د امریکا ولسمشر د خپلواک فلسطیني دولت د جوړېدو ملاتړ وکړ

د فنلنډ پوله ساتو د تیرې جمعې په شپه په سوېل ختیځ فنلنډ کې د والیما، نوئیاما، اېماټرا او نیرالا په لارو کې خنډونه جوړ کړل، چې د کډوالو ډیر تګ راتګ لري.

له دې ګام وروسته، د صفر درجې تودوخې په منځ کې، لسګونه کډوال د والیما او نوئیاما ته رسیدلي او د دې دوو لارو د بیا پرانېستلو په تمه دي.

فنلنډ له روسیې سره شاوخوا ۱۳۴۰ کیلومټره ګډه پوله لري، چې اروپا ته د کډوالو د تګ یوه له مهمو لارو څخه بلل کېږي.

د فنلنډ سرحدي ساتونکي وايي، تېره اوونۍ شاوخوا ۳۰۰ کډوال چې ډېری یې له عراق، یمن، سومالیا او سوریې وو، دغه هېواد ته رسېدلي دي.

د فنلنډ چارواکو زیاته کړې چې د دغه هېواد په شمال کې د سالا او وارټیوس لارې اوس مهال د پناه غوښتونکو پر مخ خلاص دي.

روسیې د فنلنډ له خوا د پولو د تړلو په غبرګون کې ویلي چې هلسینکي "لویه تېروتنه" کړې چې دوه اړخیزې اړیکې له منځه وړي.

د کرمان څارنوال د شنبې په ورځ دې رسنیو ته ویلي، چې ښتول شوی ماشوم ایران ته تر لیږدول کېدو وروسته خپلې کورنۍ ته سپارل شوی دی.

د مهدی بخشي په خبره، په لومړنیو تحقیقاتو کې معلومه شوه چې انسان تښتونکو دغه ماشوم د هېواد د ختیځو پولو له لارې افغانستان ته وړی و.
د کرمان ولایت څارنوال مهدی بخشي وویل چې د کشفي عملیاتو په ترڅ کې د انسان تښتوونکو د دغې ډلې غړي پیژندل شوي چې ځینې یې د افغانستان په پوله کې ونیول شول.

د نوموړي په خبره، د دغې ډلې د نورو غړو د نيولو لپاره لازم قضايي حکمونه صادر شول.
ت

د ایلان ماسک فضايي شرکت اعلان وکړ چې د تاریخ تر ټولو ځواکمن او تر ټولو لوی راکټ له توغولو څو دقیقې وروسته د پورتنیو او ښکتنیو برخو په جلاکیدو سره، وچاودید.
دا ازموینه د تګزاس په سویل ختیځ کې شوې ده.
د سپېس اېکس شرکت د یوې ویډیو له مخې، د راکټ لېږدوونکي مخ له بېلیدو وروسته د مکسیکو خلیج پر څنډو وچاودید.

دا ستر سټار شیپ راکټ د ۱۴۸ متره لوړوالي سره سپوږمۍ او مریخ ته د ماموریتونو لپاره ډیزاین شوی و.
د متحده ایالاتو د فدرالي هوايي چلند اداره، چې سوداګریزې لېږونکې بټۍ څاري، تایید کړې چې د یوې پېښې له امله «یوه فضایي بیړۍ» له منځه تللې.

دغه اداره وايي چې په دې عملياتو کې د سر او مال زيان په اړه کوم راپور نشته.

د جرمني لومړی ویز اولاف شولتس د جمعې په ماښام د ترکیې له ولسمشر رجب طیب اردوغان سره په یوه خبري کنفرانس کې وویل، د اسراییل د « موجودیت حق» د انکار وړ نه دی.

د فرانسې خبري اژانس لیکلي چې دا څرګندونې د اردوغان د وروستیو څرګندونو په غبرګون کې شوې چې د اسراییل د حکومت مشروعیت یې تر پوښتنې لاندې راوستی دی.

خو اردوغان جرمني ته د خپل سفر پرمهال خپلې پخوانۍ څرګندونې تکرار نه کړې چې اسراییل یو "ترهګریز دولت" بللی و.

هغه چې په تېرو درېیو کلونو کې د لومړي ځل لپاره جرمني ته تللی، لومړی یې د جرمني له ولسمشر فرانک والتر شتاین مایر سره خبرې وکړې.

د ترکیې د ولسمشرۍ دفتر د بیان له مخې اردوغان په دغه کتنه کې وویل: په غزه کې پیښو یو ځل بیا وښودله چې د ۱۹۶۷ کال د سرحدونو پراساس د دوو دولتونو له حل انکار نشي کېدلی.

فرانک والتر شتاین مایر د اسراییل او حماس ترمنځ د جګړې په اړه د جرمني دریځ هم تکرار کړ او ویې ویل: «اسراییل د اکتوبر په اوومه د حماس له وژونکي برید وروسته چې ۱۴۰۰ تنه پکې ووژل شول د ځان دفاع حق لري.»

فرانس خبري اژانس لیکلي چې اردوغان د حماس او اسراییل ترمنځ د شخړې په لومړیو ورځو کې د منځګړي په رول کې راڅرګند شو، خو د حماس د برید په غبرګون کې د اسراییلي پوځ لخوا پر غزې د پراخو بمباریو په ترڅ کې یې د اسراییل پر خلاف لفظي بریدونه زیات کړل.

اردوغان په برلین کې وویل: «د روغتونونو بمبارول یا د ماشومانو وژل په تورات کې نه دي. تاسو دا نشئ کولی."

هغه په ​​اسراييل باندې په خپله نیوکه کې هر ډول صهیونیزم ضد مفهوم رد کړ او ویې ویل: زمونږ لپاره باید په سیمه کې د یهودانو، مسیحیانو او مسلمانانو ترمنځ هیڅ ډول تبعیض ونه اوسی. زه لومړی کس یم چې په نړۍ کې له یهودانو سره د دوښمنۍ ضد مبارزې مشري کوم."

د جرمني لومړی وزیر په غزه کې د ملکي وګړو لپاره د ناوړه بشري وضعیت د درک کولو په ترڅ کې ټینګار وکړ چې حماس د دې وضعیت اصلي مسوول دی ځکه چې دغه ډله له ملکي وګړو د انساني ډال په توګه کار اخلي.

شولتس وویل، «د تلپاتې سولې د امکان لپاره، حماس باید نور د دې توان ونه لري چې د اکتوبر د اوومې نېټې د برید په څېر تیريګر اعمال وکړي.»

هغه تر دې مخکې د اسراییل په اړه د اردوغان څرګندونې بې بنسټه بللې وې.

په دې وروستیو ورځو کې ځینو په ځانګړې توګه د یهودانو ټولنې جرمني ته د اردوغان د سفر د ځنډولو یا لغوه کولو غوښتنه کړې وه.

د اردوغان سفر پوځي اړخونه هم لري او د ترکیې ولسمشر به له جرمني څخه د ۴۰ جنګي الوتکو د پېرلو په اړه هم خبرې وکړي.
​

پر لاهور سربېره په ننکانه صاحب، شیخپوره، قصور، ګوجرانواله، ګجرات، سیالکوټ، نارووال، حافظ اباد او منډي بهاوالدین کې هم د ګاډو چلښت محدود شوی دی.

د پاکستان د پنجاب صوبې سرپرست سروزیر محسن نقوي وايي، پر ککړه هوا د کنټرول لپاره هر ډول هڅې کوي.

هغه زیاته کړه چې لاهور کې دوولسو سیمو کې پر لړه د کنټرول لپاره فلترونه لګوي او همدارنګه د کارپوهانو په همکارۍ د مصنوعي باران جوړولو هڅه کوي