اروپا کې مېشت د پښتون ژغورنې غورځنګ غړیو په جینوا کې د ملګرو ملتونو مخې ته لاریون وکړ
د اروپا له یو شمېر هېوادونو څخه د پښتون ژغورنې غورځنګ غړیو تېره ورځ په جینوا کې د ملګرو ملتونو مخې ته احتجاجي لاریون وکړ.
د اروپا له یو شمېر هېوادونو څخه د پښتون ژغورنې غورځنګ غړیو تېره ورځ په جینوا کې د ملګرو ملتونو مخې ته احتجاجي لاریون وکړ.
دغه لاریون د پاکستان د پوځ او د دوی تر لاس لاندې حکومت لهخوا د پښتون ژغورنې غورځنګ پر مشرانو، غړیو او په پاکستان کې د افغان کډوالو د نیولو او ځورولو د تګلارو په غبرګون ترسره شو.
په اروپا کې د پښتون ژغورنې غورځنګ غړی عبدالله احسان وايي، په دغه لاریون کې په پاکستان کې د بلوڅو، سندیانو او نورو لږکیو د بشري حقونو مدافعینو هم ګډون کړی وو.
نوموړی وايي، په جینوا کې د پښتون ژغورنې غورځنګ د لاریون پر مهال پر ملګرو ملتونو او د بشري حقونو پر نړۍوالو ادارو غږ وکړ، چې د پاکستان د پوځ او حکومت لهخوا د پښتنو او نورو لږکیو او هلته د افغان کډوالو پر بشري حقونو پرله پسې تېریو پر وړاندې جدي ګامونه واخلي.
د اروپا له بېلابېلو هېوادونو څخه په لاریون کې برخه اخیستونکو کسانو تر لاریون وروسته د یوه رسنیز کنفرانس پر مهال د پاکستان لهخوا د روانو بشري او جنګي جنایاتو پر بېلابېلو اړخونو بحث او له نړۍوالو یې د دغو بشري سرغړونو د مخنیوي لپاره غږ وکړ.
