د اسټرالیا کرېکټ ملي لوبډلې په دغه هېواد کې نن په وروستۍ لوبه کې پاکستان ته په ماتې ور کولو سره د لوبلړۍ درې واړه سیالۍ وګټلې. د پاکستان کرېکټ لوبډلې نن سیډیني کې د لوبو په شپږمه ورځ ۱۳۰ منډې هدف وټاکه، خو اسټرالیا د دوو لوبغاړو سوځېدو سره دا هدف پوره کړ.
اسټرالیا په په لومړنۍ ټېسټ لوبه کې پر ۷۹ او دویمه کې پر ۳۶۰ منډو لوی توپیر پاکستان مات کړی و.
د پاکستان د کرېکټ ډایرېکټر محمد حفیظ وايي، دې لوبډلې ښه لوبه وکړه، خو له ځینې چانسونو یې کار وانه خیست او د ځینې کېچونو غورځېدو سره یې ماتې وخوړه.
د پاکستان او اسټرالیا ترمنځ له نږدې ۲۵ کلونو راهیسې په اسټرالیا کې ټېسټ لوبلړۍ کېږي، خو ویل کېږي یوه لوبلړۍ هم پاکستان نه ده ګټلې.
