچینې په خبره، چې دغه وزارت د دې لپاره چې د لوړو زده کړو خصوصي موسسې او پوهنتونونه تر جدي څار لاندې ونیسي، د اتحادیې پر ځای یې د وزارت تر چتر لاندې کمېسیون جوړ کړی دی.
دا لومړی ځل نه دی، چې طالبان دا ډول ټولنې له منځه وړي، له دې وړاندې د پوهنتونونو د استادانو ټولنه هم د طالبانو د لوړو زده کړو د وزارت په امر ړنګه شوه.
