د فلسطین روغتیا وزارت: د اسراییل په هوايي بریدونو کې ۱۶۱ تنه وژل شوي او ۹۳۱ نور ټپیان دي

فلسطینۍ ډلې حماس د شنبې په ورځ ناڅاپه د اسراییل پر سویل د توغندیو باران پیل کړ، چې وروستیو کلونو کې بې مخینې بلل کېږي.

حماس وايي، په دې برید کې پنځه زره توغندي د اسراییل لور ته توغولي او «دوښمن مرکزونه، هوایي ډګرونه او نظامي ځایونه» یې په نښه کړي دي.

د دې ډلې یوه قومندان محمد ضیف ویلي چې د الاقصا توپان عملیات پیل شوي دي

تلګراف د اسراییلي رسنيو په حواله ویلي چې حماس ۳۵ اسراییل هم یرغمل کړي دي.

د اسراییل لومړي وزیر بنیامین نتن یاهو له امنیتي چارواکو سره بېړنۍ غونډه کې کړې ده.

هغه یوه پیغام کې ویلي، «موږ په جنګ کې یو او بریالي به شو.دوښمن به د دې برید درنه بیه ور کړي.»

اسراییل ټایمز ته یوې امنیتي سرچینې ویلي چې د حماس پرضد عملیاتو کې یې الوتکې هم برخه لري.

اناتولي خبری اژانس وايي، د اسراییل بریدونو کې څلور فلسطنیان هم وژل شوي دي.

دا له پنځوسو کلونو ډېر وخت کې په دغه سیمه کې تر ټولو بده طبیعي پېښه بلل کېږي.

د هند په سیکیم ایالت کې لوناک ډنډ له څنډو پروناوبه روانې او د لوی سیلاب لامل شوې.

د چارواکو په وینا په سیکیم ایالت کې چې د طبیعي منظرو له مخې د سیل لپاره په زړه پورې ځای دی، د دې پېښې له امله د نږدې ۲۲ زره کسانو ژوند اغیزمن شوی دی.

دا د سوېلي اسیا غرونو کې د اقلیمي بدلون له امله تر ټولو مرګونې پېښه ده.

له دغې پېښې درې میاشتې وړاندې د اقبالیه ښاروال میکاییل سلماني د افغان کډوالو شتون "امنیت او روغتیا ته ګواښ" بللی و.

ښاغلي سلماني د روان کال د سرطان د میاشتې په ۱۸ مه په یوه خبري غونډه کې وویل: «موږ د افغانانو (بهرنیو کډوالو) د شتون په اړه رسمي شمېر نه لرو، خو د غیر رسمي شمېر له مخې له ۱۴څخه تر ۱۵ زره افغان کډوال په اقبالیه کې استوګن دي.»

داسلامی جمهوریت دغه ځایي چارواکي زیاته کړه: «هغه روغتیایي او امنیتي ګواښونه چې (افغان کډوال) یې لري د ولایت مقام سیاسی مرستیال او دملکي خلکو عمومی ادارې ته منعکس شوي دي.»

د اسلامي جمهوريت د اصلاح طلب ورځپاڼې په شمول ځینې ایراني ورځپانو په پرله پسې ډول په ایران کې د افغان مهاجرینو د حضور د زیاتیدو په اړه مطالب لیکلي، او هغه یې د هلمند پر سیند د ایران د حقابې سره تړلي او هڅه یې کړې چې د افغان کډوالو شتون د امنیت پر ضد ښکاره کړي.

داسې انديښنه شته چې د افغان مهاجرينو په اړه د چارواکو او رسنيو څرګندونې به د مهاجرينو په وړاندې د عامو خلکو احساسات راوپاروي او پر وړاندې به يې تاوتريخوالی زيات شي.

هغه له شیرین عبادي وروسته دویمه ایراني ټبره مېرمن ده، چې دغه جایزه خپلوي، تر دې وړاندې شیرین عبادي په ۲۰۰۲ کال کې دغه جایزه ګټلې وه.

نرگس محمدي په تېرو کلنو کې څو، څو ځلې د بېلابېلو لاملونو له امله نیول شوې، بندۍ شوې او ربړول شوې ده.

هغه د وروستي ځل لپاره په ۱۴۰۰ کال کې زنداني شوه، چې تر اوسه د اوین په زندان کې بندي ده.

د بشري حقونو دغه فعاله چې د حجاب سره مخالفه وه، یو ځل یې د زندان د چارواکو پر وړاندې د هغوی له‌خوا وهل شوې، ټپي شوې او ربړول شوې هم وه.

هغې ته د سولې د نوبل جایزه داسې مهال ورکړل کېږي، چې پخوا یې هم نوم دغه جایزې ته نومول شوې وه.

د سولې د نوبل جایزې ته د بشري حقونو د افغانې فعالې محبوبه سراج نوم هم دغه نوملړ کې شامل شوی و.

د دغې جایزې ګټونکې ته یو میلیون ډالره نغدې پیسې هم ورکول کېږي، چې په بشري چارو کې یې ولګوي.

دغه کاروبارونه تر هغې وروسته بند شول، چې پاکستاني حکومت د بهرنیو اسعارو په تېره بیا د ډالرو د زېرمه کولو او قاچاق په تور یوشمېر صرافان ونیول.

له یوې میاشتې وروسته لا هم د پېښور په چوک یادګار کې صرافان هره ورځ دغه مارکیټ ته ورځی او په دې تمه د خپلو تړلو هټیو مخې ته ناست وي، چې ګواکې حکومت به د دوی د کاروبار د بیا پیلېدا امر وکړي.

دغه صرافان وايي، چې که حکومت د بهرنیو اسعارو د زېرمه کولو او قاچاق د مخنیوي په کار کې هوډمن وي؛ نو ښه لاره یې دا ده چې خپلې پولې کنټرول کړي او دغلته د ډالرو د قاچاق مخه ونیسي، د دوی په وینا دا ښه لاره نه ده چې دوی نن سبا غوره کړې او سلګونه کسان یې بې روزګاره کړي دي.

دغه صرافان وايي، چې چوک یادګار سل کلنه مخینه لري او دغلته ټول صرافان حکومت ته کلنۍ مالیه او ټکس هم ورکوي، په دغه مارکېټ کې د صرافانو تر څنګ ګڼ نور سوداګریز شرکتونه هم شته، چې هغوی هم ورسره اغېزمن شوي دي.
د چوګ یادګار یو صراف چې نه غواړي نوم یې واخیستل شي افغانستان انټرنشنل ته یې وویل: موږ ته حکومت وايي، چې تاسې باید د سلګونه میلیونه کلدارو په بدل کې کاري جوازونه تر لاسه کړئ، چې نن سبا دغه کار د هیڅ یو صراف په توان کې نه شته او په ټول چوک یادګار کې هومره پیسې نه شته لکه څومره یې چې حکومت زموږ څخه د کاري جواز په توګه غوښتنه کوي.

په چوک یادګار کې د صرافانو تر څنګ ګڼ نور کسان چې زاړه نوټونه به یې له خلکو راټولول او بیا به یې بانکونه ته سپارل او سلګونه نور خلک یې له امله بې روزګاره شوي او له دغه حالته تر پوزې رسېدلي دي.

که څه هم د دغه بازار په تړلو سره په بازارونو کې د کلدارو ارزښت د ډالرو پر وړاندې یو څه ښه شوی؛ خو صرافان وايي چې حکومتي چارواکي نه د دوی د دغه کاروبار د قانوني کولو هڅه کوي او نه هم دوی ته د کاروبار اجازه ورکوي.