له پنجاب وروسته سند هم په کراچۍ کې د هوا ککړېدو د مخنیوي لپاره تابیاوې نیسي
د هوا ککړتیا پر داسې مهال پراخېږي، چې کراچۍ د دوشنبې په ورځ د هوا د ککړتیا له امله په درېیم مقام کې ځای درلود.
د هوا ککړتیا پر داسې مهال پراخېږي، چې کراچۍ د دوشنبې په ورځ د هوا د ککړتیا له امله په درېیم مقام کې ځای درلود.
د پنجاب لنډمهاله حکومت د هوا ککړتیا د لوړې کچې پر وړاندې د وروستیو اقداماتو وروسته، د سند لنډمهاله حکومت هم پرېکړه کړې چې په کراچۍ کې د هوا د ککړېدو له امله د مبارزې لپاره خپلې هڅې ګړندۍ کړي.
د سند د وزیر اعلی دفتر په یوې خبر پاڼه کې د دغه ښار له اوسېدونکو وغوښتل، چې د کراچۍ د ککړې هوا له امله دې له ماسکونو کار واخلي.
سربیره پر دې دغې ادارې له ټولو ښاریانو غوښتي، چې د شخصي موټرو پرځای دې عامه ټرانسپورټ وکاروي.
تر دې وړاندې په لاهور کې د ککړې هوا له امله حکومت څو ورځنی ګرځبندیز اعلان کړی و.
