پر غزې د اسرائیلو په غچ اخیستونکو بریدونو کې د وژل شویو فلسطینیانو شمېر ۲۳۲ تنو ته ورسېد

جو بایډن په ایکس پاڼه لیکلي: «د حماس ترهګر نه یوازې اسرائیلي پوځیان وژني، بلکې ملکي خلک هم په کوڅو او کورونو کې په نښه کوي.»

جو بایډن د اسراییلي ولسي وګړو وژل "غیر اخلاقي" بللي او ویلي یې دي چې نړۍ ډارونکي انځورونه ویني.

د وروستیو راپورونو له مخې، په فلسطین کې د حماس وسله والو د راکټي بریدونو په پایله کې تر ۲۰۰ډېر اسراییلیان وژلي او ۱۱۰۰ نور يې ټپیان کړي.

د حماس روغتیايي چارواکو هم ویلي چې د اسرائیلو په ځوابي بریدونو کې تر ۲۳۰ډېر فلسطینیان وژل شوي او تر ۱۶۰۰ډېر ټپیان شوي دي.

د امریکا ولسمشر او د اسرائیلو لومړي وزیر هم د شنبې په ورځ ټلیفوني خبرې وکړې.

په ورته وخت کې د امریکا د بهرنیو چارو وزارت اعلان کړی چې انتوني بلینکن د فلسطیني ادارې له مشر محمود عباس سره په ټیلیفوني خبرو کې پر اسرائیلو باندې د حماس د بریدونو د غندلو ترڅنګ له هغه غوښتي چې په لویدیځه غاړه کې د سولې او ثبات د ټینګښت لپاره ګامونه واخلي.

د اسراییلو د لومړي وزیر دفتر اعلان وکړ چې جوبایډن له بنیامین نتنیاهو سره په ټیلیفوني خبرو کې ویلي چې متحده ایالات د اسراییلو تر څنګ ولاړ دي او د اسراییلو د دفاع د حق ملاتړ کوي.

د فلسطین روغتیايي چارواکو هم ویلي، چې د اسراییل په ځوابي بریدونو کې شاوخوا ۲۰۰ فلسطینیان وژل شوي او تر ۱۶۰۰ ډېر ټپیان شوي دي.

د اسراییل ځوابي برید د حماس له راکټي حملې وروسته پیل شو.

حماس وايي، د شنبې په ورځ یې له پنځو زرو ډېر راکټونه د اسراییل سوېل ته توغولي دی.

د طالبانو د بهرنیو چارو وزارت د شنبې په ورځ -د تلې په ۱۵مه- په یوه بیان کې له اسلامي هېوادونو، د اسلامي همکاریو له سازمان، نړیوالې ټولنې او د سیمې له اغېزناکو هېوادونو غوښتي چې «د فلسطین د مسئلې د حل لپاره دې د فلسطینیانو د مشروع حقونو د ورکړې په برخه کې لاس په کار شي.»

حماس د شنبې په سهار اسراییل ته سلګونه توغندي وتوغول چې په وروستیو کلونو کې پر اسراییلو تر ټولو خونړی برید بلل شوی دی.

طالبانو په دې اعلامیه کې «د دغسې پېښو رامنځ ته کیدل د صهیونیستي اسراییلیانو له خوا د فلسطیني مظلوم ولس د حقونو تر پښو لاندې کول او د مسلمانانو د مقدسو اماکنو په مکرر ډول اهانت او بې احترامي» بللې ده.

د اسراييل د ژغورنې ملي سرویس ويلي، چې د حماس په راکټي بريدونو کې لږ تر لږه ۴۰ کسان وژل شوي او ۵۶۱ نور ټپيان دي. په ټپیانو کې د ۷۷ تنو حالت نازک ښودل شوی دی.

د حماس د راکټي بریدونو په غبرګون کې، اسراییلي پوځ عملیات پیل کړل چې له امله یې لسګونو کسانو ته مرګ ژوبله واوښته.

د فلسطین د روغتیا وزارت تایید کړه، چې د غزې په تړانګه کې د اسراییل په بمباریو کې ۱۶۱ کسان وژل شوي او۹۳۱ نور ټپیان دي.

یوې پوځي سرچینې اسراییل ټایمز ته ویلي چې جنګي الوتکو تر اوسه له ۱۶ ڼنو زیات مهمات غورځولي دي.

همداراز، وروستی شمېر ښيي چې پر اسراییل د حماس راکټي او ځمکني برید کې لږ تر لږه ۴۰ تنه وژل شوي او ۷۴۰ نور ټپیان شوي دي.

فلسطینۍ ډلې حماس د شنبې په ورځ ناڅاپه د اسراییل پر سویل د توغندیو باران پیل کړ، چې وروستیو کلونو کې بې مخینې بلل کېږي.

حماس وايي، په دې برید کې پنځه زره توغندي د اسراییل لور ته توغولي او «دوښمن مرکزونه، هوایي ډګرونه او نظامي ځایونه» یې په نښه کړي دي.

د دې ډلې یوه قومندان محمد ضیف ویلي چې د الاقصا توپان عملیات پیل شوي دي

تلګراف د اسراییلي رسنيو په حواله ویلي چې حماس ۳۵ اسراییل هم یرغمل کړي دي.

د اسراییل لومړي وزیر بنیامین نتن یاهو له امنیتي چارواکو سره بېړنۍ غونډه کې کړې ده.

هغه یوه پیغام کې ویلي، «موږ په جنګ کې یو او بریالي به شو.دوښمن به د دې برید درنه بیه ور کړي.»

اسراییل ټایمز ته یوې امنیتي سرچینې ویلي چې د حماس پرضد عملیاتو کې یې الوتکې هم برخه لري.

اناتولي خبری اژانس وايي، د اسراییل بریدونو کې څلور فلسطنیان هم وژل شوي دي.