خاویر میلي د ارجنټاین د ولسمشر په توګه لوړه وکړه

دا اقدام وروسته له هغه کیږي چې متحده ایالاتو د جمعې په ورځ په غزه کې د سملاسي بشري اوربند لپاره د ملګرو ملتونو د امنیت شورا غوښتنه ویټو کړه.

امریکا اعلان وکړ چې د ملګرو ملتونو دغه پرېکړه لیک له حقیقت څخه لرې دی.

د دغه پرېکړه ليک مسوده په ١٣ موافقو رايو، د امريکا د يوې مخالفې او د برېټانيا د يوې ممتنع رایې سره تصويب نه شوه.

د یاد پرېکړه لیک مسوده د متحده عربي اماراتو له خوا چمتو شوې ده او د جمعې په ورځ د ملګرو ملتونو په امنیت شورا کې رای اچونې ته وړاندې شوه.

د ملګرو ملتونو امنیت شورا ۱۵ غړي لري، چې له یاد شمیر څخه یوازې امریکا، روسیه، چین، فرانسه او برېټانیا د ویټو واک لري.

د ملګرو ملتونو سرمنشي انتونیو ګوترش په یوه نادره اقدام کې د ملګرو ملتونو د منشور د ۹۹ مادې په حواله په غزه کې د سملاسي اوربند د رامنځته کولو لپاره د امنیت شورا د اقدام غوښتنه کړې وه او ګواښ یې وکړ چې د امنیت شورا پام دې راوګرځوي.

دا ماده هغه ته اجازه ورکوي چې د امنیت شورا هر هغه مسله چې د نړیوالې سولې او امنیت ساتل له ګواښ سره مخ کړي، د امنیت شورا د پام وړ وګرځوي.

دا د ملګرو ملتونو د امنیت شورا د غړو تر منځ د یووالي د رامنځته کولو پنځمه هڅه وه. تر دې مخکې په امنیت شورا کې په غزه کې د جګړې له پیل راهیسې څلور مسودې رد شوې وې.

د هغه په ​​وينا؛ د طالبانو د لوړو زده کړو يو پخوانى وزير د ښځو د زده کړو د ملاتړ په تور له دندې ګوښه شوى دى.

ښاغلي بېنېټ د طالبانو د ګوښه شوي چارواکي نوم وانه خیست؛ د لوړو زده کړو اوسنی وزیر ندا محمد ندیم چې د طالبانو له سخت دریځو څخه ګڼل کېږي ترې وړاندې عبدالباقي حقاني د دغه وزارت مشر و.

حقاني د ۱۴۰۰ کال د سنبلې په ٢١مه ويلي وو، چې نجونې د زده کړې حق لري؛ خو بايد په جلا يا غير مخلوط ټولګي کې زده کړې وکړي.

ښاغلي بېنېټ د یکشنبې په ورځ د دوحې د فورم په غونډه کې خبرې کولې، چې یوه موضوع یې د افغان نجونو تعلیم و.

هغه هلته د طالبانو د اختلاف په اړه وویل: "د طالبانو یووالی د دوی یو ځواک دی، ځکه چې دوی یووالی خورا بنسټیز ګڼي.مګر د نجونو د زده کړو په برخه کې زه فکر نه کوم چې دوی دا یووالی ولري.موږ دا توپیر په ځینو بیانونو کې لیدلی دی."

هغه د طالبانو د لوړو زده کړو له پخواني وزير سره د خپلې ليدنې په اړه وويل، چې دغه چارواکي په پوهنتون کې د نجونو لپاره په جلا ټولګيو کې د زده کړو د زمينې د برابرولو خبره کوله.

بینیټ وویل: "موږ د ښځو او نجونو د زده کړو په اړه مفصلې تخنیکي خبرې وکړې. هغه دا نه ویل چې نجونې دې پوهنتون ته نه ځي. بلکه؛ هغه وویل چې څنګه په جلا ځای کې نجونې او میرمنې زده کړې وکړي."

خو د ملګرو ملتونو د بشري حقونو د راپور ورکوونکي په وينا؛ د طالبانو دغه وزير څو مياشتې وروسته له خپلې دندې لرې شو.

طالبانو اعلان کړی، چې د دې ډلې د شریعت له تفسیر سره سم تر اوسه د نجونو او ښځو لپاره ښوونځیو او پوهنتونونو ته د تګ لازم شرایط نه دي برابر شوي.

دې ډلې د ښوونځیو او پوهنتونونو د بیا پرانستلو لپاره مهال ویش هم نه دی وړاندې کړی.

د قطر، سعودي عربستان، اردن، مصر، فلسطین او ترکیې د بهرنیو چارو وزیرانو دا غوښتنه د امریکا د بهرنیو چارو له وزیر سره په لیدنه کې کړې ده.

د قطر د بهرنیو چارو وزارت له خوا په خپره شوې خبر پاڼه کې راغلي، چې د یادو هېوادنو د بهرنیو چارو وزیرانو په واشنګټن کې له انټوني بلېنکن څخه کړې ده او ویلي یې دي، چې په غزې کې ښايي انساني ناورین له دې هم خطرناک شي.

خبر پاڼه زیاتوي، چې د په غزه کې د ملګرو ملتونو د سملاسي اوربند قرارداد د نه منلو مساله د ملګرو ملتونو ناکامي بلل شوې او د یادونو هېوادنو د بهرنیو چارو وزیرانو پرې خواشیني څرګنده کړې ده.

له دې وړاندې د متحده عربي اماراتو له خوا ملګرو ملتونو ته د اوربند یو قرارداد وړاندې شو، چې د امریکا له خوا ویټو شو.

په ملګرو ملتونو کې د امریکا مرستیال سفیر ویلي چې ځکه په غزه کې د اوربند ملاتړ نه کوي چې دا به د یوې بلې جګړې پیلامه وي. د هغه په باور حماس تلپاتې سوله نه غواړي.

تېره اونۍ د اسراییل د پوځ ویاند ویلي وو، چې د دغه هېواد پوځ په ټوله غزه کې عملیات کوي او د حماس د ټولو مرکزونو پر ضد ځمکنیو عملیاتو ته دوام ورکوي.

دانیل هاګاری زیاته کړه: «د اسراییل پوځ له ترهګرو سره مخامخ کیږي او هغوی وژني.»

په ورته وخت کې د اسراییل د کورني امنیت ادارې مشر رونن بار هم اعلان کړی، چې د دغه هېواد د کابینې موخه نه یوازې په غزه او فلسطیني سیمو کې بلکې په ترکیه او قطر کې هم د حماس او د هغوی د مشرانو له منځه وړل دي.

نوموړي وویل، چې کیدای شي دغې موخې ته د رسېدو لپاره څو کاله وخت ونیسي؛ خو دا کار به ترسره کړي.

ملګرو ملتونو خبر ورکړی دی چې د تلې میاشتې په ۱۵مه نیټه د حماس او اسراییل تر منځ د جګړې له پیل راهیسې د غزې ۷۵ سلنه اوسېدونکي بې ځایه شوي دي.

د پوځ د عامه اړیکو په اعلامیه کې راغلي چې ښاغلی منیر به د امریکا له لوړپوړو پوځي او نورو حکومتي چارواکو سره وګوري.

دا امریکا ته د پاکستان د پوځ لوی درستیز په توګه د عاصم منیر لومړنی سفر دی.

تر دې سفر دوه ورځې مخکې د د افغانستان لپاره د امریکا ځانګړي استازي ټام ویسټ په اسلام اباد کې د عاصم منیر سره هم ولیدل.

در دې لیدنې مخکې ښاغلي وېسټ ویلي، امریکا له ترهګرۍ سره د مبارزې په چارو کې له پاکستان سره ولاړه ده.

ښاغلي ویسټد پاکستان له سفر وروسته په خپله اېکس پاڼه لیکلي، جې د پوځ له لوی درستیز جنرال عاصم منیر، د بهرنیو چارو سرپرست وزیر عباس جیلاني او د افغانستان لپاره د پاکستان له ځانګړي استازي اصف دراني سره کتلي دي او له ترهګرۍ سره یې د مبارزې ترڅنګ پر بېلابېلو موضوعګانو بحث کړی دی.

نوموړي د دغه سفر په ترڅ کې له پاکستاني چارواکو سره په لیدنه کې د ټي ټي پي په اړه د شته اندېښنو او د افغان کډوالو لپاره د اسانتیاوو په برابریدو هم خبرې کړې دي.

د کلیفورنیا ایالت په سکرمېنټو ښار کې د پښتون ژغورنې غورځنګ غړو د شنبې په ورځ ناوخته د پاکستان د پوځ پر خلاف لاریون وکړ او ویې ویل چې د پاکستان پوځ هڅه کوي، چې د پښتون ژغورنې غورځنګ غږ ټپ کړي.

د دغه لاریون یو ګډونوال بهیر غېرت افغانستان انټرنشنل - پښتو ته وویل، چې منظور پښتین د غوڅ خاموش او ځپل شوي اکثریت استازی دی او تل یې د پښتنو د حقونو غږ پورته کړی.

نوموړی وايي، چې د پاکستان پوځ له هغه وخته چې د پښتون ژغورنې غورځنګ رامنځته شوی، په یوه او بله بهانه هڅه کوي چې د دوی غږ خاموش کړي.

له دې وړاندې د پښتون ژغورنې غورځنګ غړي نور باچا د منظور پښتین له ټولنیزو پاڼو څخه یو ویډیویي پیغام خپور کړی او په دغه پیغام کې يې ویلي، چې د تېرې چهارشنبې په ورځ د (لیندۍ ۱۵مه) یې د امریکا د سپینې ماڼۍ مخې ته د پاکستان حکومت له لوري د منظور پښتین د نیول کېدو په غبرګون کې لاریون کړی.

د پښتون ژغورنې غورځنګ مشر منظور احمد پښتین په چمن کې د پولیسو له لوري تر نیول کېدو څو ورځې وروسته د پنج شنبې په ورځ (د لیندۍ ۱۶مه) د پولیسو له لوري د اسلام اباد ترهګرۍ ضد محکمي ته وسپارل شو.

د پښتون ژغورنې غورځنګ غړي وايي، د اسلام اباد پولیسو له لوري د پښتون ژغورنې غورځنک مشر منظور پښتین په داسې حال کې محکمې ته وړاندي شو، چې په لاسونو کې یې هتکړۍ او پر سر یې توره کڅوړه اغوستل شوې وه.

د پاکستان د بلوچستان ایالت پولیسو درې ورځې وړاندې ښاغلی پښتین ونیو او د اسلام اباد د ترهګرۍ ضد محکمې د پنجشبې په ورځ د اسلام پولیسو ته امر وکړ، چې منظور پښتین د ۷ ورځو لپاره په زندان کې وساتي.

د منظور پښتین وکیل د اسلام اباد د ترهګرۍ ضد محکمې د دغې پرېکړې مخالفت کړی.

د پښتون ژغورنې غورځنک مشر منظور احمد پښتین شپږ ورځې وړاندې د چمن د پولیسو له لوري هغه مهال ونیول شو، چې له چمن پرلت څخه د بلوچستان د تربت په سیمه کې د بلوڅانو په پرلت کې د ګډون لپاره دې سیمې ته روان و.