د بلوچستان د اطلاعاتو وزیر د ملایعقوب مجاهد څرګندونې د پاکستان په چارو کې لاسوهنه وبلله

دغه کاروبارونه تر هغې وروسته بند شول، چې پاکستاني حکومت د بهرنیو اسعارو په تېره بیا د ډالرو د زېرمه کولو او قاچاق په تور یوشمېر صرافان ونیول.

له یوې میاشتې وروسته لا هم د پېښور په چوک یادګار کې صرافان هره ورځ دغه مارکیټ ته ورځی او په دې تمه د خپلو تړلو هټیو مخې ته ناست وي، چې ګواکې حکومت به د دوی د کاروبار د بیا پیلېدا امر وکړي.

دغه صرافان وايي، چې که حکومت د بهرنیو اسعارو د زېرمه کولو او قاچاق د مخنیوي په کار کې هوډمن وي؛ نو ښه لاره یې دا ده چې خپلې پولې کنټرول کړي او دغلته د ډالرو د قاچاق مخه ونیسي، د دوی په وینا دا ښه لاره نه ده چې دوی نن سبا غوره کړې او سلګونه کسان یې بې روزګاره کړي دي.

دغه صرافان وايي، چې چوک یادګار سل کلنه مخینه لري او دغلته ټول صرافان حکومت ته کلنۍ مالیه او ټکس هم ورکوي، په دغه مارکېټ کې د صرافانو تر څنګ ګڼ نور سوداګریز شرکتونه هم شته، چې هغوی هم ورسره اغېزمن شوي دي.
د چوګ یادګار یو صراف چې نه غواړي نوم یې واخیستل شي افغانستان انټرنشنل ته یې وویل: موږ ته حکومت وايي، چې تاسې باید د سلګونه میلیونه کلدارو په بدل کې کاري جوازونه تر لاسه کړئ، چې نن سبا دغه کار د هیڅ یو صراف په توان کې نه شته او په ټول چوک یادګار کې هومره پیسې نه شته لکه څومره یې چې حکومت زموږ څخه د کاري جواز په توګه غوښتنه کوي.

په چوک یادګار کې د صرافانو تر څنګ ګڼ نور کسان چې زاړه نوټونه به یې له خلکو راټولول او بیا به یې بانکونه ته سپارل او سلګونه نور خلک یې له امله بې روزګاره شوي او له دغه حالته تر پوزې رسېدلي دي.

که څه هم د دغه بازار په تړلو سره په بازارونو کې د کلدارو ارزښت د ډالرو پر وړاندې یو څه ښه شوی؛ خو صرافان وايي چې حکومتي چارواکي نه د دوی د دغه کاروبار د قانوني کولو هڅه کوي او نه هم دوی ته د کاروبار اجازه ورکوي.

ښاغلي رحیمي وویل، چې په تېرو دوو کلونو کې یې له کابل څخه هېڅ هدایت، پیسې، معاش او یا کوم مصرف نه دی تر لاسه کړی.

د چهارشنبې په ورځ (د تلې په ۱۲مه) په هالنډ کې د افغانستان سفارت د لومړي ځل لپاره په یوې بیانیې کې تایید کړه، چې دغه سفارت په کابل کې د طالبانو د بهرنیو چارو له وزارت سره تعامل لري؛ دغې بیانیې پراخ غبرګونونه راوپارول او ډېرو خلکو دا له طالبانو سره د ښاغلي رحیمي د «معاملې» په معنا وګڼله.

په هالنډ کې د افغانستان سفیر محمد اصف رحیمي د پنجشنبې په ورځ (د تلې په ۱۳مه) له افغانستان انټرنشنل سره په ځانګړې مرکه کې د سفارت د دغه څرګندونې په اړه وضاحت ورکړ.

ښاغلي رحیمي وویل، چې د بهرنیو چارو له وزارت سره په هالنډ کې د افغانستان د سفارت خبرې اترې د پخواني حکومت له سقوط وروسته دوام لري او «دا کومه نوې خبره نه ده».

نوموړي د طالبانو د په رسمیت پېژندلو په اړه د افغانستان انټرنشنل خبریال د پوښتنې په ځواب کې وویل، چې سفارتونه د طالبانو د رسمیت پېژندلو او نه پېژندلو واک نه لري.

ښاغلي رحیمي په کابل کې د طالبانو د بهرنیو چارو وزارت ته په اشارې سره وویل: «هلته د افغانستان د بهرنیو چارو وزارت دی او موږ د قونسلګرۍ اسناد هملته لیږو. تاسو دې ته تعامل، مکاتبه، همغږي یا هر هغه څه چې نوم ورکوئ وریې کړئ.»

په هالنډ کې د افغانستان د سفارت د اعلامیې له خپرېدو وروسته د طالبانو د بهرنیو چارو وزارت د ویاند مرستیال ضیا احمد تکل پر اېکس ټولنیزې شبکې دغه بیانیه خپره کړه.

سرچینو افغانستان انټرنشنل ته ویلي، چې له طالبانو سره په یوځای کېدو سره ښاغلي رحیمي هڅه کړې د سفیر په توګه خپل کار تضمین کړي او په لویدیځ کې د افغانستان د نورو سفارتونو برعکس د طالبانو له حکومت څخه معاش او اسانتیاوې ترلاسه کړي.

په بهر کې د افغانستان سفارتونه او قونسلي نمایندګیانې، چې د پخواني افغان حکومت د ډېپلوماټانو تر کنټرول لاندې دي، په کابل کې د طالبانو د بهرنیو چارو وزارت څخه معاش یا نور خدمتونه نه ترلاسه کوي او د عاید سرچینه یې افغان مراجعینو ته د پاسپورټونو او د نکاح خطونو صادرول او نوي کول دي.

د هالنډ د بهرنیو چارو وزارت تر اوسه په لاهه کې د افغانستان د سفارت د برخلیک په اړه د افغانستان انټرنشنل پوښتنې ته ځواب نه دی ویلی.

اصف رحیمي د افغانستان د پخواني حکومت د بهرنیو چارو وزیر حنیف اتمر ته له نېږدې سیاسي څېرو څخه و، چې په تېر کې یې د هرات والي او د کرنې د وزیر په توګه کار کړی دی.

نوموړي دغه څرګندونې په پاکستان کې د سولې انسټیټیوټ ته په وینا کې کړې او زیاته کړې یې ده، چې پاکستاني طالبان د افغانستان په خاوره کې اوسیږي.

دراني له طالبانو غوښتنه کړې، چې په افغانستان کې دې د طالبانو پټنځي له منځه یوسي او د دغې ډلې فعالیتونه دې شنډ کړي.

هغه زیاته کړه، چې د پاکستاني طالبانو له خوا په سرحدي سیمو کې په بریدونو کې زیاتوالی راغلی او د دوی اکثره غړي په افغانستان کې اوسیږي.

درانی وايي: «په دې اړه خبرې روانې دي او زه نه شم کولی تر دې ډېر څه ووایم».

درانی وړاندې وايي، چې هیله مند دی هغه امن چې په افغانستان کې راغلی باید په پاکستان کې د امن سبب شي، نه دا چې دلته ناامني زیاته شي.

نوموړي همداراز ویلي دي ، کابل او اسلام اباد باید د خپلو خلکو ګټو ته په پام سره په ډېر احتیاط اقدامات وکړي.

د دراني په خبره، هره ورځ په نسبي ډول ۳۰ زره افغانان پاکستان ته راځي او دوی نه شي کولی، چې د دغو دوو ګاونډیو هېوادونو تر منځ اړیکې پرې کړي، نو دواړو لورو ته پکار ده چې په ډېر احتیاط له یو بل سره چلند وکړي.

نوموړی پر داسې مهال د ټي ټي پي د پټنځایونو او امریکايي وسلو ته د دغې ډلې د لاسرسي خبره کوي، چې روانه اونۍ پاکستان اعلان وکړ، چې په روان کال کې په دغه هېواد کې ۲۴ ځانمرګي بریدونه شوي، چې ۱۴ بریدګر یې افغانان وو؛ خو طالبانو بیا دا ادعاوې رد کړې دي.

د ای ار وای نیوز د راپور له مخې؛ پاکستان تر دې مخکې هم له افغانستان سره د ټرانزیټي سوداګرۍ د تړون له مخې د وارداتو د کنټرول لپاره پر یو شمېر وارداتي توکو ۱۰ سلنه تعرفه وضع کړې وه.

د پاکستان د ګمرکاتو د ادارې د اعلامیې له مخې؛ په دغو توکو کې هر ډول کیک او خواږه، چاکلیټ، بوټان، مختلف ماشینونه، پټو، د کور توکي او جامې شاملې دي.

د پاکستان رسمي سرچینو ای ار وای خبري شبکې ته ویلي، چې دغه هېواد افغانستان ته د توکو د لېږد له امله هر کال ۱۸۹ میلیارده روپۍ مالي زیان ویني.

پاکستان وايي، چې د مالي زیانونو د مخنیوي او د پانګونې د اسانتیا د عالي کمېټې په سپارښتنه یې افغانستان ته د لوکسو مالونو د قاچاق د مخنیوي لپاره نوې تګلاره جوړه کړې ده.

د پاکستان د سوداګرۍ وزارت د مکتوب له مخې؛ افغانستان ته د موټر ټایرونو، ټوکر، د سینګار توکي، کاشي او نورو توکو پر صادراتو بندیز لګول شوی دی.

خراسان ډیري خبري رسنۍ په پېښور کې د طالبانو د سرپرست قونسل په حواله خبر ورکړی، چې نوموړي د افغانستان لپاره د پاکستان له ځانګړي استازي اصف دراني سره د کډوالو او سوداګرۍ په اړه لیدنه کړې.

دغه لیدنه چې نن پنجشنبه (د تلې ۱۳مه) په پېښور کې شوې ده، د طالبانو قونسل له اصف دراني څخه په پاکستان کې د افغان کډوالو لپاره د ټاکل شوي ضرب الاحل د ځنډېدو غوښتنه کړې ده.

خبر زیاتوي، چې اصف دراني نوموړي ته ډاډ ورکړی، چې حکومت به یې د هغو خلکو پر وړاندې جدي اقدامات وکړي، کوم چې اسناد لرونکي افغانان ځوروي.

په خبر کې دا نه دي ویل شوي، چې پاکستان به د غیرقانوني کډوالو پر وړاندې له خپل تصمیم څخه تېریږي او که نه، خو د پاکستان د بهرنیو چارو وزارت ویاندې ویلي، چې د افغان کډوالو په هکله په دغه هېواد کې پالیسي نه ده بدله شوې.

ممتاز زهرا بلوڅ د پنجشنبې په ورځ خبریالانو ته وویل، چې اسلام اباد به د قانوني کډوالو نه، بلکې د بې قانونه کډوالو پر خلاف ګامونه پورته کوي.

بل خوا د طالبانو د بهرنیو چارو مرستیال وزیر عباس ستانکزي ویلي، چې دا مهال له پنځو میلیونو زیات کډوال په پاکستان کې ژوند کوي او په اسلام اباد کې له کډوالو سره کېدونکی چلند ورته د زغم وړ نه دی.

هغه زیاته کړه: “که زموږ مجاهدین نه وی، نو نن به پخوانی شوروي اتحاد په کراچۍ او ګوادر کې ولاړ و، موږ د خپل جهاد په واسطه نه تنها افغانستان ازاد کړی، موږ پاکستان ازاد کړی او موږ د منځنۍ اسیا پنځلس ملکونه ازاد کړي”.

نوموړی وايي؛ دوی ژمن دي چې په ګاونډ کې یې هر ډول امنیتي، سیاسي او اقتصادي ستونزې وي، دوی به یې د حل په برخه کې ورسره مرسته وکړي.

نوموړي پر پاکستان غږ کړی، چې پر دوی دې بې ځایه تورونه نه لګوي او د بندرونو د بندولو هڅې دې نه کوي.