طالبان: په تېرو څلورو ورځو کې د افغان کډوالو ۹۰۰ کورنۍ افغانستان ته راستنې شوې

فیصل بن فرحان آل سعود همداراز له طالبانو وغوښتل چې د ښځو لپاره د کار او زده کړو حق په ګډون دې د افغانانو حقونو ته درناوی وکړي.

د سعودي د بهرنیو چارو وزیر د ملګرو ملتونو په غونډه کې د خپله وینا پر مهال د شنبې په ورځ (د تلې لومړۍ) په افغانستان کې د امنیت او ټیکاؤ پر راوستو ټینګار وکړ.

فیصل بن فرحان همداراز د افغانستان له خلکو سره د نړیوالې ټولنې د بشري او اقتصادي مرستو غوښتنه وکړه.

په نیویارک کې د ملګرو ملتونو په ۷۸مه غونډه کې د نړۍ او سیمې هېوادونو د بشري حقونو وضعیت، د نشه یي توکو قاچاق او له افغانستان څخه د ترهګرو ډلو د ګواښ په اړه اندېښنې څرګندې کړې.

د نړۍ هېوادونو همدارنګه د نجونو د ښوونځیو پر پرانیستلو، د ښځو د کار پر حق او د یوه ټولګډونه حکومت پر جوړولو ټینګار وکړ.

امیرعبداللهیان زیاتوي چې په ایران کې د څو میلیونو افغان کډوالو شتون د ایران او نورو ګاونډیانو لپاره د افغانستان د بې ثباتۍ پیغام ورکوي.

د ایراني رسنیو د راپور له مخې د ایران د بهرنیو چارو وزیر دغه څرګندونې د اسیايي ټولنې په هغه غونډه کې وکړې چې د امریکايي کارپوهانو، دیپلوماتانو او ګوښه شويو چارواکو په ګډون جوړه شوې وه.

د راپورونو له مخې د ایران د بهرنیو چارو وزیر په سیمه کې د ترهګرۍ دوام او د هغې د خپریدو ګواښ د سیمې او نړۍ له اندېښنو او ګواښونو څخه وبلل او زیاته یې کړه: «د دې ډیری برخه په سیمه کې په بهرنیو سیاستونو او لاسوهنو پورې تړلې ده.»

که څه هم طالبانو له افغانستان څخه د تروریستي ګواښونو په اړه ادعاوي ردوي، خو د منځنۍ اسیا یو شمېر هیوادونو تل په دې اړه خپلې اندیښنې څرګندې کړې دي.

د طالبانو کابل ولایت چارواکو په یاده خبرتیا کې له مساپرو غوښتي چې د (لته بند) او یا هم تګاب لاره د تګ راتګ لپاره وکاروي.

د کابل ـ جلال اباد لویه لاره څو ورځې وړاندې څرخې پله ته نېږدې د ماهیپر په سیمه کې د غره ښویدنې له امله تړل شوې وه.

د طالبانو د دفاع او ټولګټو چارو وزارت د یادې لارې د پرانیستلو او رغاولو هڅې پیل کړې وې.

د دغې لویې لارې تړل کېدو له امله د ماهيپر دواړو لورو ته زرګونه مساپر بند پاتې وو، او اوس هم مسافر د (لته بند) او تګاب په کنډې کپرې لارې تګ راتګ کوي.

ټاکل شوې د مسکو فارمټ غونډه د روسیې په کازان ښار کې د لسو هېوادونو د استازو په ګډون جوړه شي.

د مسکو فارمټ غونډه د جمعې په ورځ د (تلې په اوومه نېټه) جوړېږي او د روسیې، هند، ایران، قزاقستان، قرغزستان، چین، پاکستان، تاجکستان، ترکمنستان او ازبکستان استازي به په کې ګډون وکړي.

په دې غونډه کې به د طالبانو د بهرنیو چارو وزیر امیر خان متقی هم ګډون وکړي.

د روسيې د بهرنيو چارو وزير د شنبې په ورځ (د تلې لومړۍ) په نيويارک کې په يوه خبري غونډه کې د افغانستان انټرنشنل خبريالې مريم رحمتي ته وويل چې په کابل کې د روسيې سفارت فعال دى او د دغه هېواد سفير هم په کابل کې دی او خپل کار ته دوام ورکوي.

د روسیې د بهرنیو چارو وزارت ویاندې ماریا زاخارووا په دې وروستیو کې ویلي چې د مسکو په غونډه کې به د افغانستان پر روان وضعیت، د افغانانو ترمنځ د پخلاینې، سیمه ییز امنیت او له جګړې وروسته د افغانستان د بیارغونې په اړه خبرې وشي.

د افغانستان په چارو کې د روسیې د ولسمشر ځانګړي استازي ضمیر کابلوف هم ویلي چې په افغانستان کې د یوه ټولګډونه حکومت د جوړولو موضوع د دغې غونډې د اجنډا په سر کې ده.

د اوکراین په جګړه کې د ایران بې پیلوټه الوتکه

ښاغلي لاوروف دغه راز د اوکراین په جګړه کې د ایران د بې پیلوټه الوتکو د کارولو په اړه د افغانستان انټرنشنل خبریالې د پوښتنې په ځواب کې وویل چې روسي چارواکو په وار وار په بېلابېلو څرګندونو کې ویلي چې د دغو ادعاوو په اړه هېڅ ثبوت نه‎لري او نه هم چا د دغو ادعاوو ثبوت وړاندې کړی دی.

د روسیې د بهرنیو چارو وزیر همداراز د (اټمي وسلو او نړیوالو بندیزونو تړون) د خبرو اترو د بیا پیلولو په اړه وویل چې د ایران د میزایل پروګرام په اړه د غوښتنو بیاکتنه د ایران له اټمي پروګرام سره هیڅ تړاو نه لري او یوازې یوې هوکړې ته د رسیدو په هدف په پریکړه لیک کې شامل شوی دی.

ښاغلي لاوروف په دې خبرې سره چې د ایران د میزایلو پر پروګرام بندیزونه به د اکټوبر په۱۸مه پای ته ورسیږي، وویل چې لندن، پاریس او برلین اعلان کړی چې دوی غواړي پر ایران د بندیزونو د دوام په اړه لازم ګامونه پورته کړي.

هغه وویل چې د بندیزونو مسله به په دې اغېزه وکړي چې ایران په دې برخه کې څه ډول ځواب ورکوي.

حبیب الله اغا د جوزجان په آقچې ولسوالۍ کې د یوه ښوونځي د پرانیستې په مراسمو کې په اوسني عصر کې د ټکنالوژۍ د پرمختګ یادونه وکړه او ويې ویل: «موږ شاته پاتې یو، سړکونه نه لرو، برېښنا نه لرو او که وي هم کیلي يې د نورو په لاس کې ده.»

دغه طالب چارواکی په داسې حال کې د زده کوونکو لپاره د عصري علومو د زده کړې د اړتیا خبره کوي، چې دوه کاله وړاندې طالبانو ښوونځيو او پوهنتونونو ته د نجونو پر تګ بندیز ولګاوه.

د شمېرو له مخې په دغو دوو کلونو کې شاوخوا ۸۰ سلنه د زده کړو پر شرایطو برابرې نجونې په ښوونځیو او پوهنتونو کې له زده کړو بې برخې شوې.

بل خوا ملګري ملتونه وايي چې د زده کړوڅخه د نجونو بې برخې کول په افغانستان کې په څو نسلونو باندې اغېزه لري او د ماشومو نجونو واده کول، د ماشومانو اجباري کار او همدارنګه د ښځو په وړاندې د کورني تاوتریخوالي د زیاتوالي لامل کیږي.

د نجونو د ښوونځیو او د ښځو د کار د بیا پرانستلو لپاره د نړیوالې ټولنې او یو شمېر اسلامي هېوادونو له ټینګار سره سره، طالبانو د ښځو بې برخې کولو ته دوام ورکړی او پر وړاندې یې سختې تګلارې پلي کوي.