د فلسطین د روغتیا وزارت اعلان وکړ چې د غزې په تړانګه کې د اسراییلو په ځوابي بریدونو کې لږ تر لږه ۲۳۲ تنه وژل شوي. دغه وزارت د ټپيانو شمېر ۱۶۰۰ تنه ښودلی. تېره ورځ د فلسطین حماس ډلې پر اسراييلو بې شمېره توغندي ورولي و.
په اسرائیلو کې هم د حماس د بریدونو له امله د وژل شویو شمېر ۳۰۰ تنو ته رسېدلی او سلګونه نور ټپیان شوي دي.
حماس ډلې د شنبې په ورځ (د تلې۱۵مه) سهار وختي د اسرائیلو پر ښارونو زرګونه توغندي وتوغول.
د حماس یوه جګپوړي قوماندان محمد ضعیف دغه ګام د «القصی توپان» عملیاتو پیل وباله او ویې ویل چې حماس پر اسرائیلو پنځه زره توغندي توغولي دي.
د اسرائیلو پوځ ویلي، چې حماس پر دغه هېواد څه باندې دوه زره او۲۰۰ توغندي توغولي دي.
پر اسراییلو دغه ناڅاپي برید چې "بې مخینې" بلل شوی، د غزې په تړانګه کې د اسراییلي امنیتي ځواکونو د غچ اخیستونکو بریدونو لامل شو.
اسرائیلي پوځ ویلي، چې د دوی ځواکونو د غزېپه لسګونو ځایونو کې د حماس پر مرکزونو بریدونه کړي دي.
د اسراییلو لومړي وزیر بنیامین نتنیاهو اعلان وکړ چې هیواد یې په «جګړه کې»دی او دوی به يې «ګټي»هغه خبرداری ورکړ چې «شمان» به د دې برید لپاره «بې ساری پور» پرې کړي.
پر اسرائیلو د حماس ناڅاپي برید د اسرائیلو د استخباراتي ادارو د وړتیاوو او فعالیت په اړه هم پوښتنې راپورته کړې دي.
د امريکا په ګډون يو شمېر لوېديځو هېوادونو د حماس دغه بريد غندلى او له اسرائيلو يې خپل ملاتړ اعلان کړى دى.
