طالبانو له پاکستان څخه د راتلونکې نومبر میاشتې تر لومړۍ ورځ پورې د غیر قانوني افغانانو د ویستلو په تړاو له د افغان کډوالو د بېرته راستنېدو په برخه کې د ملګرو ملتونو د کډوالو د عالي کمېشنرۍ سره په کور دننه پرتې ستونزې شریکې کړې او له هغوی یې د مرستې غوښتنه کړې ده.
د اټکل له مخې؛ ښايي ۱.۷ میلیونه هغه افغان کډوال چې په پاکستان کې غیرقانوني مېشت دي په جبري ډول له پاکستان څخه وویستل شي.
پاکستان د نشنل اېپېکس کمېټې په ناسته کې پرېکړه کړې، چې ټول هغه بهرني وګړي چې په پاکستان کې په غیر قانوني توګه اوسیږي، د روانې میاشتې د اکټوبر تر پایه دې له دغه هېواده ووځي.
د پاکستان د نشنل اېپېکس کمېټې سې شنبې (د تلې ۱۱مه) په یوه ناسته کې چې د پاکستان سرپرست حکومت لومړي وزیر ترڅنګ د پوځ مشر هم کډون کړی پرېکړه وکړه، چې افغان کډوال د اکټوبر له ۱۰مې نېټې څخه د نومبر تر لومړۍ نېټې پورې د کډوالۍ کارتونو او تذکرو سره د تګ او راتګ اجازه لري.
د طالبانو د کډوالو او راستنېدونکو چارو وزارت نن پنجشنبه (د تلې ۱۳مه) په یوې اعلامیې کې ویلي، چې د یاد وزارت مسلکي معین عبدالرحمان راشد په کابل کې د ملګرو ملتونو د کډوالو د عالي کمېشنرۍ (UNHCR) له مشر لېونارډ زولو سره لیدلي او له نوموړي سره یې د کډوالو د بېرته راستنېدو او په پرتو ستونزو خبرې کړې دي.
په اعلامیه کې راغلي، چې پاکستان په نېږدې درېیو اونیو کې ۲۳ زره افغانان په جبري ډول له پاکستان څخه راویستل شوي دي.
په اعلامیه کې د کډوالو او راستنېدونکو چارو وزارت د مرستیال په حواله ویل شوي، چې پاکستان د ټولو نړۍوالو قوانینو خلاف افغان کډوال راوباسي.
نوموړي زیاته کړې، چې دوی شړل شویو کډوالو ته هرکلي وايي، خو د ملګرو ملتونو د کډوالو د عالي کمېشنرۍ مرستې ته اړتیا لري.
اعلامیه زیاتوي، چې د ملګرو ملتونو د کډوالو د عالي کمېشنرۍ مشر له پاکستانه غوښتي، چې د کډوالو په برخه کې باید نړۍوال قوانین مراعت کړي او دوی په یاده مساله کې د پاکستان له حکومت سره خبرې اترې پیل کړې دي.
نوموړي هیله څرګنده کړې ده، چې ښايي د پاکستان له حکومت سره د دوی روانې خبرې مثبته نتیجه ولري.
د ملګرو ملتونو د کډوالو د عالي کمېشنرۍ دغه چارواکي زیاته کړې، چې د طالبانو د کډوالو چارو وزارت او دغه کمېشنري باید د بېرته راستنېدونکو لپاره د مرستې رسولو لازم ترتیبات ونیسي.
په یاده اعلامیه کې ویل شوي چې، لیونارډ زولو د ستنیدونکو افغان کډوالو د ستنیدلو لپاره د یو ګډ پلان د ترتیبولو غوښتنه هم کړې ده.
د بښنې نړۍوال سازمان د بیا چهارشنبې په ورځ د پاکستان له حکومته وغوښتل، چې د افغان کډوالو "تاریخي ملاتړ" ته دوام ورکړي او له پاکستانه د هغوی د شړلو ګواښ عملي نهکړي.
دغه سازمان ویلي، چې په افغانستان کې به دغه کډوال د طالبانو له ځورونې سره مخامخ شي.
د سویلي اسیا په چارو کې د بښنې نړۍوال سازمان یوې مشرې نادیه رحمان ویلي؛ دغه سازمان د پاکستان له حکومته غواړي افغان کډوالو ته اجازه ورکړي، چې د وېستلو له وېرې پرته په برم او عزت سره په پاکستان کې ژوند وکړي.
د دغې تعهدنامې له مخې د مالیې وزارت هر کارکوونکی ژمنه کوي چې «خپل صورت او سیرت پر سنتو برابروي، د لمانځه لپاره جومات ته ځي، د دعوت او ارشاد ریاست اړوند درسونو ته حاضریږي.»
په دې تعهدنامه کې داسې نورې ژمنې هم یادې شوې دي.
افغانستان انټرنشنل ـ پښتو ته د طالبانو مالیې وزارت څخه یو مکتوب هم رسېدلی چې تېره اونۍـ میزان په ۷ مه - د دې وزارت د بشري منابعو ریس مولوي احمد شاه شاکر صادر کړی دی.
په دې مکتوب کې راغلي چې د مالیې وزارت په مرکز او ولایتونو کې ټول کارکوونکي باید د امر بالمعروف او نهې له منکر وزارت اړوند د دعوت او ارشاد ریاست یوه تعهدنامه لاسلیک کړي.
د طالبانو د مالیې وزارت اړوند پر مرکز سربېره د ولایتونو په شمول ټولو ادارو کې پر مامورینو د دې تعهدنامې لاسلیکول جبري شوي دي.
د طالبانو د امربالمعروف او نهې له منکر وزارت د دې ډلې تر کنټرول لاندې ټولو ادارو کې خپل یو مستقل ریاست جوړ کړی دی، چې په ورته تعهدنامو کې راغلې مادې تعقیب او عملي کوي.
طالبان واک ته له رسېدو راپدېخوا ورځ تر بلې پر خلکو محدیدیتونه زیاتوي.
