د افغانستان مرګونې زلزلې په تېرو ۳۰ کلونو کې

د طالبانو له طبیعي پېښو سره د مبارزې وزارت مخکې ویلي و چې د هرات په زنده جان ولسوالۍ کې- چې د پرونۍ زلزلې مرکز بلل شوی- ۲۰۵۳ کسان مړه او ۹۲۴۰ ټپیان شوي دي.

خو څو ګړۍ وروسته یې وویل د پرونۍ زلزلې د قربانیانو د ناسم فهرست د خپرولو له امله بښنه غواړي.

دغه وزارت وايي، د زلزلې د ټولو مړو او ټپیانو شمېر ۲۰۵۳ ته رسېږي او د زلزله ځپلو سیمو د وګړو شمېر ۹۲۴۰ ته رسېږي.

له دې سره بیا هم طالبانو د مړو او ټپیانو شمېر سره بېل کړی نه دی.

له دې سره په زنده جان کې ېو طالب چارواکی وايي، په څو کلیو کې تر زرو ډېر کسان مړه شوي دي.

د طالبانو د ریاست الوزار د دفتر کارمن او لیکوال محمد حسن حقیار هم- چې زنده جان کې زلزله ځپلو سیمو ته تللی- د ځايي خلکو هڅې ستايي، خو وايي، د طبیعي پېښو وزیر پرېږده چې ان ولسوال هم زلزله ځپلې سیمې ته نه دی تللی.

نوموړی وايي، په یوه سیمه کې پنځه کلي یو مخ نړېدلي، خو ځايي خلکو له پرون راهیسې یوازې د یوه کلي دریمه برخه سپړلې ده.

د زنده جان اوسېدونکي هم پر طالبانو نیوکه کوي چې تر کنډوالو لاندې کسانو د ژغورلو لپاره یې ټیمونه او وسیال کم دي.

د زنده جان اوسېدونکو هم افغانستان انټرنشنل ته ویلي چې په سوونو کسان لا هم تر خاورو لاندې دي او د مړو شمېر تر هغه ډېر دی چې رسمي اعلانېږي.

یو قومي مشر هم په یوه غږیز پیغام کې وايي، چې تر ۱۳ کلي یو مخ وران شوي دي او په عادي وسایلو د مړو او خاورو لاندې کسانو اېستل امکان نه لري.

نوموړی وايي، کله چې پرون سکواټر د خلکو پر اېستلو پیل وکړ خلکو پر ډبرو ویشت او ورته ویل به یې چې اول زما کسان را وباسه.

دغه کس زیاتوي: «که یوه اونۍ هم کار وشي دا شهیدان به ونه باسل شي. دا زلزله د غرمې مهال شوې چې د کلیو خلک په دغه مهال ډوډۍ خوري.»

له بلې خوا د بې پولې ډاکټرانو ادارې یو ډاکټر وايي، چې په زنده جان او رباط سنګي کې مکمل کلي وران شوي دي او ان د مرګ ژوبلې شمېر تر هغه څو برابر دی چې رسمي اعلانېږي.

نوموړی دا هم وايي چې ځینې کلیو ته لا هم ژغورونکي نه دي رسېدلي.

ملګرو ملتونو هم تر دې دمه د پرونۍ زلزلې د قربانیانو شمېر نه دی خپور کړی.

په دا مهال په هرات کې د طالبانو والی له درمل پلورو د درملو او له ځايي خلکو له زلزله ځپلو سره د مرستې غوښتنه کړې ده.

خو حماس څنګه ډله ده؟

حماس یا د اسلامي مقاومت غورځنګ په نوم ډله د فلسطین د انتفاضې یا پاڅون پر مهال پر ۱۹۸۷ کال جوړه شوه.

د ایران حکومت یې ملاتړ کوي او د اخوان المسلمین په څېر ایډیالوژي لري چې په ۱۹۲۰ کلونو کې په مصر کې پیل شوې ده.

حماس د فلسطین د ولسمشر او محمود عباس په مشرۍ له فتح غورځنګ سره تر لنډې کورنۍ جګړې وروسته له ۲۰۰۷ کال راهیسې پر غزه واکمن دی. فتح غورځنګ هم لوېدیځه غاړه کې واکمني لري.

حماس په ۲۰۰۶ کال کې په پارلماني ټاکنو ګټلو پسې پر غزه هم واکمن شو. حماس محمود عباس د حماس پرضد په دسیسه تورن کړ، خو عباس د حماس ولکه کودتا وبلله.

له هغه وروسته د دواړ ترمنځ څه مهال کورنۍ جګړه هم وشوه، چې بیا سره جوړ شول، خو ترې دې پېښې وروته ټاکنې هم نه دي شوې.

له هغه وخت راهیسې حماس له اسراییل سره ګڼې نښتې درلودلې دي؛ په داسې ډول چې حماس له غزې راکټي او توغندیز بریدونه کړي او اسراییل په ځواب کې پر غزه بمبار کړی دی.

حماس د اسراییل هېواد په رسمیت نه پېژني او د فتح یا فلسطین ازادیپال غورځنګ او تل ابیب ترمنځ د ۱۹۹۰ کلونو د اوسلو سولې خبرو هم سخت مخالف دی.

حماس وسلواله څانګه لري چې د عزالدین قسام کنډکونو په نوم یادېږي او وسلوال او ځانمرګي اسراییل ته د بریدونو لپاره لېږي. حماس خپلې دا هڅې د اسراییل د نېواک پرضد مقامات بولي.

د حماس د ۱۹۸۸ کال منشور د اسراییل د له منځه وړلو غوښتنه کوي، خو له دې سره د دې غورځنګ مشرانو کله کله د هودنا په نوم د اوږدمهالي اوربند وړاندیز کړی، خو په دې شرط چې اسراییل به د خپلواک فلسطین د جوړېدو لپاره د ۱۹۶۷ کال جګړه کې له نیولیو فلسطیني سیمو وځي. خو اسراییل دا یو چل بولي.

اسراییل، امریکا، اروپايي ټولنه، کاناډا، مصر او جاپان حماس ته د ترهګرې ډلې په سترګه ګوري.

حماس د ایران، سوریې او د لبنان د حزب الله ډلې په ګډون د هغه ایتلاف برخه دی چې په منځني ختیځ کې د امریکا او اسراییل د پالیسیو سخت مخالفت کوي.

که څه هم د حماس د واک او ځواک مرکز غزه ده، خو فلسطیني سیمو کې ملاتړي لري او مشران یې د قطر په ګډون د منځني ختیځ مختلفو سیمو کې تیت پرک دي.

د یک شنبې په ورځ د (تلې۱۶مه) د طالبانو د بهرنیو چارو وزارت په یوه خپره کړې خبرپاڼه لیکلي چې په لندن او ویانا کې د افغانساتان سفارتونه ته د کونسلي خدمتونو لپاره مراجعه کوونکي دغو سفارتونو ته نه ورځي.

په خبرپاڼه کې راغلي چې په دغو سفارتونو کې د روڼوالي نشت او طالبانو د بهرنیو چارو وزارت سره د نه همغږۍ له امله يې کونسلي خدمتونه «د پاسپورټ تمدید، د ویزو صادرول، د وثیقو او اسنادو تصدیق او صادورل د روانې تلې میاشتې له ۱۶ مې نیټې څخه تر بلې خبرتیا د اعتبار وړ نه بلل کیږي.»

دا په داسې حال کې ده چې څو ورځې وړاندې په هند کې د افغانستان د تېر جمهوري حکومت سفارت د طالبانو او هند هیواد له لوري د فشارونو له امله سفارت وتړل شو او بیا يې څو ورځې وروسته د بېرته پرانیستو خبر خپور شو.

د هرات زنده جان ولسوالۍ د وردګو کلي یو شمیر اوسیدونکو یکشنبې د ـ میزان ۱۶ مه ـ وویل، چې د پرونۍ زلزلې له ۲۴ ساعتونو تېرېدو وروسته تراوسه د طالبانو د ژغورنې ټیمونه لا هم کم دي او یو څو بلډزرونه تر خاورو لاندې مړي راوباسي.

د شنبې په ورځ د تلې په ۱۵مه د افغانستان شمال لوېدیځ د ۶،۳ درجې په کچه یوې زلزلې ولړزاوه. د امریکا د زلزلې مرکز ویلي چې د دې زلزلې مرکز د هرات ولایت زنده جان ولسوالي وه. په همدې اساس په دغه ولسوالۍ کې تر نورو سیمو ځاني او مالي تاوان هم ډېر دی.

د زنده جان د وردګو کلي اوسیدونکي ارین امیني افغانستان انټرنشنل ـ پښتو وویل: «د طالبانو د ژغورنې ټیمونه په صفر برابر دي او بې وسه دي. زلزلې زیاته تباهي کړې ده، زرګونه مړي تر خاورو لاندې دي. »

ده زیاته کړه چې زلزله ځپلو ته د مرستو رسولو او تر خاورو لاندې کسانو د راباسلو لپاره د نړۍ ژغورنډلو او مرستو ته اړتیا ده.

د دې کلي بل اوسیدونکی په وېډیويي پېغام کې پر خلکو غږ کوي چې دغه کلي ته دې ورشي او تر خاورو د لاندې کسانو او مړیو په اېستلو کې دې مرسته وکړي.

یو شمیر زلزله ځپلي وايي د تیرې ورځې زلزلې بشري ناورین رامنځته کړی دی، د هرات مرکزي روغتون مرده خانه له مړو ډکه شوې ده او نور ځای نشته.

دوی زیاتوي که د ژغورنې ټیمونو کمښت همداسې دوام وکړي، تر خاورو لاندې کسانو اېستل به څو اوونۍ وخت ونیسي او د مړو شمېر به لا ډېر شي.

یوه وېډیو چې په ټولنیزو رسنیو کې لاس په لاس کیږي، د زنده جان ولسوالۍ یو اوسیدونکی پکې په چېغو ژاړي او د ناچارۍ له امله خاورې په سر بادوي وايي د کورنۍ څوارلس غړي یې تر خاورو لاندې او ورک دي.

د زنده جان ولسوالۍ په کوشکک کلي کې یو طالب چارواکی وايي د زلزلې له امله ټول کلی وېجاړ شوی دی.

دی زیاتوي په دغه کلي کې څلور سوه کسان اوس هم تر خاورو لاندې دي.

د هغه په خبره، په دغه سیمه کې څو کلي په مکمل ډول وېجاړ شوي دي.

خو په دغه وېډیو کې داسې څه نه تر سترګو کیږي چې د ژغورنې ټیم رسیدلی او هلته تر خاورو لاندې کسانو په اېستو کې مصروف وي.

د طالبانو د طبیعي پېښو پر وړاندې د مبارزې وزارت ویاند خبري ناسته کې وویل، چې په هرات کې د شنبې د ورځې د زلزلې له امله د مړو شمېر دوه زره او ۵۳ ته رسېدلی دی.

ملا جانان سایق زیاته کړه په دغه زلزله کې څه باندې ۹ زره نور کسان ټپیان شوي او شاوخوا ۱۳۲۹ کورونه لږ یا بشپړ ویجاړ شوي دي.

طالبانو په هرات کې د زلزلې د زیانونو بېلابېلې شمیرې وړاندې کړې دي.

هغه زیاته کړه چې هېڅ یو افغان د مستۍ او هواخورۍ له پاره دلته نه دی راغلی، بلکې د هغه په خبره په هېواد کې ېې ترینګلیو حالاتو دې ته اړ ایستي چې دلته پناه راوړي. او دا نړیوال قانون دی چې په دغسې ترینګلیو حالاتو کې هېوادونه باید مصیبت ځپلو ته په خپله خاوره کې پناه ورکړي او د هغوی پالنه او ساتنه په غاړه واخلي.

ښاغلي اڅکزي دا هم وویل چې په تېرو څلورو لسیزو کې افغانانو د پاکستان په پرمختګ او بیا ابادولو کېولو کې رغنده ونډه لرلې ده او له دغه واقیعته هیڅ حکومتي چارواکی او پاکستاني وګړي سترګې نه شي پټولای.

ښاغلي اڅکزي د پاکستان پولیسو او امنتیتي ځواکونو ته ګوت څنډنه وکړه چې له دې وروسته، دوی به هیچا ته اجازه ورنکړی چې د شپې له خوا په هره پلمه چې وي، د چا پر کور ورواوړي او یا هلته د پلټنو په نوم هغه څه ترسره کړي چې د انساني، اسلامي او پښتني کلتور سره په ټکر کې دي.

ښاغلي اڅکزي د افغانستان او باکستان تر منځ د ترینګلي او کړکیچن رامنځته شوي حالت د کابو کولو په چاره کې له چین څخه وغوښتل چې د یو ګاونډي منځګړي په توګه د دواړو هېوادونو د چارواکو تر منځ روغې جوړې ته لاره پیدا کړي.
د محمود خان اڅکزي دغه خبرې داسې مهال مخې ته راځي، چې پاکستاني پولیسو د دغه هېواد په بېلابېلو ښارونو کې د افغانانو د نیونې او بندیانولو لړۍ پیل کړې، او همدغه پرون یې هم د کویټې په ښار کې لسګونه افغان کډوال ونیول، اسناد یې ورڅیرې کړل، او د زندانونو د تورو تمبو شاته یې واستول.

پاکستانی چارواکي پر افغانانو تور پورې کوي، چې ګواکې دغلته په ترهګریزو پېښو کې ښکېل دي، خو افغان کډوال وایي چې هغوی د ترهګرۍ د ظلمونو او وحشت له لاسه خپل کور کلی پرې ایښی او دغلته یې پناه اخیستې ده، چې تر ډېره په پاکستان کې سیاستوال او نورې سیاسي کړۍ هم ورته خبره کوي.
دا رنګه په افغانستان کې طالب چارواکو او د پاکسیتاني طالبانو ټي ټي پي هم دا خبره په وار، وار غبرګه کړې چې د سیاسي او پوځي ستونزو زور دې د کډوالو افغانانو نه ایستل کیږي او افغان کډوال په دغسې پېښو کې ښکېل نه دي.