د طالبانو د بهرنیو چارو وزیر امیرخان متقي له اصف دراني سره په لیدنه کې ویلي، د یو بل خلاف د بیانونو ورکولو دې ډډه وشي، چې د دواړو لوریو تر منځ د فاصلې زیاتېدو سبب نه شي.
نوموړي دا هم ویلي چې امنیتي مسایل دې د ګډو کمېټو له لارې حل شي.
د طالبانو د بهرنیو چارو وزارت نن پنجشنبه د ـ سنبلې ۳۰ مه ـ په یوه خبرپاڼه کې ویلي چې د دې ډلې د بهرنیو چارو وزیر امیر خان متقي د افغانستان په چارو کې د پاکستان ځانګړي استازي اصف دراني سره په لیدنه کې پر امنیت، سوداګري او د افغان کډوالو پر ستونزو خبرې کړې دي.
ښاغلي متقي له پاکستاني پلاوي سره لیدنه کې ټینګار کړی هیچاته به اجازه نه ور کوي چې د دواړو هیوادونو تر منځ روابط خراب کړي.
خبرپاڼه زیاتوي متقي دغه پلاوي ته وویل چې امنیتي مسایل دې د مشترکو کمیټو له لارې حل شي او لویې د عبور لارې دې د سیاسي او امنیتي اندېښنو له کبله نه تړل کیږي.
د پاکستان ځانګړي استازي اصف دراني متفي ته په ځواب کې وویل چې د سودګرۍ او ترانزیت او همدا راز د افغانستان او پاکستان تر منځ د تګ راتګ په ځایونو کې د رامنځته شوو مشکلاتو لپاره به د حل لارې را وباسي.
د پاکستاني پلاوي دا سفر په داسې مهال دی چې پاکستان له طالبانو غواړي پر خپلو ژمنو ودرېږي او د پاکستاني طالبانو پرضد ګام پورته کړي.
اسلام اباد وايي، پاکستاني طالبان په افغانستان کې مرکزونه لري او له کرښې په اوښتو سره په پاکستان کې بریدونه کوي.
هغه څه چې طالبان يې په کلکه ردوي او وايي پاکستاني طالبان په پاکستان کې پراخ حضور لري او پاکستان دې په خپله خاوره کې د وسلوالو پرضد ګامونه واخلي.
د افغانستان لپاره د ځانګړي استازي په توګه تر ګومارل کېدو راهیسې دا کابل ته د اصف دوراني دویم سفر دی.
نوموړی دوه میاشتې مخکې هم کابل ته تللی او له طالب چارواکو سره یې لیدلي وو.
له پاکستان څخه د افغان مهاجرینو د زور یا داوطلبانه راستنېدو په اړه احصایې مختلفې او په ځینو مواردو کې متضادې دي.
د طالبانو تر کنټرول لاندې باختر خبري اژانس خبر ورکړی، چې له څلورو ورځو راپه دې خوا څه د پاسه ٩٠٠ افغان کورنۍ له پاکستان څخه راستانه شوي دي.
که څه هم دا نه ده څرګنده، چې د دغو مهاجرینو بېرته ستنېدل جبري دي که په خپله خوښه؛ خو له دې وړاندې هم په پاکستان کې د افغان مهاجرینو د نیولو او د پاکستاني پولیسو له خوا د هغوی د جبري بېرته ستنېدو په اړه راپورونه خپاره شوي دي.
د پاکستان د بهرنیو چارو موقت وزیر وايي، چې پر هېواد یې د تحریک طالبان پاکستان لخوا بریدونه د پاکستان او افغانستان ترمنځ د دښمنۍ په هدف ترسره کیږي.
جلیل عباس جیلاني د خواشیني په څرګندولو وویل، چې «په پاکستان کې دننه بریدونه اوس هم له افغانستانه ترسره کیږي.»
د پاکستان د بهرنیو چارو وزارت سرپرست زیاته کړه، چې اسلام اباد غواړي افغانستان ته د یوه باثباته هېواد په سترګه وګوري، خو دی په دې باور دی چې د تحریک طالبان پاکستان او د داعش د خراسان څانګې په ګډون ګڼ شمېر ترهګرې ډلې په افغانستان کې شتون لري.
جلیل عباس جیلاني ټینګار وکړ، چې دا نه یوازې د پاکستان بلکې د سیمې د نورو هیوادونو لپاره هم جدي اندیښنه ده.
په ورته وخت کې نوموړي څرګنده کړه، چې پاکستان له افغان طالبانو سره خبرې کوي او دغې ډلې ته ویل شوي، چې له پاکستان او نړۍوالې ټولنې سره د شویو ژمنو له مخې باید اجازه ورنه کړي، چې د افغانستان خاوره د نورو هېوادونو پر ضد وکارول شي.
که څه هم پخواني نظامیان د طالبانو د ننګرهار د والي دروازې ته ورغلي؛ خو هغه ورته ویلي، چې د لېوا قوماندان یې خبر نه مني او والي ورسره په دغه برخه کې ورسره همکاري نه شي کولی.
په جلال اباد کې د قول اردو فامیلو اوسیدونکي وايي؛ یوه ډله مشران د دې راپورته شوې ستونزې د حل لپاره د طالبان دفاع وزارت ته ورغلي، خو تر اوسه یې کومه نتجه نه ده ورکړې.
تر اوسه د یادې پېښې په اړه طالبانو رسنیو ته څه نه دي ویلي، هڅه مو وکړه چې په دې اړه د طالبانو د دفاع وزارت نظر هم را واخلو خو له بار – بار هڅو سره ونه توانېدو.
دا لومړی ځل نه دی، له دې وړاندې هم په کابل کې د ملي اردو د روزنیز مرکز سره نېږدې د پخوانیو نظامیانو یو شمېر کورونه په زوره نیول شوي دي.
د افغانستان لپاره د پاکستان ځانګړی استازی اصف دورانی د پنجشنبې په ورځ له یوه پلاوي سره کابل ته ورسېد.
دا سفر په داسې مهال دی چې پاکستان له طالبانو غواړي پر خپلو ژمنو ودرېږي او د پاکستاني طالبانو پرضد ګام پورته کړي.
د طالبانو رییس الوزرا ته د پاکستان د لومړي وزیر انوارالحق کاکړ تر لیک وروسته ښاغلی دورانی کابل ته ځي.
اسلام اباد وايي، پاکستاني طالبان په افغانستان کې مرکزونه لري او له کرښې په اوښتو سره په پاکستان کې بریدونه کوي.
کابل ته د پاکستاني پلاوي د سفر پر مهال د دغه هېواد د بهرنیو چارو سرپرست وزیر جلیل عباس جیلاني ویلي، په پاکستان کې بریدونه لا هم له افغانستان سرچینه اخلي.
