طالبان له ایران سره د خپلمنځي سوداګرۍ د زیاتوالي لپاره د څلورو نویو هوکړو خبره کوي

تادین خان زیاتوي، چې د طالبانو مشر ملا هبت الله عینو مینه کې د جنرال عبدالرازق دغه مجلل مېلمستون کې اوسیږي هم.

د دغه مېلمستون ویډيو هم د افغانستان انټرنشنل خبریال عبدالحق عمري ته رسېدلې ده او تادین خان هم تاییدوی چې دا اتل قصر دی او د طالبانو مشر یې کاروي.

د کندهار په عینو مینې عصري ښارګوټی د پخواني ولسمشر حامد کرزي ورور محمود کرزي جوړ کړی دی.

د جنرال رازق مېلمستون چې د اولې عینو مینې ښارګوټي په ډبلیو سرک کې دی.

جنرال رازق په سوېل کې د طالبانو یو سخت مخالف مشر بلل کېده او د ۲۰۱۸ کال د اکتوبر پر ۱۸ د طالبانو د نفوذي کس له خوا له د امریکايي ځواکونو د لوی قومندان جنرال سکاټ مېلر په مخ کې ووژل شو.

د ملا هبت الله دوه نور مېلمستونونه

څو تنه طالبان هم تاییدوي چې د خپلې ډلې له مشر سره یې د جنرال رازق مېلمستون کې ناسته درلوده.

دوی وايي د دغې سیمې امنیت د ملا هبت الله د ځانګرو ځواکونو لخوا نیول شوی وي.

د دې سیمې د اوسیدونکو په وینا، د ملا هبت الله ځانګړو ځواکونو له دغه مېلمستون بهر امنیتي کمربند جوړ کړی دی.

ملا هبت الله نه یوازې د جنرال رازق لخوا په جوړ قصر کې شخصي او رسمي لیدنې کوي، پر دې سربېره د کندهار منډیګک ماڼۍ کې د خپلې کابینې او د عالمانو شورا سره هم غونډې کوي.

ملا هبت الله د کندهار عینو مینه کې د جنرال رازق پر مېلمستون سربېره په دوه نورو ځایونو کې هم اوسیږي.

د ملا هبت الله کور

سرچینو افغانستان انټرنشنل ـ پښتو ته وویل چې د ملا هبت الله شخصي کور د کندهار ښار اړوند په لسمه حوزه کې د قومندې سیمه کې دی.

دغه سیمه کې د تېر حکومت نظامیان اوسیدول خو اوس په دغو کورونو کې د ملا هبت الله ترڅنګ د ده د مشاورینو کورونه موجود دي.

د قومندې سیمې ته داخلېدل کومه اسانه خبره نه ده، بلکې د طالب وسلوالو لخوا یې سخت امنیتي تدابیر نیول شوي دي.

د سیمې خلکو ته ځانکړي کارتونه وېشل شوي او دغه خلک د دې کارتونو په مټ دغې سیمې ته داخلیږي.

که دغې سیمې ته کوم مېلمانه داخلیږی باید په دغه ساحه کې یې مېشت خلک طالبانو ته تایید کړي.

د دغو کورونو دېوالونه خام دي خو د حویلو دننه بیا د دې کورونو بڼه بدله ده او د کورونو ودانۍ عصري جوړې شوې دي.

خراسان رضوي ولایت له شمال او شمال ختیځ څخه له ترکمنستان سره ۵۳۱ کیلو متره ګډه پوله لري او په ختیځ کې له افغانستان سره ۳۰۲ کیلو متره ګډه پوله لري.

مجید شجاع د یکشنبې په ورځ د (مرغومي ۱۷مه) ایرنا خبري اژانس ته وویل: « ۹۰۰ کیلو ګرامه نیول شوي مخدره توکي شیشه ده.»

د نوموړي په وینا د ایران په پولو کې د نشه يي توکو په نیولو کې زیاتوالی راغلی دی.

نوموړي زیاته کړه: «د تېر کال په همدې موده کې د نیول شویو نشه يي توکو اندازه څه ناڅه دوه ټنه او دوه سوه کيلو ګرامه وه او سږ کال دغه اندازه ٨٠ سلنه زياته شوې ده.»

د خراسان رضوي ولایت د پوله ساتو ځواکونو قوماندان وايي، د نشه يي توکو له قاچاق سره مبارزه د دغه ولايت د سرحدي ساتونکو له لومړيتوبونو څخه ده او پر پولو د قاچاق وړونکو د فعاليتونو د مخنيوي لپاره هوډمن دي.

د طالبانو د ریاست الوزرا اقتصادي معاونیت د یکشنبې په ورځ د (مرغومي ۱۷مه) پر خپله ایکس پاڼه لیکلي چې، د افغانستان تر منځ د سوداګرۍ ګډې کمېټې په خپلې لومړنۍ ناسته کې د اسلام کلا، نیمروز او ابو نصر فراهي او د ایران لوري ته د درېیو سرحدي ګمرکونو ترمنځ کاري وخت له ۸ ساعتونو څخه ۱۶ ساعتونو ته پر زیاتېدو هوکړه کړې ده.

د ریاست الوزرا اقتصادي معاونیت ویلي چې، د دواړو هیوادونو ترمنځ د صادراتو او وارداتو د زیاتوالي په موخه هم هوکړه شوې چې په ورځني ډول د بار وړونکو موټرونو شمېر له ۵۵۰ څخه ۱۲۰۰ موټرو ته لوړ شوي.

همدارنګه د افغانستان او ایران تر منځ د سوداګرۍ د ګډې کمېټې ترمنځ د دواړو هیوادونو تر منځ د سوداګرۍ د ودې په موخه ټاکل شوي فیسونه لغوه اعلان کړي.

د طالبانو ریاست الوزرا له لوري په خپره شویو معلومات کې ویل شوي چې په یاده ناسته کې د ایران له لوري ۱۰۴ ډالر او د افغانستان له لوري ۵۰۰۰ افغانۍ د خاک پولي فیس هم لغوه اعلان شو.

دا په داسې حال کې ده چې څه موده وړاندې د طالبانو د ریاست الوزرا اقتصادي مرستیال ملا عبدالغني برادر ایران ته د یو رسمي سفر پر مهال له ایراني چارواکو سره د سوداګرۍ او ترانزیټ د زیاتوالي په موخه یو شمېر هوکړې لاسلیک کړلې.

د خوړو نړیوال پروګرام د یک شنبې په ورځ د (مرغومي ۱۷مه) پر خپله اېکس پاڼه په خوراکي توکو د بار موټرو یوه ویډیو خپره کړې او لیکلي یې دي چي «مهمه نه ده چې لارې څومره ستونزمنې وي خو د خوړو نړیوال پروګرام تل د خوراکي توکو د رسولو لارې لټوي.»

د خوړو نړیوال پرورګرام څو ورځې وړاندې خبرداری ورکړی و او ویلي یې و چې که د افغانستان له خلکو سره مرستې و نه شي په ۲۰۲۴ میلادي کال کې به میلیونونه وګړي له بشري ناورین سره مخ شي.

د خوړو نړیوال پروګرام مسولانو د ۲۰۲۳ میلادي کال په ډيسمبر میاشت کې ویلي و، چې د بودجې د کموالي له امله اړ دي چې په نړیواله کچه خپلې مرستې کمې کړي.

دوی دا اندېښنې په داسې حال کې ښودلې دي چې د افغانستان د وګړو وضعیت خورا نازک دی او په خبره یې چې له هرو دریو کسانو یو کس یې د خوارک لپاره خواړه نه لري.

د طالبانو ویاند ذبیح الله مجاهد پر خپله اېکس پاڼه لیکلي چي: « ټاکل شوې ده چې نن د پاکستان د جمعیت علمای اسلام ګوند مشر مولانا فضل الرحمن د یوه پلاوی په مشرۍ کابل ته راشي.»

د طالبانو ویاند د پاکستان د جمعیت علما‌ی اسلام ګوند مشر مولانا فضل الرحمن د لیدنو په اړه نور جزیات نه دي ورکړي.

خو د طالبانو ویاند د لیندۍ په ۲۶مه نېټه ویلي و، کابل ته یې مولانا فضل الرحمن ځکه وربللی چې په پاکستان کې د طالبانو پر ضد د منفي تبلیغ مخه ونیسي.

مولانا فضل الحمن د طالبانو سره له نږدې اړیکې لري او د دغو اړیکو له امله ډیری افغانان نوموړی د افغانستان په چارو کې په لاسوهنه تورنوي او د هغه مخالف دي.

څو اوونۍ وړاندې افغانستان ته د مولانا فضل الرحمن د سفر د راپورونو له خپریدو وروسته ډیری افغانانو افغانستان ته د نوموړي د سفر مخالفت وکړ او آن د طالبانو د ټولنیزو رسنیو یو شمیر فعالان هم د یاد سفر خلاف په خواله رسنیو کې خپل غږ پورته کړ.

بل خوا د پاکستان د جمعیت علمای اسلام ګوند مشر مولانا فضل الرحمن له مشال راډیو سره په مرکه کې ویلي و چې، افغانستان ته د نوموړي د سفر اجازه د طالبانو مشر ملا هبت الله ورکړې او په یاد سفر کې به له هغه سره هم ګوري.

خو تر دې مهاله د طالبانو له مشر ملا هبت الله سره د هیڅ یوه بهرني کس د لیدلو خبر نه دی خپور شوی.

جمعیت علمای اسلام په پاکستان کې یو له سیاسي او مذهبي ګوندونو څخه دی، چې مشري یې مولانا فضل الرحمن کوي. دغه ګوند د اسلام اباد په سیاسي ډګر کې مخکښ رول لري او په اسلام اباد کې د سیاسي ټلوالو په جوړېدو کې یې غوښنه ونډه لرلې.