د نومبر په ۱۶مه د پاکستان پوځ په یوې خپرې شوې خبرپاڼه کې راغلي، امنیتي ځواکونو د پېښور په بډه بېره کې د ترهګرو پر ضد عملیات ترسره کړل.
په خبرپاڼه کې راغلي، چې په دغو عملیاتو کې یې د سميع الله شنا، قوماندان سلمان احمد، عمران محمد او حضرت عمر خالد په گډون څلور تنه وسلهوال وژلي دي.
سرچینې وایي، چې سميع الله عرف شينا د تحریک طالبان پاکستان یو مخکښ قوماندان و؛ خو تحریک طالبان پاکستان په دې اړه تر اوسه څه نه دي ویلي.
خبرپاڼه زیاتوي، چې له وژل شويو کسانو څخه وسلې، مهمات او چاودېدونکي توکي هم ترلاسه شوي او په وینا یې، په سيمه کې یې د ورانکارۍ او هدفي وژنو په ګډون په ګڼو نورو فعاليتونو کې رغنده ونډه درلوده.
د خبرپاڼې په وروستۍ برخه کې راغلي، په يوه بل پوځي پرمختګ کې چې د ډېره اسمعيل خان د کلاچې په سيمه کې ترسره شو، نایک محمد اعجاز خان د وسلهوالو سره د سختو نښتو وروسته ووژل شو.