د افغان سرې میاشتې چارواکي وايي، په هرات ولایت کې د زلزلې له امله د ځانې زیانونو شمېري کېدای شي تر دې هم لوړې شي، «ځکه د کشک، سیاه اب او سین جو کلي په ګډون څو نور کلي هم په بشپړ ډول ویجاړ شوي دي.»
د افغان سرې میاشتې د معلوماتو له مخې د هرات د زنده جان ولسوالۍ۱۲ کلي د زلزلې له امله یو مخ ویجاړ شوي۴۰۰ تنه وژل شوي او سلګونه نور ټپیان شوي دي.
افغان سرې میاشتې د یک شنبې په ورځ د (تلې ۱۶مه ) پر خپله ایکس پاڼه لیکلي، چې د یاد ولایت په زنده جان ولسوالی کې یې «تر خاورو لاندې د ژوندي پاته شویو کسانو د ژغورلو هڅې پیل کړي دي.»
همدارنګه دغه ټولنه وايي، زلزله ځپلې سیمې ته يې د درملو او اړینو توکو لیږدول هم پیل کړي.
د افغان سرې میاشتې ریاست وايي،«د هرات ولایت زنده جان ولسوالی ته د خیمو، ترپالونو، د اوبو د ذخیرې، کمپلو او خوراکي توکو بستو رسول هم پیل کړي دي.»
دوی اندیښنه لري چې چې د زلزلي له امله د وژل شویو کسانو شمېر کېدای شي نور هم لوړ شي چې په وينا یې تر اوسه په زلزله ځپلې سېمه کې د تر خاورو لاندې کسانو د ژغورلو عملیات لاندې بشپړ شوي.
تېره ورځ له غرمې مخکې د افغانستان په لویدیځ هرات ولایت کې د زلزلې څو پرله پسې ټکانون رامنځته شول چې امله یې ګڼ ځاني او مالي زیانونه اړولي دي.
