په کابل کې د طالبانو والي: اسراییل به ډېر ژر د نړۍ له نقشې ورک شي

د سې شنبې په ورځ (د میزان ۱۸مه) سعودي عربستان د بهرنیو چارو وزارت په یوه خبرپاڼه کې د محمد بن سلمان له قوله لیکلي، چې هېواد یې د فلسطین د خلکو تر څنګ ولاړ دی، چې د هغوی د حقونو، عزت او دایمي سولې او پر امنه ژوند د ترلاسه کولو لپاره هڅې وکړي.

محمد بن سلمان همداراز محمود عباس ته د حماس او اسراييل تر منځ له جګړې وروسته مخ په خرابېدو وضعیت د ملکیانو ژوند او د سیمې امنیت او ثبات ته ګواښ بللی دی.

دسعودي عربستان ولیعهد زیاته کړه، چې هېواد یې له نړۍوالو او سیمه ییزو خواو سره د اړیکو د ټینګولو او په سیمه کې د تاوتریخوالي د کمولو او د هغې د خپرېدو د مخنیوي لپاره هر اړخیزې هڅې کوي .

محمد بن سلمان همداراز د نړۍوالو بشردوستانه قوانینو د رعایتولو او د ملکیانو په نښه کولو څخه د مخنیوی پر اهمیت ټینګار کړی دی.

د سعودي عربستان د بهرنیو چارو د وزارت په خبرپاڼه کې راغلي دي، چې د فلسطیني ادارې مشر هم د سعودي عربستان د «متوقع دریځونو» او «د فلسطین د خلکو تر څنګ د درېدو» ستاینه کړې ده.

د وروستیو شمېرو له مخې؛ د حماس او اسراییلو ترمنځ په جګړو کې تر ۹۰۰ ډېر اسراییلیان او ۷۰۴ فلسطینیان وژل شوي دي.

پر اسراييل د حماس ډلې برید په داسې حال کې شوی، چې د دغه هېواد او سعودي عربستان ترمنځ د اړیکو د عادي کولو هڅې روانې دي.

امربالمعروف وزارت د پالیسۍ معین محمد فقیر محمدي په غونډه کې د خپلې وینا پر مهال وویل: «فدایانو قربانۍ ورکړي دي، ښځو فدایانو قربانۍ ورکړې او دا نظام مو لاس ته راوړی، او اوس یې باید په ګډه ساتنه وکړو.»

یاده غونډه په داسې مهال جوړه شوې چې په هرات کې د زلزلې له امله انساني ناورین رامنځته شوی.

د طالبانو د امربالمعروف وزارت په دغه غونډه کې د کابل لپاره د طالبانو والي محمد قاسم خالد له فلسطین څخه خپل ملاتړ اعلان کړ.

همدارنګه نوموړي په پاکستان او ایران کې د افغان کډوالو ستونزو ته په اشارې د یادو هیوادونو حکومتونه اسراییل پرسته هیوادونه وبلل.

په دغې غونډه کې د کابل د پیشه ورانو او کسبګرو خونې، د زرګرانو ټولنې او د خصوصې سکتور د نورو ټولنو مشرانو ویناوې وکړې.

دوی د امربالمعروف له لوري په جوړه شوې غونډه کې د طالبانو له حکومته ملاتړ اعلان کړ او په هرات ولایت کې د زلزله ځپلو سره یې د مرستو ژمنې وکړې.

د یادې غونډې پر مهال د طالبانو امربالمعروف سرپرست محمد خالد حنفي د خپلې وینا پر مهال وویل، «د اسلامي نظام ساتنه فرض عین ده، د دیني عالمانو، متنفذینو او د ټولنې مخورو مسولیت دی چې د اسلامي نظام ساتنه وکړي.»

د طالبانو دغه چارواکي له دیني عالمانو وغوښتل چې د دغې ډلې د اصلاح لپاره سلا مشورې ورکړې.

د طالبانو د امربالمعروف وزارت له لوري یاده غونډه په داسې مهال جوړیږي چې په هرات ولایت کې د زلزلې له امله انساني ناورین رامنځه شوی دی.

یو شمېر شنونکي وايي، طالبان د داسې غونډو په جوړولو سره هڅه کوي چې کورنی مشروعیت ترلاسه کړي خو طالبان تر اوسه پر خپلو دغه شان هڅو کې نه دي بریالي شوي.

اوچا د یوې خبرپاڼې په خپرولو سره ویلي چې، د اټکل له مخې تر دې دمه د هرات ولایت په پنځو ولسوالیو کې د زلزلې له امله ۱۲۱۱۰ کسان (۱۷۳۰ کورنۍ) اغیزمن شوي دي.

د خبرپاڼې له مخې، د دې ولایت په ګلران ولسوالۍ کې ۹۵ کورنۍ، په انجیل کې ۱۵۰ کورنۍ، رباط سنګي کې ۳۰ کورنۍ او زنده جان ولسوالۍ کې ۱۳۹۵ کورنۍ زیانمنې شوي او د اټکل له مخې د اغیزمنو کورنیو شمېر به تر دې هم لوړ شي.

د زلزلې مرکز زنده جان ولسوالۍ تر ټولو زیاته ځپل شوې سیمه ده چې ۱۲۹۴ تنه مړه شوي، ۱۶۸۸ ټپیان شوي او سل په سلو کې کورونه ویجاړ شوي دي.

د اوچا د نویو شمیرو له مخې په دې پیښه کې تراوسه ۴۸۵ کسان (۱۹۱ نارینه او ۲۹۴ ښځې) ورک دي.

په دغه پیښه کې د شپږو ښوونځیو د ویجاړیدو راپور هم ورکړل شوی دی.

د راپور په حواله، په لومړیتوبونو کې بیړنۍ سرپناوې لکه خیمې او همدارنګه د ژمي په وړاندې د اوږدې مودې لپاره غیر خوراکي توکي لکه ترپالونه، کمپلې، جامې، او داسې نور اړین توکي شامل دي.

د یادولو ده چې، د افغانستان د بشردوستانه وجهي صندوق د بیړنیو مرستو لپاره ۵ میلیون ډالره ځانګړې کړي او د لا زیاتو مرستو هڅې روانې دي.

د سند د کورنیو چارو محکمې په خپاره شوي امر کې ویلي چې نوموړي په سهراب ګوټ نومې سیمه کې د حالاتو د ګډوډولو هڅه کړې وه، چې په دې سره به نوموړی یوه میاشت په زندان کې ساتل کیږي.

د پښتون ژغورنې غورځنګ د کراچۍ د برخې د مشرتابه غړی محمد الله مسید بیا وايي چې پاکستاني پولیسو د اکتوبر په څلورمه نېټه نورالله ترین له خپله کوره نیولی او نامعلوم لوري ته یې وړی و، چې د څلور ورځو تري تم کېدو وروسته پرون پولیسو د هغه د ځای ځایګي په اړه معلومات شریک کړی دي، ښاغلی مسید وايي په تېرو څو ورځو کې دوی ته د ښاغلي ترین په اړه هېڅ ډول معلومات نه و.
ښاغلي مسید رسنیو ته ویلي دوی د سند لوړې محکمې ته شکایت کړی او د هغه د راخوشې کولو له پاره به نورو قضایي څانګو ته هم خپل غوښتنلیکونه وړاندې کړي.

د پښتون ژغورنې غورځنګ مشران وايي چې د دوی د ملګرو په نیولو سره به دوی هیڅکله هم د خپلې مبارزې څخه په شا نه شي.

په وروستیو ورځو کې پاکستان په ځانګړي ډول په اسلام اباد او کراچۍ ښارونو کې افغانان نیولي او له دې هیواده یې شړلي دي.

د راپورونو له مخې په تېرو ۲۴ ساعتونو کې څه باندې ۵۰ کورنۍ د تورخم له لارې د ۲۰ لاریو په مرسته افغانستان ته لیږدول شوي دي.

د پاکستان موقت حکومت یوه اوونۍ وړاندې اعلان وکړ چې د روانې میاشتې تر پایه به ۱.۷۳ میلیونه افغان کډوال له هېواده وباسي.

له کډوالو سره دغه سخت دریځی چلند په پاکستان دننه او بهر کې له پراخو غبرګونونو سره مخ شوی دی.

ګڼو نړیوالو او د بشري حقونو سازمانونو له پاکستانه غوښتي چې د بشري ناورین او د طالبانو د ګواښ له امله له دغه هېواده د کډوالو د ایستلو پلان وځن‌‌‌‌‌‌ډوي.