د پاکستان محکمې د پخواني لومړي وزیر عمران خان د ضمانت غوښتنه رد کړه

روسیه په منځني ختیځ کې د اسراییل، ایران او حماس په ګډون له ټولو مهمو لوبغاړو سره اړیکې لري.

مسکو تر دې وړاندې هم ویلي، چې د امریکا د ډېپلوماسۍ ماتې په منځني ختیځ کې د کړکېچ لامل دی.

دغه هېواد همداراز د اسراييل او حماس ترمنځ د اوربند او سولې ته د رسېدو لپاره د يوې حل لارې د موندلو په هدف د خبرو اترو د بيا پيل غوښتنه کړې ده.

د روسيې د بهرنيو چارو وزارت وياندې ماريا زاخارووا د پنجشنبې په ورځ (د لړم په ۴مه) وويل، چې د ايران د بهرنيو چارو وزارت مرستيال علي باقري کني هم مسکو ته سفر کړى او د روسيې د بهرنيو چارو وزارت له مرستيال ميخايیل ګالوزين سره يې خبرې اترې کړې دي.

تر دې مخکې مسکو له حماس سره د خبرو د پلان په اړه غږیدلی و.

د کرملین ماڼۍ ویلي، چې د اسراییل او حماس ترمنځ په جګړه کې د منځګړیتوب لپاره به له دواړو سره خپلې اړیکې وساتي.

روسیې ته د حماس د استازو دا سفر د تلې له ۱۵مې نېټې پر اسراییل د دغې وسلوالې ډلې له ناڅاپي برید وروسته لومړی سفر دی.

ښاغلي هدایتي د پنجشنبې په ورځ (د لړم په څلورمه) ایراني رسنیو ته وویل، چې په راټولو شویو مرستو کې خوراکي توکي، د تودوخې وسایل، کمپلې، خیمې، د پخولو لوښي او نور توکي شامل دي.

هغه وویل چې د دغو مرستو ارزښت له ۴۷۳ زره ډالرو څخه زیات دی.

وروسته له هغه چې د افغانستان په لوېدیځ کې د ریښتر په کچه ۶،۳ درجې زوروره زلزله وشوه او زرګونه کسان یې ووژل، ایران لومړنی هېواد و، چې زیانمنو سیمو ته یې د ژغورنې ډلې ولېږلې.

د ایران د سرې میاشتې ژغورنې او مرستندویه سازمان د خراسان رضوي له سوېلي او شمالي سیمې او د ژغورنې او مرستندویه سازمان ۵۰ مرسته کوونکي د لس ټیمونو په چوکاټ کې افغانستان ته ولیږل.

د الجزیرې خبرې شبکې د پنجشنبې په ورځ (د لړم په ۴مه) د فلسطین د کور جوړونې د وزیر محمد زیاره په حواله راپور ورکړی، چې د اسراییل بمبارۍ «ټول استوګنځایونه» د احوال او ثبت له دفتر څخه پاک کړي دي.

د فلسطین د کور جوړونې وزیر په یوې بیانیه کې زیاته کړه:«روغتونونه، مذهبی ځایونه، نانوایانې، د اوبو سټیشنونه، بازارونه، ښوونځي، ښوونیز او خدماتي موسسې ویجاړ شوي دي».

حنون، بیت لاهیه، شجاعیه، شاطي شاوخوا سیمې او په خان یونس کې د عباسان الکبیري د کډوالو کمپ تر ټولو زیانمنې سیمې دي.

د شمېرو پر بنسټ؛ اټکل کېږي چې د اسراییل د بمباریو له امله په غزه کې شاوخوا ۱،۴ میلیونه خلک بې ځایه شوي او شاوخوا ۶۲۹ زره کسانو د ملګرو ملتونو په ۱۵۰ بېړنیو پناه ځایونو کې پناه اخیستې ده.

پر دې سربیره د غزې بشپړې محاصرې له امله روغتونونه د تیلو له کمښت سره مخ دي او لږ تر لږه ۱۳۰ ماشومانو او د زرو څخه د زیاتو پښتورګو د ډیالیز ناروغانو ژوند یې له خطر سره مخ کړی دی.

د غزې د روغتیا وزارت ویلي، چې د اسراییل او حماس ترمنځ د جګړې له پیل راهیسې تر اوسه د ۳۰۰۰ ماشومانو په ګډون تر ۷۰۰۰ زیات فلسطینیان وژل شوي دي.

د ټاکنو کمېسیون د اعلامیې له مخې؛ د ټاکنو لپاره د حلقو یا حوزو ټاکلو پروسه بشپړه شوې او په دې تړاو د اعتراضونو اورېدو بهیر هم سبا پیلېږي.

د ټاکنو کمېسیون دا غبرګون له هغه وروسته دی، چې د پاکستان ولسمشر عارف علوي پرون له جیو نیوز سره په مرکه کې وویل، ممکن راتلونکې ټاکنې په خپل وخت ونه شي.

د ټاکنو کمېسیون د مهالوېش له مخې؛ د پاکستان ټولټاکنې د راتلونکي کال په جنورۍ کې کېږي.

مېرمن هیسټینګز په یوې بیانیه کې چې د ملګرو ملتونو پر وېبپاڼه خپره شوې؛ لیکلي: اسراییلي پوځ د غزې ښار خلکو ته خبرداری ورکوي هغه کسان چې خپلو کورونو کې پاتې کیږي خپل ژوند له خطر سره مخ کوي.

هغه وايي؛ د هغو خلکو لپاره چې د تګ لپاره هېڅ ځای نه لري یا حرکت نه شي کولی، مخکینۍ خبرتیا توپیر نه لري. کله چې د وتلو لارې بمبار کیږي، کله چې په شمال او سویل کې خلک په جګړو کې ښکیل کیږي، کله چې د ژوندي پاتې کېدو لپاره اړین توکي او د بېرته راستنېدو تضمین شتون نه لري، «خلک پرته له ناممکن انتخابونو بل هېڅ نه لري».

په ورته وخت کې هغې ټینګار کړی، چې وسله والې نښتې باید په هر ځای کې د نړۍوالو قوانینو له مخې وشي؛ دا په دې معنا ده، چې په هر ځای کې چې وي له ملکي وګړو باید ساتنه وشي او د ژوندي پاتې کېدو اړین مواد باید ولري.

هغې د حماس له خوا د یرغمل شویو بندیانو پر خلاصون ټینګار وکړ او ویې ویل چې دوی باید ژر تر ژره او پرته له شرطه خوشې شي.