د ډان ورځپاڼې د راپور له مخې، د جمعې په ورځ دولتي روغتونونو ته ۵۳ نوي د ډېنګي ناروغان وروستل شوي چې له دې سره په روان کال کې د ډېنګي د ناروغانو ټولټال شمېر ۸۵۴ تنو ته ورسېده.
دا مهال د راولپنډۍ په روغتونونو کې د ډینګي ټولټال ۸۶ مثبتې پېښې ثبتې شوې او ناروغان یې تر درملنې لاندې دي، چې د نهو تنو روغتیایي حالت نازک ښودل شوی.
پاکستاني چارواکي وايي، روغتیایي ډلې هره ورځ په کور دننه او بهر عملیات کوي.
د جمعې په ورځ په راولپنډۍ کې د ۱۳,۷۹۴ څخه زیات کورونه کتل شوي او په ۹۸۶ کورونو کې د ډېنګي لاروا موندل شوي.