د ایران انټرنشنل له منځه د اطلاعاتو پر ټولولو د تورن کس محکمه پیل شوه

په متحده عربي اماراتو کې د کرېکټ ۱۹ کلنو اسيام جام د روانوسياليو ۷ مه لوبه کې کوربه له سريلانکا څخه په ۲ ويکټو لوبه وګټله.

سريلانکا خپلې سيالې لوبډلې ته د ۹ لوبغاړو په سوځېدو په پنځوس اورونو کې ۲۲۱ منډې هدف وټاکه.

متحده عربي اماراتو د خپلو ۸ لوبغاړو په سوځېدو په ۴۸.۲ اور کې دغه هدف پوره کړ.

د اماراتو لوبډلې تنېش سوري په ۸۸ توپونو ۷۵ منډې جوړې کړې او خپله لوبډله يې تر بري ورسوله.

د سياليو ۸ لوبه بنګلدېش په لوړ توپير له جاپانه وګټله.

د جاپان کرېکټ ټوله لوبډله په ۴۷.۱ اور کې وسوځېدله او بنګلدېش ته یې ۱۰۰ منډې هدف کېښود.

بنګلدېش دغه دغه هدف په دريو لوبغاړو په ۱۱.۲ اور کې پوره کړ.

بنګلدېش دغه لوبه د ۹ ویکټو په توپير وګټله، چې ۲۳۲ توپه لا هم اضافه پاته شول.

په بنګلدېش کې عاشق الرحمن شيبلي په ۴۵ توپونو ۵۵ ناسوځېدلې منډې وکړې.

سبا سې شنبه به د دې سياليو ۹ مه په زړه پوري لوبه د افغانستان او پاکستان کرېکټ لوبډلو ترمنځ وي او په همدې ورځ به، په لسمه لوبه کې هندوستان او نيپال خپل زور سره ووهي.

د امریکا پخواني ولسمشر په ښکاره ویلي چې د خپلو مالي تورونو په اړه په نوې محکمه کې به ګډون ونه کړي.

د فرانس ۲۴ د راپور پر بنسټ، تمه کېدله چې ښاغلی ټرامپ به نن د خپلې مالي قضیې په اړه شاهدي ورکړي.

ښاغلي ټرامپ پر ده لګېدلي تورونه رد کړي دي.

په اسد میاشت کې، ډونالډ ټرامپ د واشنګټن ډي سي په فدرالي محکمه کې د هغه د استیناف اوریدنې په جریان کې د ۲۰۲۰ ولسمشریزو ټاکنو د پایلو د لغوه کولو لپاره د "دسیسې" پورې اړوند څلورو جرمي تورونو کې ګناه نه منله.

په واشنګټن کې د فدرالي محکمې قاضي د جنايي تورونو سره د مقابلې لپاره ډونالډ ټرامپ ته د خوشې کیدو شرایط تصویب کړل او په ورته وخت کې یې هغه ته خبرداری ورکړ چې جرم ونه کړي.
​

د بشري حقونو د نړیوالې اعلامیې د تصویب د ۷۵مې کلیزې په مناسبت په کابل کې د ایران سفیر په ایکس پاڼه کې لیکلي: «تر څو چې د ملکي وګړو په وړاندې د امریکا او د هغې د متحدینو جنګي جنایتونه محاکمه نشي، دغه اعلامیه د رژیم په خدمت کې به یو سیاسي سند پاتې شي."

دغه لوړ رتبه ایرانی ډیپلوماټ زیاته کړه: که د بشری حقوقو نړیواله اعلامیه د قضیو غږ نه شي او د هغو زرګونو ماشومانو لپاره چې له افغانستان څخه تر غزې پورې د امریکا او اسراییلو د جنایتونو قربانیان دی، عدالت تامین نشي، دا یوازې یو سیاسي منشور دی. "

په کابل کې د ایران سفیر وویل: نړۍ په افغانستان، غزه او یمن کې د خپلو لویدیځوالو له خوا د بشري حقونو د سرغړونو له ستونزې سره مخ ده. "موږ د عدالت ترلاسه کولو او د حقیقي بشري حقونو د ریښتیني بیا رغونې لپاره د یوې اعلامیې څخه ډیر څه ته اړتیا لرو."

د یکشنبې په ورځ ( لیندۍ ۱۹) په ناروې کې د نرګس محمدي کورنۍ ته د نوبل د سولې جایزې په ورکولو سره، یو ځل بیا په ایران کې د بشري حقونو د سرغړونو مسلې ته د نړیوالو پام ځانته راواړوه.

د دې جایزې ګټونکې اغلې محمدي د نوبل د جایزې په مراسمو کې ګډون نه شي کولی ځکه چې هغه د ایران په ایوین زندان کې ده. د هغې ځوان زوی او لور یې په ​​استازیتوب جایزه ترلاسه کړه.

د ټاس خبري اژانس د راپور له مخې، ښاغلي لاوروف ویلي، له روسیې سره د جګړې پایله چې امریکې د اوکراین له لارې پیل کړې وه، له پیله څرګنده وه.

د اوکراین پر ضد د روسیې له جګړې وروسته د ایران اسلامي جمهوریت له دغه هېواد سره د پوځي بې پیلوټه الوتکو په ورکولو کې مرسته وکړه.

د دې همکارۍ په اړه بېلابېل اسناد څو ځلې خپاره شوي، خو د ایراني چارواکو دا موضوع رد کړې ده.

له دې سره، د ایران د اسلامی جمهوریت د پارلمان استازو پرون د ایران او روسیې تر منځ د اطلاعاتو د امنیت په برخه کې د همکارۍ د هوکړې په مسودې هوکړه وکړه.

د ایران د پارلمان د ملي امنیت او بهرنۍ تګلارې د کمیسیون ویاند ابو الفضل عمویي ویلي، دا لایحه د معلوماتو د خوندیتوب په برخه کې د ایران د وړتیا ښودلو لپاره یو فرصت دی.

ایران، روسیه او چین تل د لویدیځو دولتونو لخوا د بهرنیو هیوادونو په زیربناوو او دولتي او غیر دولتي موسسو د سایبري بریدونو تورن شوي دي.

دجرمني د معلوماتو د امنیت فدرالي دفتر (بي ایس آی) مشرې، کلوډیا پلاټنر، تر دې مخکې د دغه هیواد پر وړاندې د ایران، روسیې او چین لخوا د سایبري بریدونو د مخ په زیاتیدونکي ګواښ په اړه خبرداری ورکړی و.

ښاغلي میلي د یکشنبې په ورځ (د لیندۍ ۱۹مه) د ارجنټاین د نوي ولسمشر په توګه له لوړې وروسته ژمنه وکړه چې په خپل هیواد کې به لګښتونه کم کړي.

د خاویر میلي زیات شمېر پلویانو د یکشنبې په ورځ د ارجنټاین په سړکونو د دغه هیواد د نیلي رنګ او سپینو بیرغونو په لیږدولو سره د نوموړي بری ونمانځه.

دغه ۵۳ کلن سیاستوال د ارجنټاین د ولسمشرۍ په دویمه دوره کې خپل سیال سرجیو ماسا ته ماتې ورکړه.

ښاغلي میلي ۵۶ سلنه او سیال یې ۴۴ سلنه رایې ترلاسه کړې دي.

د ارجنټاین نوي ولسمشر خاویر میلي چې ځینې یې له ډونالډ ټرمپ سره پرتله کوي، کله چې په ۲۰۲۰ کال کې سیاست ته داخل شو، و يې ویل چې هغه په خپل هیواد کې د موجوده سیاسي وضعیت «د ستر بدلون» په لټه کې دی.

په هغه وخت کې، لږو کسانو فکر کاوه چې دا "سرببری" شتمن چې په تلویزیون کې هم د کارپوهۍ تجربه لري، د ارجنټاین ولسمشر شي.

ښاغلي میلي د ارجنټاین د سیاسي نخبګانو په منځ کې یوې ډلې باندې نیوکه کړې چې هلته يې "غله" بولي. هغه د شلمې میلادي پيړۍ په لسیزه کې په آزاد بازار کې د نامتو امریکایي ګنګستر آل کاپون د اعتبار له امله د هغه ستاینه هم وکړه.

خاویر میلي د یو داسې هیواد مشري په غاړه اخیستې چې له لوی اقتصادي ناورین سره مخ دی. هغه د ارجنټاین د ځوان نسل په منځ کې د پام وړ پلویان لري.

د خاور میلي مخالفین بیا تل د هغه د سیاسي تجربې د نشتوالي، عصبانیت او ببرو ویښتانو له امله نیوکه کوي.

د خاور میلي نیوکې هم جنجالي او بې سارې دي، نوموړي پر پاپ فرانسیس هم د یوه سوسیالیست په توګه نیوکه کړې وه.