د چیچني ټبره اتریشي محمد حسین دوتایف د تورونو دوسیه، چې تېرکال د سلواغې په میاشت کې د ایران انټرنشنل له بهر څخه د فلم اخیستلو پر مهال نیول شوی و، پرون دوشنبه د لېندۍ په ۲۰مه نېټه د انګلستان د لندن په ښار کې پیل شوه.
د ایران انټرنشنل د خبریال د راپور له مخې دوتایف د خپل جرمني ژباړن سره محکمې ته حاضر شو.
په ننۍ جلسه کې څارنوال پر دوتایف لګېدلي تورونه « د ترهګریزو بریدونو له پاره د اطلاعاتو د راټولولو او ثبتولو یوه هڅه» وبلله.دغه محکمه چې منصفه پلاوی هم لري، ښایي تر جمعې ورځې یا د لېندۍ تر ۲۴ مې دوام وکړي؛ خو تر اوسه روښانه نه ده چې وروستۍ پرېکړه به یې څه وخت صادرېږي.
که شاهد او یا نور شاهدان د دعوی د ښکېلو اړخونو لهخوا وروپېژندل شي؛ نو محکمه به هغوی هم وروبولي.
دوتایف د چنګاښ په میاشت کې خپله بې ګناهي اعلان کړه او پر نوموړي لګېدلي تورونه یې نه دي منلي.
پر هغه تور دی، چې غوښتل یې د ایران انټرنشنل په اړه اطلاعات راټول او بیا یې درېیم کس ته په واک کې ورکړي چې د دغې رسنۍ پر ضد ترهګریز بریدونه ترسره کړي.
د ایران انټرنشنل شبکه د تېر کال د سلواغې په ۲۹ مه اړ شوه، چې د ترهګریزو ګواښونو له امله خپله ټلویزیوړني برخه د لنډې مودې لپاره له لندنه واشنګټن ته ولېږدوي.
د ایران انټرنشنل د فعالیتونو د ځنډولو وروستۍ پرېکړه هغه مهال وشوه، چې د لندن پولیسو دوتایف د دغې شبکې سره نږدې ونیو.
ایرانانټرنشنل د روان کال د تلې په درېیمه خپلې خپرونې په لندن کې د نویو سټډیو ګانو څخه بیا له سره پیل کړې.
