د افغانستان کرېکټ ملي لوبډله له هند سره د دوه اړخیزې لوبلړۍ ترسره کولو لپاره هند ته رسېدلې

د افغانستان کرېکټ بورډ د غوراوې کمېټه وایي، د ابراهيم ځدران په لوبډلمشرۍ دا لوبډله به خپل لومړۍ لوبه د راتلونکې پنجشنبې په ورځ «جنوري ۱۱مه» په هند کې و کړي.

د سياليو دوهمه لوبه به د روانط جنوري میاشتې په ۱۴ او درېمه لوبه پر ۱۷ مه نېته وشي.

افغان کرېکټ بورډ وايي، چې دې سیالو ته يې په لومړي ځل ۱۹ لوبغاړي ټاکلي چې له مخې یې د شل اوره نړیوال جام سياليو ته غوره لوبډله وټاکي.

د هند په وړاندي په افغان کرېکټ لوبډله کې « ابراهيم ځدران لوبډلمشر، رحمن الله ګربز او اکرام عليخيل«ویکټ ساتونکي»، حضرت الله ځاځی، رحمت شاه زرمتی، محمد نبي، نجیب الله ځدران، کریم جنت، عظمت الله عمرزی، شرف الدین اشرف، مجیب الرحمن، فضل الحق فاروقي، فرید احمد ملک، نوین الحق، نوراحمد لکڼوال، قیس احمد، سلیم ساپی، ګلبدین نایب او راشدخان» شامل دي.

د افغان کرېکټ بورډ مشر ميرويس اشرف له هند سره په لومړۍ ځل د دریو شل اوره لوبو پيل د افغان لوبغاړو لپاره اغېزناک بولي

څو ورځي مخکي افغان کرېکټ لوبډلې له متحده عربي اماراتو د دريو سیالیو شل اورره لوبلړۍ وګټله.

اسټرالیا په په لومړنۍ ټېسټ لوبه کې پر ۷۹ او دویمه کې پر ۳۶۰ منډو لوی توپیر پاکستان مات کړی و.

د پاکستان د کرېکټ ډایرېکټر محمد حفیظ وايي، دې لوبډلې ښه لوبه وکړه، خو له ځینې چانسونو یې کار وانه خیست او د ځینې کېچونو غورځېدو سره یې ماتې وخوړه.

د پاکستان او اسټرالیا ترمنځ له نږدې ۲۵ کلونو راهیسې په اسټرالیا کې ټېسټ لوبلړۍ کېږي، خو ویل کېږي یوه لوبلړۍ هم پاکستان نه ده ګټلې.

د کرېکټ نړیوالې شورا (آی سي سي) د سه شنبې په ورځ د (مرغومي ۱۲مه) د شل اوریزو سیالیو د لس غوره توپ اچوونکو نوملړ خپور کړ.

په دغه نوملړ کې فضل الحق فاروقي پر اووم مقام پاتې دی خو مجیب الرحمن ځدران له نهم مقام څخه یولسم مقام ته ښکته شوی دی.

د کرېکټ نړیوالې شورا د شل اوریزو لوبو د لس غوره توپ اچوونکو په درجه بندۍ کې د انګستان ملي لوبډلې ورو توپ اوچونکی عادل رشید پر لومړي مقام، د هند ملي لوبډلې توپ اچونکی روي بیشنو دویم، د ویسټ اندیز اکیل حسن دریم او د سریلانکا وینندو هسرانګا په څلورم مقام کې دي.

د شل اوریزو سیالیو د لس غوره توپ اچونکو په نوملړ کې راشد خان پنځم مقام خپل کړی.

د کرېکټ نړیوالې شورا د لس غوره توپ اچوونکو په دغه لیست کې فضل الحق فاروقي اووم او مجیب ځدراڼ چې وړاندې تر دې پر نهم مقام و یوولسم مقام ته ښکته شوی دی.

د کرېکټ چارو شنونکي وايي، راشد خان د ټپي کیدو او له تېرو دوه میاشتو راهیسې نه لوبیدو له امله د کرېکټ نړیوالې شورا د غوره لوبغاړو په درجه بندۍ کې خپل مقام له لاسه ورکړی دی.

د افغانستان کرېکټ بورډ د چهار شنبې په ورځ د (مرغومي ۱۳مه) د یوې خبرپاڼې په خپرولو سره ویلي چې د ملي لوبډلې او نوولس کلنو د لوبډلې لپاره یې د توپوهنې په برخه کې دوه بهرني روزونکي په دندو ګومارلي دي.

کرېکټ بورډ وايي، د سوېلي افریقا پخوانی توپوهونکی انډریو پټیک د ملي لوبډلې د توپوهنې روزونکي په برخه کې پر دنده ګومارل شوی دی.

کرېکټ بورډ ویلي، د سوېلي افریقا د لوېدیځ ولایت چپ لاسي توپوهونکي انډریو پټیک خپله لومړنۍ فرسټ کلاس لوبه په ۲۰۰۰ کال کې تر سره کړې او د یادې بڼې په دریمه لوبه کې لومړنۍ سلیزه هم په خپل نوم ثبت کړې.

کرېکټ بورډ د ښاعلي پټیک د لوبیزو کارنامو په اړه لیکلي، چې نوموړي یوه یو ورځنۍ لوبه تر سره کړې، خو په کورني کرېکټ کې غوره تجربه لري. او په ۱۷۳ فرسټ کلاس لوبو، ۱۷۲ لیسټ اې او ۸۳ شل اوریزې لوبې تر سره کړي.

د کرېکټ بورډ د معلوماتو له مخې په دغو لوبو کې یې ۱۷ زره منډې جوړې کړې چې ۴۰ سلیزې او ۸۴ نیمه سلیزې په کې شاملې دي.

ښاغلي انډریو پټیک تردې وړاندې هم د روزونکي دنده تر سره کړې ده.

پټیک په ۲۰۲۳ کال کې د پاکستان د ملي لوبډلې د توپوهنې برخې روزونکی، له ۲۰۱۹ تر ۲۰۲۳ د سوېلي افریقا د ښځو لوبډلې د سلاکار، د سوېلي افریقا د الف لوبډلې د مرستیال روزونکي، د یاد هیواد د ایمرجینګ لوبډلې د مرستیال روزونکي او همدارنګه د سوېلي افریقا د ښځو د ایمیرجینګ لوبډلې د توپوهنې د روزونکي په توګه دندې تر سره کړې دي.

همدارنګه د افغانستان کرېکټ بورډ وايي، د نوولس کلنو کم عمره ملي لوبډلې لپاره ټاکل شوی سلاکار او لارښود د انګلستان الاصله جوردن جیمې پارسنز د انګلستان او سوېلي افریقا په کورني کرېکټ کې سترې کارنامې لري.

د افغانستان کرېکټ بورډ د پارسنز په اړه لیکلي چې نوموړی الراونډر لوبغاړی و، او په ښي لاس چټک توپ اچونې تر څنګ یې کیڼ لاس توپ وهنه هم ترسره کړې.

ښاغلي پارسنز د کورني کرېکټ په فرسټ کلاس ۳۳۸ سیالیو او ۳۵۱ لسټ اې سیالیو کې لوبیدلی چې په فرسټ کلاس سیالیو کې ۶۷۶۳ منډې او ۸۰۹ ویکټې او لست اې لوبو کې ۱۹۴۱ منډې او ۳۵۱ ویکټې ترلاسه کړې دي.

د افغانستان کرېکټ بورډ د انډریو ټپیک سره د یو کال لپاره تړون کړی او د هندوستان پر وړاندې د درې شل اوریزو نړیوالو سیالیو لپاره به له افغان ملي لوبډلې سره یوځای شي او همدارنګه جیمز پارسنز له وړاندې ۱۹ کلنو کم عمره ملي لوبډلې سره په سوېلي افریقا کې یوځای شوی او هلته به د ۲۰۲۴ کال د ۱۹ کلنو کم عمره لوبغاړو په نړیوال جام کې د افغان لوبډلې د سلاکار او لارښود په توګه دنده ترسره کړي.

د کیپ ټاون ټېسټ لوبې په لومړۍ ورځ د سویلي افریقا په ۵۵ منډو ټول لوبغاړي وسوځیدل، بیا د هند اننګز په ۱۵۳ منډو پای ته ورسېد، ورپسې سویلي افریقا په دویم ځل په ۶۲ منډو خپل درې لوبغاړي له لاسه ورکړل.

په دې توګه د لوبې په لومړۍ ورځ ټولټال ۲۳ لوبغاړي وسوځېدل، چې دا په تېرو ۱۲۲ کلونو کې د ټیسټ لوبو په لومړۍ ورځ د ډېرو ویکټو د سوځېدو ریکارډ دی.

د جیو نیوز د راپور له مخې، تر دې وړاندې په ۱۹۰۲ کال کې د انګلستان او اسټرالیا ترمنځ د لوبې په لومړۍ ورځ ۲۵ لوبغاړي وسوځېدل، په داسې حال کې چې په ۱۸۹۰ کال کې د اسټرالیا او انګلستان ترمنځ د لوبې په لومړۍ ورځ ۲۲ لوبغاړي وسوځېدل.

په ۱۸۸۸ کال کې د انګلستان او اسټرالیا د لوبې په دویمه ورځ ۲۷ لوبغاړي وسوځېدل.

په ۱۸۹۶ کال کې د اوول ټیسټ لوبې په دویمه ورځ ۲۴ لوبغاړي وسوځېدل. په ۲۰۱۸ کال کې د هند او افغانستان د چنای ټیسټ لوبې په دویمه ورځ ۲۴ وېکټې، په کیپ ټاون کې په ۲۰۱۱ کال کې د سویلي افریقا او استرالیا ټیسټ لوبې په دویمه ورځ ۲۳ لوبغاړي وسوځېدل.