د ایران جمهوري اسلامي ورځپاڼې د راپور له مخې، طالبانو له ایران سره پولې ته نږدې په دریو ولایتونو کې درې ایراني بېلتونپال د امنیتی مسوولانو په توګه ټاکلي دي. ورځپاڼې د هغوی نومونه په هرات کې مولوي توحیدي، په فراه کې ضیایي او په نیمروز کې عبدالمالک ملازاده یاد کړي دي.
تر دې شاوخوا لس ورځې مخکې نامتو ایراني خبریال محمد حسین جعفریان له افغانستان انټرنېشنل سره په ځانګړې مرکه کې ورته ادعا کړې وه.
جمهوري اسلامي ورځپاڼط د یکشنبې په ورځ د مرغومې ۱۷مه په یوه سرمقاله کې لیکلي، چې دغه طالب امنیتي مسوولان له ایراني تکفیري او ترهګرو ډلو سره تړاو لري.
ورځپاڼه زیاتوي: "خراسان رضوي ته نږدې په هرات ولایت کې د طالبانو امنیتي مسوول مولوي توحیدي د ایران د بیلتون غوښتونکي عبدالمالک ریګي ښی لاس دی، سویلي خراسان ته نږدې په فراه ولایت کې د طالبانو امنیتی مسوول ضیایي ریګي کمانډو بیلتون غوښتونکی دی اوسیستان او بلوچستان ته نږدې په نیمروز ولایت کې عبدالمالک ملازاده بیلتون غوښتونکی او د ریګی کیڼ لاس دی. .»
ورځپاڼې له چارواکو څخه پوښتلي: "ایا دا ټاکنې له هدف پرته او تصادفي دي؟
طالبانو تر اوسه په دې اړه کوم غبرګون نه دی ښودلی.
جمهوري اسلامي ورځپاڼې په کرمان کې وروستیو چاودنو ته په اشارې سره لیکلي: "په افغانستان کې د تکفیري ترهګرو ډلو شتون، د هغو پراخو شواهدو سره چې موږ یې په ایران کې د ناامنۍ د رامنځته کیدو سره لرو، باید زموږ استخباراتی او امنیتی ادارې زموږ د هیواد د ختیځو سرحدونو په اړه حساس کړي."
دا په داسې حال کې ده چې تیره اونۍ د چهارشنبې په ورځ د قاسم سلیماني د څلورم تلین په لمانځغونډه کې دوه چاودنې وشوې.
د یادولو ده چې په دغو چاودنو کې د دیارلسو افغانانو په ګډون ۸۹ کسان ووژل شول او ۲۸۴ نور ټپيان دي.
داعش ډلې ددغو بریدونو مسوولیت پر غاړه اخیسیتی دی..
