لرغونپوهانو د جرمني د نیډرزاکسن ایالت په دورنبرګ کلي کې د مالګې په کان کې د ماشوم دوه زره کاله پخوانی چرمي بوټ موندلی دی. د جرمني د بوخوم کان موزیم ویلي، چې دا بوټ غالباً له میلادي کال دوه پېړۍ مخکې جوړ شوی دی.
لرغونپوهانو د مالګې د کیندلو او استخراج په وخت کې دا بوټ کشف کړی دی.
ډورنبرګ کلي کې د اوسپنې دورې له پیل راهیسې د مالګې کان کیندنه کیږي.
داسې انګیرل کیږي، چې مالګه په ارګانیک پاتې شونو کې مهم رول لري، نو دا بوټ ځکه سالم پاتې شوی دی.
د جرمني د بوخم کان کیندنې موزیم په وینا، په ډورنبرګ کې دا کیندنه د اوسپنې د دورې د کان کیندونکو د کار او ژوند په اړه د معلوماتو ترلاسه کولو لپاره کیږي.
د جرمني د کانونو موزیم د څېړنڅانګې مشر پوهاند توماس سټولنر وویل: «په ډونبرګ کې موږ د څو لسیزو څیړنیزو فعالیتونو سره ارزښتناکه موندنې کړې چې له مخې یې په علمي ډول د لومړنیو کان کیندنو فعالیتونه څېړلی شو.»
دا پوهاند وایی د موندل شوي بوټ وضعیت «فوق العاده» دی.
هغه زیاته کړه چې «د دې ماشوم بوټان او د ټوکر پاتې شوني او یا هم د هغه په څیر نور شیان چې په ډورنبرګ کې موندل شوي د اوسپنې دورې د کان کیندونکو د ژوند خورا نادر بصیرت وړاندې کوي.»
لرغونپوهانو پر بوټانو سربیره نور عضوي پاتې شوني هم موندلي لکه لرګین بېل یا چارۍ او له کتان څخه جوړ شوی تار.
ویل کیږي، د بوټ پاتې شوني شاید له کتان څخه جوړ شوي وي.
د ایراني رسنیو د راپورونو له مخې، دې پوځي پرېډ یا رژه کې چې په ژوندۍ بڼه خپره شوه، د «مهاجر، شاهد او ارش» ډرون الوتکې نندارې ته وړاندې شوې.
د ایران اسلامي جمهوریت تېره میاشت ویلي وو چې د مهاجر ۱۰ په نوم یې یوه پرمختللې بې پیلوټه الوتکه جوړه کړې چې دوه زره کیلومتره واټن وهلی شي.
سربیره پردې، مهاجر ۱۰ د ۲۴ ساعتونو لپاره الوتنه کولی شي او تر ۳۰۰ کیلوګرامه کارګو لیږدوي، چې د اوسني مهاجر ۶ډرون څخه یې ظرفیت دوه چنده ډېر دی.
امریکا پر ایران تورن لګولی چې مهاجر ۶ ډرون الوتکې یې روسیې ته ورکړي چې د اوکراین په جګړه کې یې وکاروي.
واشنګټن د سې شنبې په ورځ پر ایران د بندیزونو د زیاتیدو یو لامل روسیې ته د دغو بې پیلوټه الوتکو سپارل وباله.
تهران روسیې ته د دغو بې پیلوټه الوتکو استول ردوي.
د جمعې په ورځ ایران خپل بالستیک او هایپرسونیک توغندي هم نندارې ته وړاندې کړل
د ایران او عراق جګړه د ۱۳۵۹لمریز کال د وږي په ۳۱مه (د ۱۹۸۰میلادي کال د سپتمبر ۲۲) پیل شوه او اته کاله یې دوام وکړ.
دا جګړه چې له اقتصادي پلوه ویجاړونکې وه او لږ تر لږه نیم ملیون کسان پکې ووژل شول، بالاخره د ایران له خوا د ۱۳۶۷لمریز کال د زمري په میاشت کې د ملګرو ملتونو د امنیت شورا د ۵۹۸ پریکړه لیک په منلو سره پای ته ورسیده.