ملا هبت الله د مدرسو له فارغو شاګردانو غوښتي، چې د دوی د نظام د بقاء لپاره لاس په دعا شي

د کندهار د طالبانو د پوهنې ادارې مسولينو نن سې شنبه د پنجوايي ولسوالۍ د هغه ښوونځۍ د ترميم چارې شروع کړې، چې د تېرو جګړو پر مهال تخريب شوې وه.

د دې ادارې د نشراتو کارکوونکي قدرت الله عرفان رسنيو ته وويل، چې دا مهال په ښار او ولسواليو کې شاوخوا ۷۵ مدرسې او ښوونځي بيا ترميم ته اړتيا لري.

د هغه په خبره؛ له دې جملې يې دا مهال د ۳۱ ښوونځیو د ترميم چارې پيل کړي، چې د درېيو مياشتو په موده کې به ورغول شي.

د معلوماتو له مخې؛ پر هر ښوونځی د تخريب محاسبې ته په کتو له ۱۰۰ زره افغانيو څخه تر يو میليون افغانيو پورې لګښت راځي، چې د طالبانو د پوهنې وزارت له بوديجې ورکول کيږي.

عرفان وايي؛ د کندهار په پنجوايي، ژړۍ، ارغنداب، ارغستان، معروف، ښورابک، تخته پل، ميوند، غورک او يو شمېر نورو لرو پرتو سېمو کې دغه ښوونځي د تېرو جګړو پر مهال د جګړې په لومړۍ کرښه کې تخريب شوي دي.

د سېمې اوسېدونکي وايي، چې د جګړو او تخريب شويو ښوونځيو پر مهال يې اولادونه تر ډېره له زده کړو بې برخې وو.

طالبانو د افغانستان په ډېرو سيمو کې د تېر جمهوري نظام سره په جګړه کې ښوونځي، ښوونيز مرکزونه او نورو عامو ځايونو څخه د سنګر په توګه کار اخيست او د جګړې په ګرم ساتلو کې به یې استفاده ترې کوله.

د ځايي طالبانو د معلوماتو له مخې؛ دا مهال په کندهار کې ۳۶۶ ښوونځي فعال دي او تر سل زيات نور ښوونځي د تشکيل او بودېجې د نه شتون له کبله بندي پاتې دي.

په افغانستان کې د طالبانو واک ته له رسېدو را وروسته دغه ډلې د ښوونځیو او نصاب لويه برخه ديني مدرسو ته تغير کړې ده.

ښاغلي سیاف د سې شنبې په ورځ (د مرغومي۱۹مه) په اېکس ټولنیزې شبکې کې په یوه یادښت کې د طالبانو له خوا د ښځو پر «بندولو، وهلو او ځورولو» نیوکه کړې ده.

عبدالرب رسول سیاف د طالب وسله والو له خوا د ښځو وهل او ځورولو په نیوکې سره ویلي دي: «تر ​​اوسه د نارینه و د زنداني کولو په اړه د امت د علماو تر منځ کومه موافقه نه ده شوې، څه لا پاتې د ښځو د زنداني کولو خبره.

دغه جهادي رهبر طالبانو ته په خطاب کې لیکلي: «له خدای ووېریږئ او له خلکو وشرمیږئ. د هېواد اسلامي ارزښتونه او ملي دودونه مو تر پښو لاندې کړل.»

سیاف زیاته کړې ده: «له خپلو ناوړه او متکبرانه کړنو سره مو خلک له دین څخه لېرې کړل او په زړونو کې مو ورته د دین مینه کمه کړه.»

یوه اونۍ وړاندې طالبانو په کابل کې د «بې حجابۍ» په تور د یو شمېر ښځو او نجونو نیول پیل کړل، چې د بشري حقونو فعالانو او نړۍوالو سازمانونو له پراخ غبرګونونو سره مخ شول.

د افغانستان د بهرنیو چارو پخواني وزیر د سې شنبې په ورځ (د مرغومې ۱۹مه) په اېکس ټولنیزې شبکې کې لیکلي، چې د افغاني ټولنې په ارزښتونو کې د ښځو کرامت ته په هر ډول شرایطو کې درناوی فرض دی.

هغه ټینګار وکړ، چې د دې "وحشیانه" کړنې عاملینو سره باید حساب وشي.

ښاغلي اتمر د یوناما دفتر او د افغانستان لپاره د بشري حقونو په برخه کې د ملګرو ملتونو ځانګړي راپور ورکوونکي ته په خطاب کې ویلي: «د ملګرو ملتونو د بشري حقونو اداره په ځانګړې توګه د یوناما دفتر دنده لري چې ژر تر ژره په دې قضیه کې هر اړخیزه څېړنه وکړي او عاملین یې تر نړۍوال عدالت لاندې راولي.»

په تېرو څو ورځو کې طالب وسله والو د کابل په یو شمېر سیمو کې د ښځو د جامو د اغوستلو په ډول کنټرول پیل کړی او یو شمېر نجونې یې د حجاب د نه مراعتولو له امله وهلي، نیولي او بندیانې کړې دي.

په کابل کې د پولیسو د ویاند په وینا؛ چاودنه نن مازدیګر شاوخوا څلور بجې د کابل ښار د ۱۶مې امنیتي حوزې اړوند د الو خېلو په سیمه کې شوې ده.

هغه زياته کړه، چې د دې ډلې امنيتي ځواکونه د چاودنې په ځاى کې موجود وو او يو شکمن کس يې په دې چاودنه کې د لاس لرلو په تور نيولى دى.

تر اوسه کومې ډلې د دې چاودنې مسوولیت پر غاړه نه دی اخیستی.

تر دې مخکې سیمه ییزو سرچینو افغانستان انټرنشنل ته ویلي وو، چې د قلعه زمان خان په ۶۰ متره سړک کې په یوه مسافر وړونکي موټر کې چاودنه شوې ده.

په وروستیو ورځو کې دا په کابل ښار کې دویمه چاودنه ده.

د شنبې په ورځ (د جدي۱۶مه) د کابل په لوېدیځ کې د دشت برچي په سیمه کې پر یوه مسافر وړونکي بس موټر چاودنه وشوه.

د یوناما په وینا؛ په دې چاودنه کې لږ تر لږه ۲۵ هزاره ګان وژل شوي او ټپیان دي.

د بلخ د طالبانو د صنعت او سوداګرۍ ادارې مشر نن سې شنبه د طالبانو تر واک لاندي باختري خبري اژانس سره په مرکه کې ويلي، چې په دې ولایت کې تېر کال ۲۰۰ توليدي فابرېکو ته نوي جوازونه او د فعالت اجازه ورکول شوې.

د طالبانو د دې ادارې مشر امام الدین سنايي وايي، چې د ښار او ولسواليو په درېيو صنعتي ښارګوټو کې ۱۷۰۰ توليدي فابرېکې فعاله دي او تر ۳۰ زره پوري کسان په کار بوخت دي.

د سنایي په خبره؛ له دې توليدي فابرېکو څخه د غذايي موادو او مشروبات تر څنګ ۶۴ بېلا بېل مواد توليديږي.

نوموړي د ځان بسايني لپاره هيله مندي وښوده او له واکمني ډلې يې وغوښتل، چې په کور دننه افغاني تولیدات استعمال او ورته بازار پيدا کړي.

واک ته د طالبانو په رسېدو د ځوانانو لويه برخه بې دندو شوې او د کار په پيدا کولو کې لالهانده هڅې کوي.