د ملګرو ملتونو په امنیت شورا کې راتلونکې دوشنبه د افغان مېرمنو او نجونو د وضعیت په هکله د تړلو دروازو تر شاه غونډه جوړېږي. افغانستان انټرنشنل ته رسېدلي اطلاعات ښيي چې د ښځو د حقونو ملاتړې اصیلا وردګ او فوزیه کوفي به هم په دې غونډه کې ګډون وکړي.
تمه ده چې امنیت شورا په دې ناسته کې د ملګروملتونو د سرمنشي د ځانګړي استازي فریدونو سینیراوغلي په راپور کې وړاندیزونه ورازوي.
د ښاغلي سینیراوغلي دا راپور د تېرې چارشنبې په ورځ د سرمنشی انتونیو ګوتېرش په لاسلیک د امنیت شورا غړو ته وړاندې شو.
په دغه راپور کې له نړیوالې انزوا د طالبانو د وتلو او د دې ډلې د رسمیت نه پېژندلو د خنډونو د لرې کولو لارې چارې په نښه شوې دي.
په راپور کې ویل شوي چې پر نړیوالو ژمنو درېدل او ټولګډونه اساسي قانون جوړول به له نړیوالو سره د طالبانو د اړیکو په عادي کېدو تمام شي.
د ټولګډونه حکومت د جوړېدو لپاره د افغانانو ترمنځ خبرې هم د دې راپور وړاندیز دی.
