د چین د دفاع وزیر له رسمي ګوښه کېدو دوه میاشتې وروسته دونګ جون د هغه ځای ناستی اعلان شوی دی. د چین شینهوا دولتي خبري اژانس د خبر له مخې، دونګ د چين ملي ولسي کانګرېس د دايمي کمېټې په اوومه غونډه کې د دغه مقام لپاره ټاکل شوی دی.
دونګ چې پخوا د سمندري ځواکونو مشر و، د لي شانګفو ځای نیسي او دی په وروستي ځل د اګست په میاشت کې د خلکو منځ کې راڅرګند شو.
د دونګ ګمارنه د روان کال په پیل کې د یو شمېر لوړپوړو چینايي پوځي چارواکو له ګوښه کېدو وروسته کېږي.
د چین د بهرنیو چارو وزیر چین ګانګ هم د روان کال په جنورۍ کې له دندې ګوښه شو.
له بلې خوا، رویټرز خبري اژانس د دولتي رسنۍ شینهوا په حواله راپور ورکړی چې ۹ لوړ پوړي پوځي چارواکي پرون د ملي ولسي کانګرېس ډیمي کمېټې څخه لیرې شوي دي.
