د هارورډ پوهنتون یوې ښځینه استادې د ۲۰۲۳ کال د اقتصاد په برخه کې د نوبل جایزه وګټله

د امنیت شورا د بندو دروازو ترشاه غونډه (د مېزان په ۱۶مه) د مالتا هېواد په غوښتنه جوړه شوه.

د اسراییل د روغتیا وزارت وايي، په دغه هېواد کې د حماس په بریدونو کې لږ تر لږه ۷۰۰ اسراییلیان وژل شوي او ۲۳۸۲ نور ټپیان شوي دي.

د دغه راپور له مخې؛ په ټپيانو کې د ۲۲ تنو روغتیايي حالت نازک دی.

پر غزې د اسراییل په بریدونو کې ۴۹۳ کسان وژل شوي او ۲۷۵۰ نور ټپیان شوي دي.

په ملګرو ملتونو کې د امریکا د استازي مرستیال رابرټ ووډ ویلي، چې د امنیت شورا یو شمېر غړو د حماس دغه بریدونه غندلي دي.

هغه زیاته کړه، چې رسنۍ کولای شي د کوم یوه هېواد نوم واخلي چې دغه بریدونه یې نه دي غندلي.

د راپورونو له مخې؛ د دغه امریکايي ډېپلوماټ د نیوکې هدف روسیه وه.

د ووډ په وینا؛ امریکا غوښتنه کړې وه، چې د امنیت شورا ټول پنځلس غړي دې پر اسراییل د حماس بریدونه وغندي، خو داسې ونه شول.

په ورته وخت کې په ملګرو ملتونو کې د روسیې استازي واسیلي نبنزیا اسوشیټیډ پرېس ته ویلي، د واشنګټن دا ادعا چې روسیې د حماس بریدونه نه دي غندلي، حقیقت نه لري.

هغه وویل، چې د روسیې دریځ دا دی چې سمدستي شخړه ودروي، اوربند وکړي او د دواړو خواوو ترمنځ خبرې پیل کړي.

په ملګرو ملتونو کې د چین استازي ژانګ جون هم د حماس د نوم له اخیستو پرته ویلي چې بیجینګ پر ولسي وګړو برید غندي.

د هغه په ​​وينا؛ هغه څه چې اوس مهم دي د وضعيت د خرابېدو او د ملکي تلفاتو د زياتېدو مخنيوى دى.

په همدې حال کې رویټرز د دوشنبې په ورځ (د میران۱۷مه) راپور ورکړ، چې د امریکا مشهور سناتور چاک شومر په بیجینګ کې د چین د بهرنیو چارو له وزیر وانګ یي سره په کتنه کې وویل، چې د حماس د حملې په اړه د چین له دریځه مایوسه شوی دی.

شومر پر بیجینګ غږ وکړ، چې د اسراییل تر څنګ ودرېږي او د حماس له خوا «بزدلانه او وحشي» بریدونه وغندي.

تاس خبري اژانس د دوشنبې په ورځ (د میزان ۱۷ مه) راپور ورکړی، چې ښاغلي لاوروف ویلي چې نه یوازې دا چې باید جګړه سمدستي ودروي، بلکې د ولسي خلکو ستونزه هم باید حل شي.

د روسیې د بهرنیو چارو وزارت ویاندې ماریا زاخارووا مخکې اعلان وکړ، چې مسکو د جګړې له ښکېلو غاړو غوښتي چې سمدستي اوربند وکړي او له تاوتریخوالي لاس واخلي.

هغه همداراز له حماس او اسراییل وغوښتل، چې په سیمه کې د اوږد مهاله او هراړخیزې سولې د رامنځته کولو لپاره د خبرو اترو بهیر پیل کړي.

د حماس او اسراییل ترمنځ سختې جګړې د نړۍ د مشرانو ترمنځ پراخ غبرګونونه راپارولي دي.

د اسراییل د روغتیا وزارت اعلان کړی، چې په دغه هېواد کې د حماس په بریدونو کې لږ تر لږه ۷۰۰ اسراییلیان وژل شوي او ۲۳۸۲ نور ټپیان شوي دي.

د دغه راپور له مخې؛ ۲۲ تنه سخت ټپیان شوي دي.

پر غزې د اسراییل په بریدونو کې ۴۹۳ تنه وژل شوي او ۲۷۵۰ تنه ټپیان شوي دي.

د اسراییل پوځ تایید کړې، چې له غزې تړانګې سره د دغه هېواد پولې ته څېرمه د اسراییل په اوو یا اتو نقطو کې له حماس سره جګړه روانه ده.

د اسراییل د پوځ یوه ویاند هیله څرګنده کړې، چې د دوشنبې په ورځ تر میزان ۱۷ مې نیټې پورې به د دغه هیواد پوځ د دغو ټولو سیمو بشپړ کنټرول په لاس کې واخلي.

راپورونه وايي، چې د حماس ځواکونه اوس هم هڅه کوي چې د ځمکې له لارې اسراییل ته ننوځي.

د حماس پوځي څانګې، ګردان عزالدین قسام په یوې بیانیه کې ویلي چې، «پر اسراییل د دوی راکټي بریدونه، د ولسي وګړو د کورونو په وړاندې د جرمونو په ځواب کې دی.»

بن ګوریون د اسراییل تر ټولو لوی نړیوال هوايي ډګر دی.

د حماس د بریدونو له پیل وروسته، لویو هوايي شرکتونو اسراییل ته خپلې الوتنې ځنډولې دي.

هغه وویل چې د ایران د "نیابتي ډلو" لخوا د برید په صورت کې اسراییل او امریکا باید د ایران د تیلو د زیرمو ته لاس ور وغځوي.

ښاغلي ګراهام د یکشنبې په ورځ په اېکس پاڼه لیکلی چې، «ایران د حزب الله اصلي ملاتړی دی؛ هغه شیعه ترهګره ډله چې له لبنان څخه یې د اسراییل پر لور لسګونه توغندي توغولي دي.»

هغه زیاته کړه چې د حزب الله او نورو ایراني نیابتي ډلو لخوا برید به د اسراییلو دفاعي سیسټم لپاره ویجاړونکی وي.

تهران په ځلونو د حماس او د لبنان د حزب الله په څېر د وسله والوډلو څخه خپل ملاتړ اعلان کړی او له فلسطیني "مقاومت" ډلو یې غوښتي چې د اسراییل په وړاندې خپل بریدونه زیات کړي.

دغه امریکايي جمهوريت غوښتونکي سناتور خبرداری ورکړ چې که دا ډول برید وشي، نو اسراییل او امریکا باید د ایران د اقتصاد برخه، یعنې د ایران د تیلو زیرمې او د تېلو د چاڼ خونې له منځه یوسي.

هغه په ​​کلکه خبرداری ورکړ چې د ایران «تروریستي رژیم» به په سیمه او نړۍ کې د ټولو بدلونونو او ورانیو بیه پرې کړي.