طالبان په کندهار ولایت کې مخفي پولیس په دندو ګوماري

دغه مرکز د خپلو سرچينو له قوله ليکلي، چې طالبانو جوادي د دوی پر ضد د پروپاګند، بهرنيو ځواکونو ته د جاسوسۍ او د ازاداۍ راډيو د خپرونو د نشرولو په تور له درېيو نورو همکارانو سره نيولی.

د معلوماتو له مخي؛ چې يو ځل خوشي شول خو طالبانو جوادي او د هغه همکاران بيا د (تلې ۱۵ ) ونيول او د راډیو نشرات يې هم بند کړه.

د افغانستان د خبريالانو مرکز ليکي، چې د نسيم راډيو همکاران تر څو ورځو بند وروسته په ضمانت خوشي شوي خو محکمې جوادي ته د يوه کال بند سزا اعلان کړه.

د افغانستان د خبريالانو مرکز په دايکنډي کې د طالبانو له محکمې غوښتنه کړې، چې د نسيم راډيو مسوول ژر خوشي او پر شوي پرېکړې دې بيا کتنه وشي.

دغه مرکز د خبريال د مدافع وکيل په نه شتون کې د طالبانو پرېکړه ناعادلانه بللې.

د معلوماتو له مخې؛ د طالبانو ښاري محکمې دغه پرېکړه د علي جوادي او د هغه د مېرمني په مخکې اعلان کړه.

تر پرېکرې وروسته جواد د يوه کال لپاره زندان ته ولېږدول شو.

تر اوسه د دایکنډي طالب چارواکو په دې اړه معلومات نه دي وړاندي کړي.

د يادوني وړ ده، چې د طالبانو استخباراتو په کندهار کې هم د عبدالرحیم محمدي په نوم يو خبريال د نامعلوم دليل له مخې د ۹ ورځو راهيسي په بند کې ساتلی.

د طالبانو د کډوالو چارو وزارت د دوشنبې په ورځ (د لیندۍ ۲۰مه) په یوه خبرپاڼه کې لیکلي، چې په کابل کې د قطر سفیر سعید بن مبارک الخیرین ژمنه کړې چې هېواد به یې له کډوالو سره مرسته کوي.

د دغه قطري ډېپلوماټ په وينا؛ په دوحه کې د اسلامي هېوادونو په وروستۍ غونډه کې له افغانستان سره د بشري مرستو پر دوام خبرې وشوې.

وروسته له هغه چې طالبانو د افغانستان واک تر لاسه کړ، د دغه هېواد ډېر اوسېدونکي د ایران او پاکستان په ګډون ګاونډیو هېوادونو ته وتښتېدل.

دواړو هېوادونو په تېرو میاشتو کې سلګونه زره کسان له هېواده ایستلي او بېرته یې افغانستان ته استولي دي. د شمېرو له مخې؛ تر اوسه له ۴۵۰ زره ډېر افغان کډوال له پاکستانه ایستل شوي او افغانستان ته استول شوي دي.

د طالبانو د کډوالو چارو وزیر مخکې اعلان کړی و، چې دغه ډله پلان لري چې د کډوالو موقتي کمپونه د استوګنې په سیمو بدل کړي.

د خلیل الرحمن حقاني په وینا؛ د ژمي په موسم کې یو شمېر ولایتونو ته د مهاجرینو انتقال ناشونی دی.

طالبانو له نړۍوالو موسسو، سوداګرو او پانګوالو هم غوښتي چې له پاکستانه د راستنېدونکو کډوالو سره مالي مرستې وکړي.

د سرپناه نشتوالی او د ژوند د لومړنیو اسانتیاوو کمښت افغانستان ته د راستنیدونکو کډوالو یو له مهمو ستونزو څخه دي.
​

د ننګرهار د طالبانو د امنيه قوماندانۍ وياند عبدالبصير زابلي نن سې شنبه رسنيو ته په يوه لېږلې خبرپاڼه کې ويلي، چې د شېرزادو ولسوالۍ اړوند په ګريخېلو کلي کې د نارنجک يوه زړه مرمۍ چاودلې ده.

د اعلاميې د معلوماتو له مخي؛ چې په چاودنه کې درې ماشومان وژل شوي د درېيو مېرمنو او يوه سپين ږیري په ګډون ۷ کسه نور زخميان شوي دي.

د هغه په خبره، چې زړه مرمۍ يو ماشوم پېدا کړې وه او په کور کې يې په ډبره ټکولې، چې چاودنه رامنځته شوې.

د طالبانو دغه چارواکي ويلي، چې په همدې ورځ په خوږياڼو کلي کې هم پر يوه ماشوم زړه مرمۍ چاودلې چې ماشوم يې سخت زخمي کړی.

دده په خبره، چې ددواړو پېښو ټپيان يې د سيمي روغتيايي مرکزونو ته انتقال کړي دي.

دا په داسي حال کې ده، چې د افغانستان په ډېرو لېرې پرتو سيمو کې لا هم ماينونه او ناچاوده توکې پراته دي، چې ډېر وخت د سيمي د خلکو د مرګ ژوبلي لامل ګرځي.

په چمن کې د معلولانو د اتحادیي مسوول عنایت الله بشردوست وايي، سلګونه معلولانو او ناروغانو د خپلو حقونو د ترلاسه کولو لپاره دغه لاریون کې برخه اخیستې ده.

لاریونوال وایي:"موږ د دغه لاریون له لارې غواړو د پاکستان حکومت ته وښیو چې لویان، ماشومان او ان معلولان د خپل حق غوښتنه کوي او د سپین بولدک ـ چمن پر دروازه د پاسپورټ په اړه د پاکستان د حکومت پریکړه نه منو."

د دغه پرلت په ملاتړ کابو دوه اونۍ وړاندې د سوېلي پښتونخوا زرګونو ماشومانو هم لاریون کړی و.

د چمن د لغړي اتحاد مسوول او د چمن د پرلت سرلاری غوث الله وايي، که د پاکستان حکومت یې غوښتنه ونه مني د پرلت پر ځای به لاریونونه پیل کړي او په چمن ښار کې به د ټولو دولتي ادارو دروازې بندې کړي.

نوموړی وايي:"که د پاکستان حکومت زمونږ نه اوري مجبوره یو په داسې لاریونونو لاس پورې کړو چې بیا به هیڅ دولتي اداره او دولتي کارکوونکی په امان کې نه وي، د ټولو دولتي ادارو دروازې بندوو، موږ نه کډوال یو او نه هم د بل هیواد اوسیدونکي یو دا زموږ پلرنۍ ځمکې دي او دلته د پاسپورټ په شان خپل سرې پرېکړي نه منو."

د چمن تر نږدې لس زرو اوسېدونکي هره ورځ د کاروبار لپاره د سپین بولدک وېش بازار ته ځي او ماښام خپلو کورونو ته ستنېږي.

د پاکستان حکومت له خوا د سپین بولدک ـ چمن پر دروازه په پاسپورټ د تګ و راتګ له جبري کیدو وروسته پر دغه سوداګریزه لاره د ډیورنډ کرښې دواړو لوریو ته اقتصادي زیانونه اوښتي دي

دغه مرکز وايي، چې ۹ ورځي مخکې طالب استخباراتو د تمدن تلویزيون ولايتي خبريال عبدالرحيم محمدي غوښتی او بيا يې بندي کړی دی.

د افغانستان د خبريالانو مرکز په خپله اعلاميه کې د خبريال عبدالرحيم محمدي د وضعت په اړه اندېښنه ښودلې او زياته کړې يې ده، چې له ۹ ورځو وروسته هم د نوموړي د برخلیک په اړه څه نه دي ویل شوي.

د دغه مرکز د معلوماتو له مخې؛ ښاغلی محمدي د دوشنبې په ورځ (لیندۍ ۱۳مه) په کندهار کې د طالبانو د استخباراتو دفتر غوښتی او بيا بندي شوی دی.

د نيول شوي خبريال خپلوانو افغانستان انټرنشنل ته وويل، چې طالب استخباراتو د محمدي کورنۍ ته هم ګواښ کړی، چې له مطبوعاتو سره دې خپله ستونزه نه شريکوي.

د خبريال محمدي نېږدې دوستانو نن سې شنبه افغانستان انټرنشنل- پښتو ته وويل، چې کورنۍ يې په ۹ ورځو کې يوازې يو ځل پنځه دقيقې ورسره کتلي دي.

د دوی په خبره؛ د محمدي د نيول کېدو لامل معلوم نه دی او نه يې تر اوسه د خوشي کېدو ډاډ تر لاسه کړی.

د محمدي کورنۍ يوه غړي وويل، چې د هغه ورور له يوې رسنۍ سره د ستونزي تر شريکېدو وروسته د استخباراتو له لوري پرله پسې تهدید شو.

نوموړي زیاته کړه: "د هغه ورور د يوې راډيو سره مرکه وکړه، په سبا درې ځلې د طالبانو استخباراتو زنګ ورته وهلی، چې ولې یې له مطبوعاتو سره خبري کړي."

په کندهار کې د طالبانو د استخباراتو ادارې د محمدي د نيول کېدو اړوند هېڅ معلومات نه ورکوي.

عبدالرحيم محمدي د ۱۳۹۸ کال راهيسي په کندهار کې د تمدن ټلویزيون ولايتي خبريال دی.

د ځينو سرچينو په خبره، چې په کندهار کې له مطبوعاتو سره د طالب استخباراتو چلند عقديي دی او ډېر ځله رسنۍ او خبريالان په قصدي ډول ځورول کېږي.

د دې سرچينو په وينا؛ چې د طالب استخباراتو مطبوعاتي کارکوونکي زيات مهال خبريالانو ته له پېغوره ډکي او ځورونکې خبرې هم کوي.