د دغه پروګرام مسولانو ویلي چې، په ۲۰۲۳ میلادي کال کې یې له ۳۵۰ زره میټریک ټنه څخه ډير خوراکي توکي د افغانستان بېلابېلو سیمو ته لیږدولي چې خورا زیانمنو خلکو ته ورسیږي. د خوړو نړیوال پروګرام وايي، په سختو او ستونزمنو حالاتو کې د مرستو رسولو لارې لټوي.
د خوړو نړیوال پروګرام د یک شنبې په ورځ د (مرغومي ۱۷مه) پر خپله اېکس پاڼه په خوراکي توکو د بار موټرو یوه ویډیو خپره کړې او لیکلي یې دي چي «مهمه نه ده چې لارې څومره ستونزمنې وي خو د خوړو نړیوال پروګرام تل د خوراکي توکو د رسولو لارې لټوي.»
د خوړو نړیوال پرورګرام څو ورځې وړاندې خبرداری ورکړی و او ویلي یې و چې که د افغانستان له خلکو سره مرستې و نه شي په ۲۰۲۴ میلادي کال کې به میلیونونه وګړي له بشري ناورین سره مخ شي.
د خوړو نړیوال پروګرام مسولانو د ۲۰۲۳ میلادي کال په ډيسمبر میاشت کې ویلي و، چې د بودجې د کموالي له امله اړ دي چې په نړیواله کچه خپلې مرستې کمې کړي.
دوی دا اندېښنې په داسې حال کې ښودلې دي چې د افغانستان د وګړو وضعیت خورا نازک دی او په خبره یې چې له هرو دریو کسانو یو کس یې د خوارک لپاره خواړه نه لري.
