د افغانستان د ووشو ملي لوبغاړي محمد خالد هوتک نن د ووشو د سياليو په نيمه پايلوبه کې د چين له «هي فنګ چن» سره لوبه وکړه او دوه پر صفر يې ماتې وخوړه. هوتک چې د ووشو وياړلی لوبغاړی دی، په اسيايي لوبو کې د برنزو مډال خپل کړ.
په دې پړاو کې هوتک په یوه اتم پړاو کې له قزاقستان څخه «نور سلطان ازمورزایف» ته ماتې ورکړه او په یوه څلورم پړاو کې یې له هند څخه «سوراج یاداو» ته ماتې ورکړه.
هوتک تېره شپه له خپلې لوبې وروسته له افغانستان انټرنشنل سره به مرکه کې وویل، چې پښه یې ټپې ده، له درد او وېرې سره به په سیالېو کې ګډون وکړي.
هوتک د ووشو په ۲۰۱۳ نړۍوالو سیالیو کې او د جاکارتا د اسیایي المپیک په ۲۰۱۸ کال کې افغانستان ته مډالونه ګټلي دي.
