تورخم دروازه يوځل بيا د پاکستان له لوري د ترانزېټ پرمخ په مشروط ډول وتړل شوه
د طالبانو تر واک لاندې د باختر خبري اژانس د دغې ډلې د تورخم د کمیسار عصمت الله يعقوب له قوله لیکلي چې، د تورخم دروازه يوځل بيا د پاکستاني چارواکو لهخوا د ترانزېټ پرمخ نن غرمه په داسې حال کې وتړله، چې له موټر چلوونکو څخه يې د ويزې او پاسپورت غوښتنه کوله.
کميسار دا هم وويل، دوی تر اوسه له موټر چلوونکو څخه د ویزې او پاسپورټ غوښتنه نهده کړې.
تر دې وړاندې هم په دغه لاره له بار وړونکو موټرو څخه د تګ راتګ لپاره د پاسپورت او ويزې غوښتنه نه کېدله؛ خو نن يوځل بيا د پاکستاني لوري په همدې پلمه دغه لاره د ترانزېټ پرمخ وتړل شوه.
تر دې وړاندې پاکستانۍ رسنیو راپور ورکړی، چې د تورخم دروازه د طالبانو لهخوا د تګ راتګ پر مخ تړل شوې ده.
