پاکستان په راتلونکی کال کې د برېکس د غړیتوب غوښتنه کړې ده
په روسیه کې د پاکستان سفیر ویلي، چې پاکستان په ۲۰۲۴ کال کې د برېکس په ډله کې د شاملېدو غوښتنه کړې او د غړیتوب د ملاتړ لپاره له غړو هېوادونو سره په اړیکه کې دی.
په روسیه کې د پاکستان سفیر ویلي، چې پاکستان په ۲۰۲۴ کال کې د برېکس په ډله کې د شاملېدو غوښتنه کړې او د غړیتوب د ملاتړ لپاره له غړو هېوادونو سره په اړیکه کې دی.
محمد خالد جمالي ویلي، چې پاکستان په ځانګړې توګه د روسيې په ملاتړ حساب کوي.
پاکستاني رسنیو د پنجشنبې په ورځ په مسکو کې د پاکستان د سفیر له قوله راپور ورکړ، چې پاکستان د برېکس ډلې غړیتوب ته لیواله دی.
جمالي ویلي:"پاکستان غواړي چې د دې مهم سازمان غړی شي او موږ د غړو هېوادونو سره په اړیکه کې یو."
د پاکستان د مشرانو جرګې یوه پلاوي هم ویلي، چې د دغه هېواد حکومت په برېکس کې د شاملېدو په شونتیا غور کوي.
برېکس ډله د برازیل، روسیې، هند، چین او سویلي افریقا په شمول د نوو لویو مخ پر ودې هېوادونو څخه په ۲۰۱۰ کې جوړه شوې ده.
د دې ډلې موخه د نړۍ په نظم کې برخه اخیستل دي.
پر پورتنیو هېوادونو سربېره سږ کال مصر، ایران، سعودي عربستان، متحده عربي اماراتو او ایتوپیا ته هم په دغه سازمان کې د شاملېدو بلنه ورکړل شوې او تمه ده، چې د دوی بشپړ غړیتوب تر راتلونکي کال پورې وارزول شي.
د برېکس هېوادونه د نړۍ د نفوس ۴۰٪ او د نړۍ د اقتصاد څلورمه برخه جوړوي.
د پاکستان پوځ وایي؛ لومړۍ برید د خېبر پښتونخوا په شمالي وزیریستان کې شوی، چې دوه پوځیان پکې وژل شوي.
د ځایي پولیسو مشر الله وزیر په وینا؛ دویم برید د شمال لویدیځ وانا ښار کې د پاکستاني طالبانو د پخواني مرکز په یوه دوکان کې شوی، چې د یوه حکومت پلوه مشر اسلم نور وزیر په ګډون دوه تنه نور کسان پکې ووژل شول او درې تنه ټپیان دي.
اسلم نور وزیر ته د حکومت له خوا صدارتي جایزه هم ورکړل شوې وه.
پاکستاني طالبانو د لومړي برید مسوولیت چې پر امنیتي ځواکونو وشو منلی؛ خو د دویم برید چې درې ملکیان پکې وژل شوي رد کړی.
پاکستاني طالبان چې د تحریک طالبان پاکستان یا (ټي ټي پي) په نوم یادیږي یوه جلا وسلواله ډله ده؛ خو د افغاني طالبانو متحدین هم بلل کیږي.
پاکستاني چارواکو په کراتو - کراتو ویلي، چې پاکستاني طالبان په افغانستان کې پټنځایونه لري او افغاني طالبان یې ملاتړ کوي.
افغان طالبانو تل دا ادعاوې رد کړي.
